BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

جىل باسىنان بەرى 199 بالا سەروزدى مەنينگيت ينفەكسياسىمەن اۋىرعان

فوتو: Нұржас Жақсыбай

استانا، baq.kz ٴتىلشىسى. قالالىق بالالار جۇقپالى اۋرۋلار اۋرۋحاناسىندا 5 قازاننان باستاپ سەروزدى مەنينگيت ينفەكسيانان ەمدەلىپ جاتقان بالالاردىڭ دەنساۋلىق جاعدايىنا قاتىستى مالىمدەمە جاسالدى.

5 قازاننان باستاپ بۇگىنگە دەيىن 8 بالا سەروزدى مەنينگيت ينفەكسيامەن اۋىرىپ، ەم قابىلداعان.

"8 بالا ٴارتۇرلى جاستا، ٴارتۇرلى مەكتەپتە وقيدى جانە بىر-بىرىمەن قارىم-قاتىناستا بولماعان"، - دەيدى باس دارىگەر ساۋلە نۇراشەۆا.

جىل باسىنان بەرى وسى دياگنوز بويىنشا 199 بالا ەمدەلگەن. جىل سايىن شامامەن وسىنشا بالا ۆيرۋستى مەنينگيت بويىنشا ەمدەلەدى.

"بالا اۋرۋحاناعا تۇسكەن سوڭ زەرتحانالىق دياگنوستيكا جاسالادى. دياگنوز قويىلعان سوڭ تولىققاندى ەم شارالارى قولدانادى. كوكتەمدە دە، جازدا دا بالالار وسى دياگنوزبەن اۋىرعان جانە بۇل جىلى اتالعان دياگنوزبەن اۋىرعان بالالار سانى كوبەيگەن جوق. وسى جاعدايعا بايلانىستى دۇربەلەڭ تۋدىرۋعا ەش نەگىز جوق"، - دەيدى ول.

سونداي-اق، دارىگەر اتا-انالارعا ەگەر بالانىڭ بويىندا باسى اۋىرۋ، ىستىعى كوتەرىلۋ، جۇرەگى اينۋ، قۇسۋ سياقتى سەروزدى مەنينگيت ينفەكسياسىنا ٴتان بەلگىلەر بولسا، ٴوز-وزىن ەمدەۋمەن اينالىسۋدىڭ ورنىنا دارىگەرگە قارالۋعا كەڭەس بەردى.

قازان ايىندا اۋرۋحاناعا تۇسكەن بالالارعا قوسىمشا مەديسينالىق ساراپتاما جاسالىپ، ەكى-ۇش كۇن وتكەن سوڭ ۇيلەرىنە جىبەرىلەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي