BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ازيا ويىندارىنا وزگە ەل اتىنان قاتىسىپ جاتقان قازاق سپورتشىلارى جايلى بىلەسىز بە؟

كۇنى كەشە يندونەزيا ەلىنىڭ استاناسى دجاكارتادا حviii جازعى ازيا ويىندارىنىڭ الاۋى جاعىلدى. بۇگىن بىرنەشە سپورت تۇرلەرى بويىنشا جۇلدەلەر ساراپقا سالىنۋدا، دەپ حابارلايدى baq.kz اقپارات اگەنتتىگى vesti.kz سايتىنا سىلتەمە جاساپ.

سارى قۇرلىقتىڭ باستى دوداسىنا قازاقستان قۇراماسى ساپىندا 440 سپورتشى اتتاندى. ونىڭ ىشىندە 404 سپورتشى 25 وليمپيادالىق سپورت تۇرىنەن باق سىنايدى.

ازيا ويىندارىنا وزگە ەلدىڭ اتىنان قاتىسىپ جاتقان قانى قازاق قانداستارىمىز دا بار. اتاپ ايتار بولساق، بۇگىن بوز كىلەمگە شىققان بالۋاندار اراسىندا 65 كگ-عا دەيىنگى سالماقتا قىتايدان كەلگەن قازاق بالۋانى ەرلانبەك كاتەي ۇلىن كوزىمىز شالدى. ٴبىر قىزىعى، اسپان استى ەلىنەن كەلگەن قانداسىمىز شيرەك فينالدا ساياتبەك وقاسوۆپەن جولى ٴتۇيىستى. قوس قازاق بالۋاننىڭ تەكەتىرەسىندە ساياتبەك 9:5 ەسەبىمەن جەڭىسكە جەتىپ، جارتىلاي فينالعا شىقتى.

ەرلانبەك كاتەي ۇلى مەن ساياتبەك وقاسوۆ


ەركىن كۇرەستەن ەرلانبەك كاتەي ۇلى 4 جىل بۇرىن وڭتۇستىك كورەيانىڭ ينچحون قالاسىندا وتكەن ازيا ويىندارىندا قولا مەدال يەلەنگەن بولاتىن. سونداي-اق قىتاي قۇراماسىنىڭ قاتارىندا 2016 جىلى ريو-دە-جانەيرو وليمپياداسىنا قاتىستى.



قىتاي قۇراماسى ساپىندا تاعى ٴبىر قازاق بالۋانى بار. ول – ٴۋاليحان سەرىك ۇلى. گرەك-ريم كۇرەسىنەن 59 كگ-عا دەيىنگى سالماقتا بەلدەسەدى. اسپان استى ەلىنىڭ ىشكى بىرىنشىلىگىندە ەكى رەت قولا جۇلدەگە قول جەتكىزگەن.



توقتاربەك تاڭاتحان ۇلى دەگەن قانداسىمىز دا قىتاي ەلىنىڭ اتىنان ازيا ويىندارىنا كەلگەن. ماقساتى – 2020 جىلى توكيودا وتەتىن وليمپيادا ويىندارىندا توپ جارۋ ەكەن. 75 كگ-عا دەيىنگى سالماقتا جۇدىرىقتاسادى. شىڭجاڭ وڭىرىندە تۋىپ وسكەن. 1996 جىلى دۇنيەگە كەلگەن توقتاربەك ٴوز سالماعىندا قىتايدىڭ ەڭ مىقتى بوكسشىسى سانالادى. 2013 جىلدان باستاپ ەل ٴىشى-سىرتىنداعى ٴىرى تۋرنيرلەرگە قاتىسىپ ٴجۇر. بۇل سالماقتا قازاقستان قۇراماسى ساپىندا ازيا ويىندارىنا ٴابىلحان امانقۇل اتتاندى. ول جارىستىڭ اشىلۋ سالتاناتىن ەلىمىزدىڭ تۋىن كوتەرىپ شىقتى.



وزبەكستان قۇراماسىندا ەتنيكالىق قازاق بالۋانى ەلمۇرات تاسمۇراتوۆ قازاق جانكۇيەرلەرىنە جاقسى تانىس. گرەك-ريم كۇرەسىنەن ازيانىڭ 4 دۇركىن جەڭىمپازى.

ەلمۇرات وزبەكستاننىڭ بوستاندىق اۋدانىندا دۇنيەگە كەلگەن. كىشكەنتايىنان كۇرەسپەن شۇعىلدانعان ۇلىن اتا-اناسى وقو-داعى بەكزات ساتتارحانوۆ اتىنداعى سپورت ينتەرناتىندا وقىتقان. قازاقستان قۇراماسىنا ىلىكپەگەننەن كەيىن وزبەكستانعا قايتا ورالعان. 2016 جىلى ريودا وتكەن وليمپيادا ويىندارىنىڭ قولا جۇلدەگەرى، الەم چەمپيوناتىندا دا ەكى مارتە قولا جۇلدە يەلەنگەن.

بۇلبۇل مۇرات 4-نومىردە


موڭعوليا قىزدار باسكەتبول قۇراماسىندا بۇلبۇل مۇرات ەسىمدى قازاق ارۋى بار. ول گونكونگقا قارسى العاشقى ويىندا ٴبىر ٴوزى كومانداسىنا 37 ۇپاي سىيلادى.

ايتا كەتەيىك، xviii جازعى ازيا ويىندارى 2 قىركۇيەككە دەيىن جالعاسادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي