BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاقستاندا ٴسۇت بەزى وبىرىنان بولاتىن ٴولىم كورسەتكىشى 9،7% تومەندەدى

2011-2017 جىلدار ارالىعىنداعى كەزەڭدە ٴسۇت بەزى وبىرىنان بولاتىن ٴولىم كورسەتكىشىنىڭ 9،7 پايىزعا تومەندەگەنى بايقالۋدا. جاڭا ەرەجە بويىنشا ٴسۇت بەزى وبىرىن انىقتاۋ سكرينينگى 40 جاسقا تولعان كەزدەن باستاپ جۇرگىزىلەدى، دەپ حابارلايدى baq.kz اقپارات اگەنتتىگى.

ٴسۇت بەزى وبىرى اۋرۋى (سبو) ونكواۋرۋلاردىڭ جالپى قۇرىلىمىندا ٴالى دە ٴبىرىنشى ورىندا تۇر. ونىڭ ۇلەسى - 13،8% (14،5% - 2016 ج.).

سونداي-اق، ونكولوگتاردىڭ ايتۋىنشا، سبو اۋرۋىنىڭ كورسەتكىشى ەلىمىزدىڭ ٴجۇز مىڭ تۇرعىنىنا شاققاندا، 2016 جىلعى 26،1 پايىزبەن سالىستىرعاندا، 2017 جىلى 24،5% بولدى.

وبلىستار بويىنشا اۋرۋلار قۇرىلىمىندا سبو الماتى، قاراعاندى، قىزىلوردا، قوستاناي، پاۆلودار، وڭتۇستىك قازاقستان وڭىرلەرىندە جانە استانا مەن الماتى قالالارىندا ٴبىرىنشى ورىندا تۇر.

سبو اۋرۋىنىڭ كورسەتكىشى پاۆلودار (100 000 ادامعا شاققاندا 35،7%)، سولتۇستىك قازاقستان (100 000 ادامعا شاققاندا - 35،2%)، قاراعاندى (100 000 ادامعا شاققاندا - 33،8%)، شىعىس قازاقستان ( 100 000 ادامعا شاققاندا - 32،7%)، اقمولا (100 000 ادامعا شاققاندا - 31،2%)، قوستاناي (100 000 ادامعا شاققاندا - 31،8%)، باتىس قازاقستان (100 000 ادامعا شاققاندا - 26،3%) وبلىستارىندا جانە الماتى قالاسى (100 000 ادامعا شاققاندا - 35،1%) مەن استانا قالاسىندا (100 000 ادامعا شاققاندا - 28،4%) رەسپۋبليكالىق كورسەتكىشتەن اسىپ كەتكەندىگى انىقتالدى.

اۋرۋدىڭ تومەن كورسەتكىشى ماڭعىستاۋ ( 100 000 ادامعا - 14،2% )، وڭتۇستىك قازاقستان ( 100 000 ادامعا -14،7%)، قىزىلوردا ( 100 000 ادامعا - 15،4% ) جانە اتىراۋ (100 000 ادامعا - 15،6%) وبلىستارىندا تىركەلگەن.

2011 – 2017 جىلدار ارالىعىنداعى كەزەڭدە سبو-دان بولعان ٴولىم كورسەتكىشى 9،7 پايىزعا ازايعانى بايقالادى (2011 جىلى – 1377 جاعداي-100 000 ادامعا شاققاندا - 8،3%)، 2017 جىلى – 1243 جاعداي (100 000 ادامعا شاقاندا - 6،9%).

ٴولىم كورسەتكىشىن تومەندەتۋ سبو دياگنوستيكاسىن ۋاقىتىلى جانە ەرتە جۇرگىزۋدىڭ ارقاسىندا مۇمكىن بولىپ وتىر. ماسەلەن، 2011 جىلى اۋرۋدىڭ i-ii كەزەڭىن انىقتاۋ - 73،4 پايىزدى (2568 جاعداي)، ال 2017 جىلى بۇل كورسەتكىش 84،7 پايىزدى (3677 جاعداي) كورسەتتى.

2011 جىلدان بەرى سبو-عا ۋاقىتىلى دياگنوستيكا جۇرگىزۋ 11،3 پايىزعا ارتقان، بۇل سونىمەن بىرگە مامموگرافيالىق سكرينينگتى جۇزەگە اسىرۋدىڭ ناتيجەسىندە دە مۇمكىن بولعان.

ديليارا قايداروۆا، م.ع.د.، قر ۇعا اكادەميگى، قازاقستان رەسپۋبليكاسى دەنساۋلىق ساقتاۋ مينيسترلىگى قازاق ونكولوگيا جانە راديولوگيا عىلىمي-زەرتتەۋ ينستيتۋتىنىڭ ديرەكتورى:

«ونكولوگتار ونكوپاتولوگيالاردىڭ، ونىڭ ىشىندە ٴسۇت بەزى وبىرىنىڭ العاشقى كەزەڭدەرىن انىقتاۋ ماسەلەلەرىنە ەرەكشە كوڭىل بولەدى. سوندىقتان، ٴقازىر، جاڭا ەرەجە بويىنشا، ٴسۇت بەزى وبىرىنا بايلانىستى سكرينينگ 40 جاسقا تولعان كەزدەن باستاپ جۇرگىزىلەدى. مىنا ماسەلەنىڭ ماڭىزدىلىعىن ەسكەرگەن ٴجون، ٴولىم كورسەتكىشىنىڭ تومەندەۋى ٴسۇت بەزى وبىرىن ەرتە جانە دەر كەزىندە انىقتاۋدىڭ ناتيجەسىندە عانا مۇمكىن بولىپ وتىر».

قازاقستاندا بۇل باعىتتا جۇرگىزىلىپ جاتقان جاپپاي شارالار رەسپۋبليكانىڭ ونكوقىزمەتى مەن ەلىمىزدىڭ ايەل تۇرعىندارى اراسىن ۇيلەستىرىپ، بايلانىستىراتىن تەتىككە اينالدى جانە قازىرگى ونكولوگيانىڭ - ٴسۇت بەزى وبىرىنىڭ ەڭ باستى وزەكتى ماسەلەسىنە نازار اۋدارۋعا كومەكتەسەدى.

18 تامىزدا mega alma-ata ساۋدا-كوڭىل كوتەرۋ ورنىندا «سالسا ۆ روزوۆوم» اتتى قايىرىمدىلىق بي فەستيۆالى وتەدى.

دەنيس گاگلوەۆ، avon قازاقستان مەكەمەسىنىڭ باس ديرەكتورى:

«سالسا ۆ روزوۆوم» فەستيۆالى avon قازاقستان كومپانياسىنىڭ «ٴسۇت بەزى وبىرىنا قارسى ميسسيا» قايىرىمدىلىق باعدارلاماسى اياسىندا وتەدى. شارا شارتى - «شىن جۇرەكپەن بيلە!». بي يممۋندىق جانە تىنىس الۋ جۇيەلەرىن نىعايتادى، بۇلشىق ەتتەر جۇمىسىن وڭتايلاندىرىپ، قان اينالىمىن جاقسارتادى. سوندىقتان دا فەستيۆال باعدارلاماسىندا سالسا، لاتينو، باچاتە بويىنشا شەبەرلىك ساباقتارى جۇرگىزىلەدى. ايەلدەر دارىگەرلەردەن كەڭەس الىپ، تەگىن تەكسەرۋلەردەن وتە الادى».

فەستيۆال قوناقتارى ٴۇشىن سونداي-اق latino guns جانە sin frontera توپتارى ونەر كورسەتەتىن بولادى. بالالار ٴۇشىن انيماتورلارى، ويىندارى، شەبەرلىك سىنىپتارى بار بالالار ايماعى ويلاستىرىلعان. شەبەرلىك سىنىبى ولگا مارياسوۆانىڭ ۆيزاجدىق ونەرى بويىنشا وتپەك، ال ەرلەر ٴۇشىن ميني-گولفتان شەبەرلىك ٴدارىسى ۇيىمداستىرىلماق.

«سالسا ۆ روزوۆوم» قايىرىمدىلىق فەستيۆالىنىڭ باستالۋى 2018 جىلعى 18 تامىزى كۇنى، ساعات 15.00-دە. وتكىزىلەتىن مەكەن-جايى: mega alma-ata ساۋدا-كوڭىل كوتەرۋ ورنى (روزىباقيەۆ كوشەسى، 247 ا ٴۇي). درەسس-كود: روزوۆىي ("سالسا ۆ روزوۆوم")

قوسىمشا اقپارات الۋ ٴۇشىن الماتى ونكوورتالىعىنىڭ ٴباسپاسوز حاتشىسى اينا حامەدجانوۆاعا 8 701 705 78 76 تەلەفونى بويىنشا حابارلاسىڭىزدار.

«سالسا ۆ روزوۆوم» فەستيۆالى بويىنشا مارينا گياۋروۆاعا 8 777 364 19 33 تەلەفونى بويىنشا حابارلاسىڭىزدار.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي