BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
Астана:

Телефондағы бірлікті қалай қолма-қол ақшаға айналдыруға болады?

Телефондағы бірліктерді енді ақшаға айналдыра аласыз. Beeline ұялы операторы өз абоненттеріне осындай сервис түрін ұсынып отыр. Қызмет коммисиясы Қазпошта бөлімшелерінде — 2,2 пайыз, Qazkom банкоматтарында — 4%. Бұл туралы Kapital.kz-ге сілтеме жасап 7kun.kz хабарлады.

– Енді балансынан ақша аудару үшін билайн абоненттеріне банк клиенті болу міндетті емес, — деді Beeline Қазақстанның қыржы-мобильдік сервистерінің жетекшісі Сергей Коптик.

Қазпошта бөлімшелерінен мобильді балансты ақшаға айналдыру үшін:

1. Қазпоштаның кез келген бөлімшесіне барып Beeline нөмірінен ақша шешетін арнайы операторға жолығасыз.

2. Жеке куәлік пен ақша алынатын телефон нөмірін айтасыз.

3. Ақша алатын нөмірге 2020 қысқа нөмірінен растау коды келеді.

4. Қазпошта бөлімшесіндегі операторға жасырын код пен алынатын соманы айтасыз.

5. Оператор кодтың дұрыстығын тексергеннен кейін ақшаңызды қолыңызға береді.

Қазпошта бөлімшелерінен алуға болатын минималды сома 1000 теңге, максималды сома күніне 50 000 теңге. Комиссия соманың 2,2 пайызы, ең аз дегенде 150 теңге.

Qazkom банкоматтарынан нөміріңіздегі баланстан ақша алу үшін:

1. SMS арқылы команда жіберу немесе beeline.kz сайтындағы құжатты толтыру.

2. Команданы теріп SMS жіберген соң немесе сайттағы үлгіні толтырған соң көрсетілген нөмірге 7000 нөмірінен банктен растау коды келеді. Код 24 сағатқа дейін жарамды.

3. Банкоматпен жұмыс жасағанда кез келген батырманы басып, баланстан ақша алу операциясын таңдайсыз және қажетті соманы енгізесіз.

4. Банк кодтың дұрыстығын тексерген соң банкомат қажет соманы береді.

Qazkom банкоматтарынан алуға болатын минималды сома – 2000 теңге, максималды сома – 15 000 теңге. Комиссия сомасы – 4%.


Біздің Telegram-парақшамызда Қазақстанның маңызды жаңалықтары. Жазылыңыздар!

Ұқсас сілтемелер:
Пікірлер