BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
Астана:

Ақмолалық жиһаз өндірушілері цифрландыруға дайын

Фото: acquaebagno.com

Астана, BAQ.KZ. 26 желтоқсан күні Ақмола облысында жиһаз өндірісінің толық автоматтандырылған өндірісі іске қосылады.

2018 жылы 26 желтоқсанда «KAZYNA-SR» өндірістік компаниясы өндірістік процестерді цифрландырудағы жаңа технологиялар мен инновациялық тәсілдерді, сондай-ақ жаңартылған сәулет-конструкторлық бюроларды пайдалана отырып жаңа цех ашты.

Бүгінде компания жаңа заман талаптарына сай жұмыс істейді. Ал, жиһаз өндірісін цифрландыру аталмыш компанияға заманауи өнімді шығаруға жаңа мүмкіндіктер сыйлайды. Корпустар мен бөлшектерді өңдеу және өндіру уақытын айтарлықтай қысқартады, сондай-ақ өндірістегі жұмыс уақытының шығынын да азайтады.

Қазіргі замандағы жиһаз нарығының ерекшелігі, тұтынушы бүгінгі таңда қарама-қайшы міндеттер қояды. Мысалы, «жиһаз жоғары сапалы болуы тиіс, өнім дербестендірілуі керек (пішіндердің, түстердің, функциялардың, аксессуарлардың және т.б) ал, жеткізу мерзімі аз болуы қажет, ең бастысы – баға да төмен болу керек. Ал, мұндай үйлесім жиһаз өндірушілерін қиын жағдайға қояды. Сол себепті де процестердің тиімділігін арттыруға алдыңғы қатарлы технологияларды цифрландыру және енгізу есебінен ғана қол жеткізуге болады.

Жиһазды цифрлы технологиямен өңдеу қазіргі уақытта «Жиһаз 4.0» жаңа термині деп аталады. Осы трендтердің барлығы «Индустрия 4.0» және «Цифрлық Қазақстан» мемлекеттік бағдарламасын жүзеге асыру аясында қарқын ала бастады.


Біздің Telegram-парақшамызда Қазақстанның маңызды жаңалықтары. Жазылыңыздар!

Ұқсас сілтемелер:
Пікірлер