BAQ.kz - Қазақстан жаңалықтары USD 378.9 BAQ.kz - Қазақстан жаңалықтары EUR 422.74 BAQ.kz - Қазақстан жаңалықтары RUB 5.87
Астана:

Студенттердің ең үздік жобалары анықталды

Фото: Л.Н. Гумилев атындағы ЕҰУ баспасөз қызметі

Қазақстан Республикасының Тәуелсіздік күніне орай Л.Н. Гумилев атындағы Евразия ұлттық университеті, «Отырар» кітапханасында «Студенттердің 100 үздік идеясы» республикалық конкурсының жеңімпаздарын марапаттау салтанаты өтті.

Шараға шығармашылық зиялы қауым өкілдері, БАҚ басшылары, ұстаздар мен студент жастар қатысты. Іс-шара ұйымдастырушылары: ҚР Білім және ғылым министрлігі және «Ел-шежіре» қоғамдық қоры.

«Студенттердің 100 үздік идеясы» республикалық конкурсы Еліміздің Президенті Н.Ә. Назарбаевтың «Болашаққа бағдар: рухани жаңғыру» бағдарламалық мақаласының негізгі ережелерін жүзеге асыру жөніндегі жалпы республикалық «100 идея» жобасын іске асыру шеңберінде өткізілді.

Конкурс инновациялық қызметті белсендіруге, тәжірибелік мүдде мен қоғамдық маңыздылықты білдіретін инновациялық идеялар мен жобаларды анықтауға және енгізуге бағытталған. Конкурс мақсаты – үздік идеялар мен жастар бастамаларын жинақтау.

Қыркүйек-желтоқсан айлары аралығында 100idea.kz сайтында ҚР Білім және ғылым министрлігінің тікелей бастамасымен «Студенттердің 100 үздік идеясы» атты республикалық конкурсқа материалдар қабылданғанын болатын.

Нәтижесінде 100-ден аса келіп түскен ұсынымдар ішінде конкурс талабына сай 60 ұсыным іріктеліп, оның ішінде Әл-Фараби атындағы ҚҰУ Филология және әлем тілдері факультетінің 2-курс студенттері Қаратаева Балжан Мұратқызы мен Емангалиева Камила Аскаровна ұсынған «Alshy» - ұлттық брэнд» жобасы конкурстың жүлделі I орынды иеленіп, ноутбук ұтса, ал Қазтұтынуодағы Қарағанды экономикалық университетінің Экономика және басқару факультетінің 3-курс студенті Жолдыбай Алтынай Ерболқызы ұсынған «Digital University» жобасы конкурстың жүлделі II орынға шығып заманауи планшет ұтып алды. Павлодар мемлекеттік педагогикалық университетінің Филология және тарих факультетінің 3-курс студенті Оразбек Айгерім Тәнірбергенқызы ұсынған «Тіл туризмі» жобасы конкурстың жүлделі III орнына өтіп, ұялы телефонға ие болды.

Конкурс материалдары төмендегі бағытта өтті:

  1. Қазақстанның қасиетті жерлерін бренділеу және оларды әрі қарай дамыту;
  2. қолайлы қала ортасын қалыптастыру;
  3. ауылдық жердің тұрмысын жақсарту;
  4. «табыс тарихы» мен селф-брендингты көпшілікке тарату саласындағы бастамалар
  5. бизнес-жобалар мен стартаптар;
  6. әлеуметтік саладағы жаңа цифрлық шешімдер;
  7. латын әліпбиінге көшу;
  8. алғаш қазақ тіліне аударылған кітаптарды оқуға және көпшілікке таратуға қызығушылықты арттыру;
  9. өлкетану;
  10. Қазақстанның мәдениетін шетелге таныту және елдің халықаралық қоғамдық-мәдени ұстанымы.


Біздің Telegram-парақшамызда Қазақстанның маңызды жаңалықтары. Жазылыңыздар!

Ұқсас сілтемелер:
Пікірлер