BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ساناۆياسيا دارىگەرلەرى قىزىلوردالىق جاس بوسانعان ايەلدى امان الىپ قالدى

سانيتارلىق اۆياسيا دارىگەرلەرى قوس بۇيرەگىنىڭ جۇمىسى بۇزىلعان قىزىلورادىق جاس بوسانعان ايەلدىڭ ٴومىرىن اراشالاپ قالدى، دەپ حابارلايدى baq.kz اقپارات اگەنتتىگى دەنساۋلىق ساقتاۋ مينيسترلىگىنە سىلتەمە جاساپ.

2018 جىلعى 31 تامىزدا سانيتاريالىق اۆياسيا قىزمەتىنىڭ مەكەنجايىنا قىزىلوردا قالاسى وبلىستىق پەريناتالدىق ورتالىعىندا جاتقان 1984 جىلى تۋىلعان پاسيەنتكە ەففەرەنتتى تەراپيا – دياليز جەدەل جۇرگىزۋ قاجەتتىلىگى تۋرالى ٴوتىنىم تۇسكەن.

جاس بوسانعان ايەل اۋىر وپەراسيالىق راسىمدەردەن وتكەن جانە ەففەرەنتولوگ ماماندار كەڭەسى مەن مامانداندىرىلعان تەراپيا كورسەتۋگە مۇقتاج بولعان.

«2018 جىلعى 1 قىركۇيەك دياليز وتكىزۋ –– مامانداندىرىلعان كومەك كورسەتۋ ماقساتىندا پاسيەنتكە ساناۆياسيا بورتى ماماندارمەن جانە قاجەتتى مەديسينالىق قۇرال-جابدىقتارمەن ۇشىپ شىققان. ەففەرەنتولوگ دارىگەرىنىڭ كەڭەسىنەن كەيىن سول ورنىندا پاسەنتكە مەديسينالىق كومەك كورسەتىلدى، دياليز ٴراسىمى جۇرگىزىلدى»، - دەلىنگەن حابارلامادا.

ايتا كەتەيىك، بۇل ٴراسىم «بۇيرەك جەتكىلىكسىزدىگى» تۋىنداعان - ەكى بۇيرەك ٴوزىنىڭ ادەتتەگى قىزمەتىن ورىنداۋعا قابىلەتسىز (نەمەسە مۇلدەم قابىلەتى جوق) جاعدايدا قاجەت. دياليز – بۇل اعزادان تىرشىلىك ەتۋ ونىمدەرىن جانە ارتىق سۇيىقتىقتى جاساندى شىعارۋ پروسەسى.

سانيتاريالىق اۆياسيا قىزمەتىنىڭ ارقاسىندا 2018 جىلعى 7 اي ىشىندە قر وڭىرلەرىندە 1 400 استام مامانداندىرىلعان مەديسينالىق قىزمەتتەر كورسەتىلدى، ونىڭ ىشىندە ورنىندا ماماندارىمەن 86 وپەراسيا جاسالىندى.

«ورتالىق قۇرىلعاننان بەرى سانيتاريالىق اۆياسيا قىزمەتىمەن 15 مىڭنان استام قازاقستاندىقتارعا كومەك كورسەتىلدى، ونىڭ ىشىندە: اكۋشەرلىك پاتولوگياسى بار 2 537 ايەلگە، 2 460 جاڭا تۋعان نارەستەگە، بالالار جاسىنداعى پاتولوگياسى بار 3 249 بالاعا، قان اينالىم جۇيەسىنىڭ اۋرۋى بويىنشا 2 365 پاسيەنتكە، 3 177 جازاتايىم وقيعالاردان، ۋلانۋ مەن جاراقاتتانۋدان زارداپ شەككەندەرگە جانە وزگە دە اۋرۋلارى بار 1 458 پاسيەنتتەرگە كومەك كورسەتىلدى»، - دەلىنگەن حابارلامادا.

رەسپۋبليكا بويىنشا 15 395 مەديسينالىق قىزمەتتەر كورسەتىلدى، ونىڭ ىشىندە: 11 464 تاسىمالداۋ، 3 027 كەڭەس بەرۋ جانە 904 وپەراسيا.

ەستەرىڭىزگە سالا كەتەيىك، سانيتاريالىق اۆياسيا قىزمەتىنىڭ نەگىزگى ماقساتى - مەديسينالىق كومەكتى قولجەتىمدى جانە جەدەل كورسەتۋ، اسىرەسە، اۋىل حالقى ٴۇشىن. نەگىزىنەن بۇل اۋىلدىق ەلدى مەكەندە جوق مامانداندىرىلعان مەديسينالىق كومەك تۋرالى ايتىلىپ وتىر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي