BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

سيرەك اۋرۋ: 25 جاستاعى پولياك كىشكەنتاي بالاعا ۇقساپ قالدى

پولشانىڭ ولەسنيسا قالاسىنىڭ 25 جاستاعى تۇرعىنى تۋىلعاننان سيرەك كەزدەسەتىن اۋرۋمەن سىرقات. ٴقازىر ول 12 جاستاعى بالا سياقتى كورىنەدى. بۇل تۋرالى daily mail جازادى، دەپ حابارلايدى ۆaq.kz اقپارات اگەنتتىگى lenta.ru باسىلىمىنا سىلتەمە جاساپ.

توماش نادولسكيي (tomasz nadolski) فابري اۋرۋىمەن سىرقات. ۇنەمى اۋىرعاندىقتان ول مورفين پلاستىرلارى مەن باسقا اۋرۋدى باساتىن دارىلەرەدى پايدالانعان. ول تاماق ىشە المايدى جانە كاپەلنيساعا تاۋلىگىنە 20 ساعات تاڭىلىپ وتىرۋ كەرەك. ال ونىڭ تابانىنا ارنايى ورتوپەديالىق اياق كيىم كەرەك.

اۋرۋدىڭ بەلگىلەرى ول 7 جاستا بولعاندا شىعا باستاعان. بالا ٴىشى، قولى جانە اياعى اۋىراتىنىن ايتقان. ال جەگەن تاماعىن قۇسىپ وتىرعان. دارىگەرلەر وندا پسيحيكالىق اۋىتقۋشىلىق بار دەپ ويلايدى. ناقتى دياگنوزى تەك جاقىندا بەلگىلى بولدى.

نادولسكييدىڭ بالا كەيپىندەگى ٴتۇرى وعان تەك كەرى اسەرىن تيگىزدى. تۋىستارىمەن اراقاتىناسى بۇزىلدى. سەبەبى ولار ونى كىشكەنتاي بالا رەتىندە كورگەن. تانىمايتىن ادامدار دا ونىڭ جاسى 25-تە دەگەنگە سەنبەيدى. ٴتىپتى قۇجاتىنىڭ ٴوزى جالعان دەپ ايىپتايتىندار دا بار.

توماشقا مەملەكەت ايىنا 700 زلوت بەرەدى (62 مىڭ تەڭگەدەي). ال ونىڭ جىل سايىنعى ەمىنە 800 مىڭ زلوت كەرەك. ازىرگە فارماسەۆتيكالىق كومپانيا دارىلەرىن تەگىن بەرىپ جاتىر. سونىڭ ارقاسىندا ەمىن قابىلداۋدا.

فابري اۋرۋى ادام اعزاسىندا ەرەكشە مايدىڭ قورىتاتىن فەرمەنتتىڭ تۋىلعانىنان بولماۋىنا بايلانىستى. ناتيجەسىندە ول قان تامىرلارىندا تۇرىپ قالادى دا، ورگانداردىڭ جاقسى جۇمىس ىستەۋىنە كەدەرگى بولادى. فابري اۋرۋىنىڭ ٴتۇرلى بەلگىسى بار. كوپتەگەن پاسيەنتتە جاي اۋرۋلار، باس اينالۋ، تەز شارشاۋ، بۇيرەك جانە جۇرەك اۋرۋى بولادى. ولار ەرتە جاستا ينسۋلت الىپ قالۋى مۇمكىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي