BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

جاساندى جۇرەك سالعىزعان ادامدار قالاي ٴومىر سۇرەدى

فوتو: автор

الەمدە بارلىعى 10 ادام جاساندى جۇرەكپەن ٴومىر سۇرەدى. سولاردىڭ ۇشەۋى قازاقستاندا تۇرادى. baq.kz ٴتىلشىسى كەۋدەسىندە مەحانيكالىق جۇرەك سوققان وتانداستىرىمىز قالاي ٴومىر سۇرەتىنىن انىقتاعان ەدى.

قۇنانباي ابىرايەۆ. 60 جاستان اسقان پاۆلودار تۇرعىنى. ول – قازاقستاندا العاش رەت (2017 جىلعى 19 قازان) جاساندى جۇرەك سالعىزعان ناۋقاس. ٴبىز بۇگىن عانا ونىڭ جاساندى جۇرەگىنىڭ ورنىنا 2018 جىلعى 19 ماۋسىمدا دونور جۇرەگىنىڭ ترانسپلانتاسيالانعانىن حابارلاعان ەدىك. ٴقازىر ول ۇلتتىق عىلىمي كارديوحيرۋرگيا ورتالىعىندا دارىگەرلەردىڭ باقىلاۋىندا جاتىر. ول قوس وتاعا دەيىن سوزىلمالى جۇرەك جەتىسپەۋشىلىگىمەن اۋىرعان.

اتاپ وتسەك، carmat جۇرەگى - تولىعىمەن جاساندى جۇرەك، ول جۇرەكتى اۋىستىرا الاتىن 1000 گرامم سالماعى بار بيوپروتەز. بۇل جاساندى جۇرەكتىڭ قۇنى 1 ملن ەۋروعا دەيىن جەتەدى. ارنايى سىناق ناتيجەسى فرانسيانىڭ carmat كومپانياسى جاسايتىن جۇرەكتىڭ 7 جىلدان استام ۋاقىت بويى قىزمەت ەتەتىنىن كورسەتكەن. carmat كومپانياسى كارديوحيرۋرگيا ورتالىعىنا بارلىعى 10 جاساندى جۇرەك بەرۋدى جوسپارلاپ وتىر.

فوتو: اۆتور

ۇلتتىق عىلىمي كارديوحيرۋرگيا ورتالىعى باسشىسى يۋريي پيانىڭ ايتۋىنشا، قازاقستان حالىقارالىق زەرتتەۋ باعدارلاماسىنا ەنگەندىكتەن جاساندى جۇرەكتى جاساعان كومپانيا سول مەحانيكالىق ورگاندى تەگىن بەرەدى ٴارى وتاسى دا تەگىن جاسالادى.

ەكىنشى جاساندى جۇرەك يەسى – 36 جاستاعى پەتروپاۆلدىق الەكسەي چابان. ونىڭ جۇرەگىنىڭ سول جاق قارىنشاسى مەن وڭ جاق قارىنشاسى دۇرىس ىستەمەگەندىكتەن جاساندى جۇرەك سالعىزۋعا ٴماجبۇر بولعان.

فوتو: اۆتور

«مەن ٴقازىر تۇراقتى تۇردە سپورتپەن اينالىسامىن، گانتەلمەن جاتتىعۋ جاسايمىن. بۇعان دەيىن دە سپورتپەن اينالىسقانمىن. مەنىڭ وتباسىم جانە 12 جاستاعى قىزىم بار. اۋرۋ ەشكىمدى تاڭدامايدى، كەز كەلگەن ادام وسى اۋرۋعا شالدىعۋى مۇمكىن. سوندىقتان، وسىنداي زاماناۋي تەحنولوگيالار مەن ماڭىزدى قادامداردىڭ بار ەكەنى جاقسى دەپ ويلايمىن. مەن ٴۇشىن وسى وتانىڭ جاسالۋى - ۇلكەن ساتتىلىك، بۇل ٴارى قاراي ٴومىر ٴسۇرۋ مۇمكىندىگى. الداعى جوسپارىم بارلىق ادامداردىكى سەكىلدى: جۇمىس، سپورت جانە وتباسى. جۇرەك ترانسپلانتاسياسىنا قول جەتكىزىپ، ٴومىر سۇرگىم كەلەدى. مەنىڭ ويىمشا، مەندە بارلىعى جاقسى بولادى. تەك باستاپقىدا جاساندى جۇرەكتىڭ دىبىسىنا ۇيرەنۋ قيىن بولعان ەدى. دەگەنمەن، ادام بارلىعىنا ۇيرەنىپ كەتەدى ەكەن. باستىسى، ٴومىردى ٴسۇيۋ كەرەك»، - دەدى الەكسەي چابان.

الەكسەيدىڭ ايتۋىنشا، جاساندى جۇرەكپەن ٴومىر سۇرەتىندەر وزىمەن بىرگە سالماعى 3 كەلىگە جەتەتىن سومكەنى ٴاردايىم تاسىپ ٴجۇرۋى ٴتيىس. وندا جۇرەكتى قۋاتتاندىراتىن باتارەيالار مەن ادام دەنساۋلىعىن باقىلايتىن قۇرال ورنالاسادى.

ٴۇشىنشى جاساندى جۇرەك سالعىزعان ازامات – اقتوبە وبلىسىنىڭ 54 جاستاعى تۇرعىنى امانعالي توكوۆ. سۇحبات بەرەر الدىندا ناۋقاس قوبالجىعاندىقتان جاساندى جۇرەكپەن بايلانىستى قۇرالدار سيگنال بەردى. دارىگەرلەر كومەك كورسەتكەننەن كەيىن ٴحالى تۇراقتالدى.

فوتو: اۆتور

«وپەراسيا ەكى اي بۇرىن جاسالدى. جاعدايىم جاقسى. بۇعان دەيىن جۇرەگىم قاتتى اۋىراتىن. بالالارىم، نەمەرەلەرىم بار. قان قىسىمى كوتەرىلگەندە، جىلدام جۇرگەندە قۇرالدار وسىنداي سيگنال بەرەدى»، - دەدى امانعالي توكوۆ.

ال كارديوحيرۋرگيا ورتالىعىنىڭ باسشىسى يۋريي پيا «ٴبىز ادامنىڭ ٴومىرىن ۇزارتۋ ٴۇشىن قولدان كەلگەننىڭ بارلىعىن جاساۋعا دايىنبىز. سول ٴۇشىن كەز كەلگەن مۇمكىندىكتى پايدالانامىز»، - دەپ ويىن تۇيىندەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي