BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

tavi - تاعدىرىڭا اراشاشى

كەۋدەنى ەشبىر كەسۋسىز، جۇرەكتەگى قولقا قاقپاقشاسىن اۋىستىرۋ وپەراسياسى - tavi دەپ اتالادى. بۇدان بىلاي وسىنداي وپەراسيالار استاناداعى پرەزيدەنتتىك كلينيكانىڭ پاسيەنتتەرىنە قولجەتىمدى. تۇركيانىڭ عىلىمي مەديسينالىق كارديولوگيا ۋنيۆەرسيتەتىنىڭ پروفەسسورى دجيم باچينمەن بىرىگىپ اتالعان اۋرۋحانا دارىگەرلەرى tavi وپەراسياسىن تۇڭعىش رەت جاسادى، دەپ حابارلايدى baq.kz اقپارات اگەنتتىگى.

زاماناۋي تەحنولوگيالار جۇرەكتىڭ كۇردەلى اۋرۋلارىنا شالدىققان ناۋقاستاردىڭ ومىرلەرىن قالاي ۇزارتاتىنى تۋرالى پرەزيدەنتتىك كلينيكانىڭ كارديوحيرۋرگى راحيموۆ رۋستام باياندادى.

«جۇرەككە دەگەن قاقپا»

ٴtavi-دىڭ ماعىناسىن – قولقا قاقپاقشاسىنىڭ ترانسكاتەتەرلىك يمپلانتاسياسى دەپ ٴتۇسىنۋ قاجەت. بۇل مانيپۋلياسيانى ەگجەي-تەگجەيلى سيپاتتايىق. الدىمەن قولقا قاقپاقشاسى دەگەن نە جانە ونىڭ جۇرەكتەگى اتقاراتىن جۇمىسى نەلىكتەن ماڭىزدى بولىپ سانالاتىنىن تۇسىندىرەيىك.

ەسىكتەرىن ۇنەمى اشىپ-جاباتىن قاقپانى ەلەستەتىڭىز – ٴبىزدىڭ جۇرەگىمىزدەگى قاقپاقشا سونداي مەحانيزم ارقىلى جۇمىس ىستەيدى. ونى قولقا قاقپاقشاسى دەپ اتايدى، سەبەبى ول جۇرەكتىڭ سول جاق قارىنشاسىنىڭ جانە ەڭ ٴىرى تامىردىڭ (قولقانىڭ) شەكاراسىندا ورنالاسقان، قولقادان قان بارلىق تامىرلارعا تاراپ، ٴبىزدىڭ اعزامىزدى «قورەكتەندىرەدى».

سوندىقتان دا قولقا قاقپاقشاسى ٴجاي عانا ەمەس، قاندى جۇرەك ارقىلى ۇنەمى بارلىق مۇشەلەرگە وتكىزەتىن ورتالىق قاقپاقشا.

قاقپاقشانىڭ جارماسى تولىق اشىلماعان كەزدە - مەديسينادا بۇل اقاۋدى ستەنوز دەپ اتايدى، نە بولادى؟ قولقا قاقپاقشاسى ٴسال اشىلعان كەزدە دە، قان ٴبارىبىر از مولشەردە قولقاعا بارادى: جۇرەك ىشىندە جارتىلاي قالعان قان، جۇرەك قابىرعالارىن بىرتىندەپ سوزادى.

ۋادە ەتكەن ٴۇش جىل

ەگەر بۇلشىقەتكە تۇراقتى تۇردە سالماق تۇسىرىلسە، ول سوزىلادى. سول سەكىلدى شىعارىلماعان قاندى جيناعان جۇرەكتىڭ قابىرعاسى دا سوزىلادى. كەز كەلگەن بۇلشىقەت ٴتارىزدى جۇرەكتىڭ دە فيزيكالىق مەجەسى بار: ونىڭ قابىرعالارى بەلگىلى ٴبىر كولەمگە دەيىن سوزىلادى، سونان سوڭ جىرتىلا باستايدى. بۇلشىقەت ٴوز قاسيەتىن جوعالتادى، قاعازعا ۇقساپ جۇمسارادى، ال ونىڭ جيىرىلعىشتىق قابىلەتى، ياعني سورۋ قىزمەتى بىرتىندەپ السىرەيدى – دەنە مۇشەلەرىنىڭ قانمەن قورەكتەنۋى بۇزىلادى. سول كەزدە ادامنىڭ ٴحالى ناشارلايدى: جاي وتىرعاننىڭ وزىندە ەنتىگۋ پايدا بولادى، باسى اينالادى. ٴبىراق پاتولوگيانى، ارينە، دارىگەرلەر عانا بايقايدى.

بۇنداي جۇرەكتىڭ اقاۋى ٴار جاستاعى ادامداردا كەزدەسەدى. كوبىنە ول تۋا ٴبىتتى بولمايدى، جۇرە كەلە، دۇرىس تاماقتانباي، سالاماتتى ٴومىر سالتىن ۇستانباۋدان پايدا بولاتىن دەرت. جاسى ۇلعايعاندار اراسىندا جيىرەك كەزدەسەدى، ولاردىڭ جۇرەگىنە اشىق وپەراسيا جاساۋ وتە ٴقاۋىپتى. وپەراسياسىز قاقپاقشانى اۋىستىرۋ ادام ومىرىنە ٴتىپتى ٴقاۋىپتى: ستاتيستيكاعا جۇگىنسەك، قولقا قاقپاقشاسىندا اقاۋى بار ادامدار وسى دەرتكە ۇشىراعاننان باستاپ ورتا ەسەپپەن ٴۇش جىلعا دەيىن ٴومىر سۇرەدى. سوندىقتان ٴبىز، اتالعان جۇرەك اقاۋى بار پاسيەنتتەردىڭ ٴومىرىن ۇزارتاتىن تاvi وپەراسياسىنا كوشەيىك.

تavi وپەراسياسى – قاقپاقشانى كەسۋسىز اۋىستىرۋ

ٴبىزدىڭ پاسيەنتىمىز كىم؟ ول جاسى 65-تەن اسقان، جاسىنىڭ ۇلعايۋىنا بايلانىستى جۇرەگىنە اشىق وپەراسيا جاساۋعا تىيىم سالىنعان ادام: وپەراسيا كەزىندە دە، وپەراسيادان كەيىن دە اۋرۋدىڭ اسقىنۋ ىقتيمالدىعى وتە جوعارى. سوندىقتان كەۋدەدەگى ۋيرەنشىكتى كەسىكتىڭ ورنىنا، tavi ادىسىمەن قاقپاقشانى اۋىستىرۋ شاپتىڭ اۋماعىندا ورنالاسقان جامباس ارتەرياسى ارقىلى جاسالادى.

جاساندى قاقپاقشانىڭ ترانسپلانتاسياسىنا بار جوعى 40 مينۋت كەتەدى. پاسيەنتتى وپەراسياعا دايىنداۋ جانە جاڭا قاقپاقشانىڭ جۇمىس قابىلەتىن تەكسەرۋ ۋاقىتىن ەسەپكە الساق، بارلىق پروسەسس ەكى ساعاتتى الادى – بۇل ٴبىر ورتاشا ٴفيلمنىڭ ۇزاقتىعى.

الدىمەن تەرمينگە تۇسىنىك بەرەيىك. ترانسكاتەتەرلىك ترانسپلانتاسيا مەديسينالىق تۇرعىدان قيىن ايتىلسا دا، جاساندى قاقپاقشانى ورناتۋعا ٴبىز ديامەترى نەبارى 4 ميلليمەتر بولاتىن ۇزىنشا تۇتىكتى – كاتەتەردى قولدانامىز، ول تامىر ارقىلى قولقاعا ەنەدى، جانە دە جۇرەكتىڭ سول جاق قارىنشاسىمەن قولقانىڭ ٴتۇبىرى اراسىنداعى شەكارادا توقتايدى – ول جەردە قولقا قاقپاقشاسى ورنالاسقان.

ول ٴۇشىن ٴبىز جامباستىڭ ىشكى جاعىندا ازداعان كەسىك جاسايمىز جانە ارتەريا ارقىلى جاساندى قاقپاقشانى بەلگىلەنگەن جەرگە جەتكىزەتىن كاتەتەردى ەنگىزەمىز.

ەكىنشى جامباستىڭ ىشكى جاعىنداعى تامىردى تەسىپ كونتراستىق زاتپەن تولتىرىلعان كاتەتەردى وتكىزەمىز – رەنتگەندە ول بىزگە قاقپاقشانىڭ قولقا ىشىندە جۇرەككە قاراي جىلجۋىن كورسەتەدى.

بارلىعى دايىن. رەنتگەن جاسايتىن اپپاراتتى (انگيوگراف) قۇرامىز جانە كاتەتەردى ەنگىزەمىز. ونىڭ ىشىندە مەتالل قاڭقالى، ٴىشى ٴىرى قارا مالدىڭ جۇرەگىنىڭ قابىرشىعىنان جاسالعان، جاساندى قاقپاقشا بار.

بۇدان ٴارى كاتەتەردىڭ قاقپاقشامەن قاي جاققا جانە قالاي قوزعالۋىن كورۋ ٴۇشىن بىرنەشە سۋرەتتەر جاسايمىز.

بەلگىلەنگەن اۋماققا جەتكەندە، بىردەن ولشەۋگە كىرىسەمىز. بۇنىڭ ٴبارى وپەراسيا زالىندا، دارىگەرلەردىڭ كومانداسىمەن كەڭەسۋ پروسەسىندە وتەدى، قاقپاقشانى ورناتپاي تۇرىپ، ول قولقادا اشىلا ما، جوق پا، ونىڭ قالاي جۇمىس ىستەيتىنىن ٴتۇسىنۋىمىز قاجەت.

شەشىم قابىلداندى. جاساندى قاقپاقشانى بەلگىلەنگەن ورىنعا بەكىتەمىز، جۇرەكتىڭ ٴوز قاقپاقشاسى قولقانىڭ قابىرعاسىنا جابىسىپ، جۇمىس ىستەۋىن دوعارادى.

سۋرەتكە تاعى تۇسىرە وتىرىپ، رەنتگەن ارقىلى ٴبىزدىڭ جاڭادان ورناتقان قاقپاقشامىزدىڭ جۇمىسىن تەكسەرەمىز.

ماڭىزدى ٴسات: جۇرەككە اشىق مانيپۋلياسيادان ايىرماشىلىعى، وپەراسيا جاساندى تۇردە قان اينالدىراتىن اپپاراتسىز جۇمىس ىستەپ تۇرعان جۇرەككە وتكىزىلەدى. وسىلايشا ٴبىز جۇرەكتى توقتاتپاي وپەراسيا جاسايمىز، جاسى ۇلعايعان پاسيەنتتەرگە جۇرەكتى توقتاتىپ جاساۋ وتە ٴقاۋىپتى.

تاvi وپەراسياسى اياقتالدى. قولقا قاقپاقشاسىنىڭ جۇمىسىندا ەندى اقاۋ جوق، ال پاسيەنتتەرگە جۇرەك بۇلشىقەتتەرىنىڭ جىرتىلۋىنان نەمەسە قاقپاقشانىڭ جۇمىسى توقتاۋىنان تۋىندايتىن ٴولىم قاتەرىنەن قورىقپاۋعا بولادى.

ٴبىزدىڭ كەيبىر پاسيەنتتەر وپەراسياعا دا جەتە الماي جاتادى. قولقا قاقپاقشاسىنىڭ ستەنوزى جۇرەكتىڭ باسقا دا اقاۋلارىنا قاراعاندا كوپ ۋاقىت بويى بايقالماي قالۋى مۇمكىن: ادام جۇرەك اۋىرۋىن سەزبەيدى، سوندىقتان جۇرەك اۋىرۋىنا سيرەك شاعىمدانادى. ەگەر دارىگەرگە جۇگىنسە، تەك دەنساۋلىعىنىڭ كۇرت تومەندەگەنىنە، كوبىنە جاعدايى قيىن ەكەنىنە بايلانىستى بارادى.

جۇرەگىڭىزدى ساقتاڭىز. ٴوز جۇرەگىڭىزگە قامقور بولىڭىز.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي