BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
Астана:

ОҚО әкімі жас кәсіпкерлермен кездесті

Фото: ОҚО әкімінің баспасөз қызметінен

Шымкентте жас кәсіпкерлер клубының алғашқы отырысы өтті. Кездесуге қатысқан ОҚО әкімі Жансейіт Түймебаев клубтың ашылуы жас кәсіпкерлердің бизнес-бастамаларын іске асыру мүмкіндіктерін кеңейте түсетінін айтты, деп хабарлайды Baq.kz тілшісі.

«Облыс экономикасын дамыту – баршамыздың жұмыла көтеретін жүгіміз. Ол үшін әрбір азамат мұндай жұмыстарды шағын істерден бастауы қажет. Мәселен, үй алдындағы бақшаңызды көркейтіп, дамытуға болады. Қуантарлығы сол, өңірімізде шағын және орта бизнес дамып келеді. Ендігі қадам, осынау кәсіп иелері бірігіп, жұмыс істемей тұрған ескі зауыттарды қалпына келтіріп, сол жерде бизнесті одан ары қарай дамыту болмақ. Сонымен қатар, Қазақстанды дамыған 30 елдің қатарына енгізу, тұрғындардың әл-ауқаты мен тұрмыс жағдайын соған сай көтеру сіздер секілді жастардың қолында. Елбасы шағын және орта кәсіптің дамуына көптеген мүмкіндік пен жағдай жасап отыр. Соны дұрыс пайдалана біліңіздер», - деді әкім.

Сонымен қатар, әкім алдағы уақытта жас кәсіпкерлерді шет елдерге тәжірибе алмасу мақсатында іссапармен жіберу қажеттігін айтты.

Отырысты жүргізіп отырған ОҚО Кәсіпкерлер палатасының директоры А.Әбубәкіров клубтың еркін тақырыпта бизнес-диалог орнатып, тиімді жағдайлар жасау мақсатында құрылғанын атап өтті.

Өңірдегі отызға жуық жас кәсіпкердің қатысуымен өткен басқосуда бизнестің дамуы туралы пікір алмасып, креативті идеялар мен ұсыныстар айтылды. Мәселен, қатысушының бірі мемлекеттік мекемелер өздеріне қажетті затты тендер арқылы алатын кезде жергілікті жерде шығып жатқан өнімдерге басымдық беруін және сол өнімдердің түр-түсі сипатталған реестр жасақталса деген ұсынысын айтса, енді бірі Мемлекет басшысының аргоөнеркәсіп саласында шағын фермерлерді бір кооперативке біріктіру тапсырмасы біздер үшін зор мүмкіндік екенін айтты. Осы кооперативке бірігу арқылы кәсібін дамыту үшін төменгі пайызбен несие алуға қол жеткізіп отырғанын жеткізді.

Сонымен қатар, клуб отырысына бизнестері жемісті дамып, іскер атанған азаматтар қатысып, жас әріптестермен өз тәжірибелерімен бөлісті.

Бүгінде жас кәсіпкерлер клубының құрамында 40 жасқа дейінгі 30 кәсіпкер бар.

Оңтүстік Қазақстанда бүгінде жұмыс істейтін шағын және орта кәсіпкерлік субъектілерінің саны 173 362 болса, оның 14 618-і шағын кәсіпкерліктегі заңды тұлғалар.


Біздің Telegram-парақшамызда Қазақстанның маңызды жаңалықтары. Жазылыңыздар!

Ұқсас сілтемелер:
Пікірлер