BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
Астана:

71 жастағы Владимир Гашута «Медеу Баспалдақ-2018» жеңімпазы атанды

«Медеу» шатқалындағы селден қорғау бөгетінде «Спорттық Алматы» бағдарламасы аясында дәстүрлі «Баспалдақ-2018» бұқаралық жүгіру жарысы 30-шы рет өтті, деп хабарлайды Вaq.kz ақпарат агенттігі.

Жарысқа 1000-нан астам 7 жастан асқан кез келген әуесқойлар, отбасылық командалар қатысты. Олардың арасында ең үлкені 71 жастағы Владимир Гашута болды. Кезінде танымал спортшы болып, гиннес рекордына еңген акробатшы биыл да кезекті жеңісіне қол жеткізіп, өз жас дәрежесінде (60-тан жоғары) 100 сатыны бірінші болып бағындырды.

"Мен осы шараға 1993 жылдан бері қатысып келемін. Бүгін 43-ші жеңісіме қол жеткізіп, қуанып отырмын. Әр жылдары әртүрлі қашықтықта жүргенмін, бірақ менің ұнататын қашықтығым - 200 баспалдақ. Осы шараға күнделікті дайындығыммен келдім. Өзім бір қалыпта болу үшін жиі жүгіріп, жаттығулар жасап тұрамын. Бұл жарыс - мен үшін азарт" - деді Владимир Гашута.

Бұл қалалық жарыс 100, 200, 300, 500 және 841 баспалдақ бойынша әртүрлі жас айырмашылығы бойынша өткізілді. Қызықты өткен сайыс соңында қатысушылар мен қонақтар «Galam live band» тобының жанды дауыста айтылған әндерін тыңдап, көңіл көтерді.

Жеңімпаздар мен жүлдегерлер барлық жас ерекшеліктеріне сәйкес медал және сыйлықтармен марапатталды, ал белсенді қатысушыларға жарыс ұйымдастырушылары мен серіктестері атынан сыйлықтар табысталды. Сондай-ақ, барлық қатысушы жарысқа қатысқаны үшін сертификаттарға ие болды.

Аталмыш спорттық шара бұқаралық спорттың дамуына бағытталған «Спорттық Алматы» бағдарламасының аясында өткізілді.


Біздің Telegram-парақшамызда Қазақстанның маңызды жаңалықтары. Жазылыңыздар!

Ұқсас сілтемелер:
Пікірлер