BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
Астана:

Атыраулық волейболшылар Мьянмадан жүлделі оралды

Мьянма елінде волейболдан клубтар арасындағы Азия чемпионаты өтті. Құрлық бәсекесінде «Атырау» волейбол командасы күміс жүлдеге ие болды, деп хабарлайды Вaq.kz ақпарат агенттігі облыстық дене шынықтыру және спорт басқармасының баспасөз қызметіне сілтеме жасап.

Әуежайда спортшыларды облыстық спорт басқармасының қызметкерлері мен бір топ спорт жанашырлары салтанатты түрде күтіп алды.

«Алдымен іріктеу кезеңінде ирандық «Эрдекан» командасынан 3:1 есебімен жеңіліп қалдық. Екінші ойында Жапонияның мықты командасы «Торай Эрроусті» 2:3 есебімен тізе бүктірдік. Ал ширек финалда Шри-Ланкалық «Ланка Лайоес» командасын 3:1 есебімен жеңсек, жартылай финалда пәкістандық «Вапда» командасын 2:3 есебімен ұттық. Өкінішке қарай, финалда тәжірибелі әрі мықты Иранның «Хатам Ардакан» командасына есе жіберіп, күміс жүлдені қанағат тұттық», – дейді спортшылар.

Айта кету керек, атыраулық команда ойыншылары Роман Хандролин «Ең үздік пас беруші» және Айбат Нейталлин «Ең үздік ойыншы» номинациялары бойынша жеңімпаз атанды.


Біздің Telegram-парақшамызда Қазақстанның маңызды жаңалықтары. Жазылыңыздар!

Ұқсас сілтемелер:
Пікірлер