BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

يمپورتقا ەمەۋىرىن تانىتقانىمىزبەن، كوشىمىز العا وزبايدى – سماعۇل

«اق جول» قدپ اقمولا وبلىستىق فيليالىنىڭ ٴتوراعاسى باقىت سماعۇلدىڭ پىكىرىنشە، حالىقتىڭ ٴال-اۋقاتىن جاقسارتۋ ٴار ادامنىڭ ٴوز مۇددەسى ٴۇشىن قۇلشىنا ەڭبەك ەتكەندە عانا قول جەتكىزەتىن قۇندىلىق. ول ٴۇشىن ەكونوميكالىق الەۋەتتى جاڭاشا دامىتۋ قاجەت. ەلباسىنىڭ جاڭا جولداۋى وسى جىلدارى باستاۋ العان جاڭاشىلدىق يدەيالاردى جۇزەگە اسىرۋ تەتىكتەرىن جاقسارتۋعا باعىتتالدى، دەپ حابارلايدى baq.kz اقپارات اگەنتتىگىنىڭ ايماقتاعى ٴتىلشىسى.

«ەلباسىنىڭ ٴبىر باسا نازار اۋدارعانى، ول – ىشكى نارىقتى نىعايتۋ جايى بولدى. وسى كۇنگە دەيىن سىرتتان ٴبارىن تاسىدىق. ٴتىپتى، ٴتىس شۇقيتىن شىبىقتى دا وزىمىزدە شىعارا بولار ەدى عوي. ال، ازىق-تۇلىك ونىمدەرىن كورشى ەلدەن اكەلىپ، ساۋدا ورىندارىمىزدى سامساتىپ قويعانىمىز ٴوز تۋعان وتانىمىزعا جانى اشىماستىقتىڭ ايقىن كورىنىسى. ەندى ەت پەن ٴسۇتتى شەتەلدەن تاسىماي-اق، وزىمىزدە وندىرۋگە بولاتىنىن ەلباسى جايدان جاي ايتىپ وتىرعان جوق. ۇستىمىزگە كيەتىن جەيدەنى دە يمپورتقا الىپ، اقشامىزدى سىرتقا شاشۋدامىز. كورشى قىرعىز ەلى قۇرلى جەيدە-كويلەك شىعارۋعا قاۋقارىمىز جەتپەگەنى مە؟! بۇل شىنىمەن، ويلاناتىن ماسەلە. سىرتقى يمپورتقا ەمەۋىرىن تانىتقانىمىزبەن كوشىمىز العا وزبايدى. ونداي مەلملەكەت تاۋەلسىز ەل بولا المايتىنىن تىلگە تيەك ەتتى. ٴوز ٴونىمىمىزدى ٴوزىمىزدىڭ ىشكى نارىققا ەنگىزگەندە عانا ەڭسەمىز تىكتەلەتىنىن ەسكە سالۋىنىڭ ٴبىر سىرى وسى»، – دەيدى ب.سماعۇل.

ونىڭ پايىمداۋىنشا، بيزنەسكە مەملەكەتتىك قولداۋ جاقسى جولعا قويىلعانى انىق. بۇل سالانى نەسيەلەۋدىڭ دە ٴوز قايتارىمى بولۋى ٴتيىس. وڭتايلى جولدى ەمەس، ٴتيىمدى باعىتتى تاڭداعان كاسىپكەر ٴوز ماقساتىنا جەتە الادى. ونىڭ مەملەكەتكە دە پايداسى تيەدى. ايتپەسە، بيزنەس تەك پايدا تابۋدىڭ كوزىنە اينالىپ بارا جاتقانىن جوققا شىعارا الماساق كەرەك.

«بۇل رەتتە ەلباسى كاسىپكەر جەكە تابىستى ەمەس، ەلدىك مۇددەنى بارىنەن جوعارى قويۋى قاجەت ەكەنىن ەسكە سالىپ ٴوتتى. مەملەكەتتىك قىزمەتتىڭ تيىمدىلىگىن ارتتىرۋ، سوت، قۇقىق قورعاۋ جۇيەسىن جاڭا زامانعا لايىقتاپ قايتا قۇرۋ ٴوز الدىنا، مەگاپوليستىك وڭىرلەر الەۋەتىن ارتتىرۋدىڭ ماڭىزىنا دا توقتالدى. بۇل اۋىلداردىڭ بولاشاعى جوق دەگەندى بىلدىرمەسە كەرەك. كەرىسىنشە، «اۋىل – ەلدىڭ بەسىگى»، «ٴوز جەرىڭدى تانىپ، ٴبىل!» جوبالارىنىڭ استىرىندا قازاقتىڭ تۋعان جەرى قاشاندا اسقاق تۇرۋى ٴتيىس ەكەنىن تىلگە تيەك ەتتى. بۇل قازىرگى رۋحاني جاڭعىرۋ باستاماسىمەن دە استاسىپ جاتقانىن اڭعارامىز. مەنىڭشە، ەلدىك ماسەلە قاشاندا اسقاق تۇرۋى ٴتيىس. بىزگە ماڭايىمىزعا قارايلايتىن ۋاقىت تۋدى. جاپاتارماعاي ٴبارى جاقسىلىق ەكەن دەپ تىقپالاۋدىڭ دا ٴجونى جوق. ٴوزىمىزدىڭ ۇلتتىق قۇندىلىقتارىمىزدى باستى نىسانا ەتە وتىرىپ، ەكونوميكانى دا، الەۋمەتتىك سالانى دا العا باستىرۋعا بولادى. ول ٴۇشىن بۇل ىستەن ەشكىم سىرت قالماۋى ٴتيىس. ٴاربىرىمىز ەل مەنىكى دەيتىن تۇيسىكتە ەڭبەك ەتكەنىمىز ابزال. سوندا عانا تۋعان وتانىمىز – قازاقستاننىڭ باسقالارمەن تەرەزەسى تەڭەلەدى»، -دەيدى ب.سماعۇل.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي