BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
Астана:

Футзалдан Қазақстан ұлттық құрамасы ӘЧ алдында жаңа формасын таныстырды

Футзалдан Қазақстан студенттер құрамасы тамыздың 19-ы мен 26-ы аралығында өтетін әлем чемпионатына арналған жаңа формасын таныстырды, деп хабарлайды Baq.kz ақпарат агенттігі спорттық ХАБ-қа сілтеме жасап.

Құраманың негізгі формасы ашық сары, ал екіншісі ақ түсті болып келеді. Форманы бүгін арнайы өткен баспасөз мәслихатында ерлер және әйелдер командасының капитандары Рамина Мамедова мен Біржан Оразов таныстырды.

- Дайындық өте жақсы. Жоғары нәтижеге қол жеткіземіз деп ойлаймын. Әрине барлық команда чемпион болуға лайық, біздің топта Чехияны ерекше атап өтсе болады. Біз жеңу үшін бар күшімізді саламыз, - деп өз ойын Біржан Оразов бөлісті.

Айта кетер жайт, ерлер ұлттық құрамасы «В» тобында Беларусь, Чехия, Жаңа Зеландиямен, ал, әйелдер командасы Португалия, Франция, Жаңа Зеландиямен ойнайды.

Ұйымдастурышалардың айтуынша, барлық ойын жоғары деңгейде өткізілетін болады. Алматы қаласы әлем чемпионатына тыңғылықты дайындалды. Қала бойынша қауіпсіздік, көліктік логистика және денсаулық сақтау шаралары сақадай сай дайын. Сонымен қатар, теңбіл доп додасы кезінде қалада көптеген шара өтіп, құрамалар аула командалары арасында шеберлік сабақтарын өткізеді.

Бұл чемпионат Қазақстандаға емес, ТМД мемлекеттер арасында алғаш рет ұйымдастырылады. Жарыста 6 ер және 9 әйел құрамалары өнер көрсетеді. Олар, Канада, Германия, Франция, Аргентина, Жаңа Зеландия, Болгария, Португалия, Польша, Хорватия, Словакия, Чехия, Ресей, Қытай, Израиль, Таиланд, Украина.

Ойындар Almaty Arena мен Halyk Arena мұз кешендерінде сағат 10:00-ден басталады. Салтанатты ашылуы тамыздың 19-ы күні Almaty Arena-да сағат 12:00-де өтеді.

Бұл чемпионат 1984 жылдан бастап Халықаралық студенттер спорты федерациясының (FISU) қамқорлығымен екі жылда бір рет өткізіледі. 2016 жылдын чемпионы болып ерлер мен әйелдер құрамалары арасында Бразилия атанған болатын.

Жарыстың толық кестесімен wucfutsal2018.com ресми сайтынан көре аласыздар.


Біздің Telegram-парақшамызда Қазақстанның маңызды жаңалықтары. Жазылыңыздар!

Ұқсас сілтемелер:
Пікірлер