BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

پاۆلودار وبلىسىندا مەنينگوكوكك جۇقتىرعان ادامدارمەن بايلانىسقان 208 ادام تەكسەرىلدى

ەرتىس وڭىرىندە جىل باسىنان بەرى مەنينگوكوكك ينفەكسياسىن جۇقتىرۋدىڭ ەكى وقيعاسى تىركەلىپ، ولارمەن بايلانىستا بولعان 208 ادام تەكسەرىلدى. ناتيجەسىندە جۇقتىرۋ وشاعى انىقتالعان جوق، دەپ حابارلايدى baq.kz ايماقتاعى ٴتىلشىسى.

سوندىقتان پاۆلودار وبلىسىندا مەنينگوكوكك ينفەكسياسىنا قاتىستى ەپيدەميولوگيالىق جاعداي سوڭعى ٴۇش جىلدا تۇراقتى دەۋگە نەگىز بار.

«وبلىستا ەكى وقيعا تىركەلسە، ٴتورت جاعداي راستالعان جوق. مەنينگوكوكك ينفەكسياسى ٴبىر جانە جەتى جاس ارالىعىنداعى بالالار اراسىندا انىقتالدى. ٴبىرىنشى جاعدايدا باكتەريولوگيالىق دياگنوز قويىلدى، ال ەكىنشى جاعدايدا كلينيكالىق دياگنوز راستالدى. سىرقاتتار جازىلىپ، اۋرۋحانادان شىعارىلدى. ماماندار بالالارمەن بايلانىستا بولعانداردى تەكسەرىپ شىقتى، اۋرۋ تاراتۋشىلار انىقتالعان جوق»، - دەيدى وبلىستىق قوعامدىق دەنساۋلىقتى ساقتاۋ دەپارتامەنتىنىڭ باسشىسى يرينا سوروكينا.

وڭىردە سوڭعى ٴۇش جىلدا مەنينگوكوكك ينفەكسياسى توڭىرەگىندە تۇراقتى جاعداي ساقتالعان. 2015 جىلى وبلىس بويىنشا اۋرۋعا شالدىعۋ كورسەتكىشى 100 مىڭ تۇرعىنعا شاققاندا 0،ٴ4-ى قۇرادى نەمەسە 3 جاعداي تىركەلدى. 2016-2017 جىلدارى 0،1 نەمەسە 1 جاعدايدان تىركەلدى.

ايتا كەتەيىك، وبلىستا ينفەكسياعا قارسى ۆاكسينانىڭ ٴبىر دوزاسى 21 مىڭ تەڭگە تۇرادى.

«الداعى ۋاقىتتا ساۋد ارابياسىنا قاجىلىققا باراتىن 10-نان استام ادامعا اقىلى نەگىزدە ەكپە سالىنادى. بۇگىندە مەنينگوكوكك ينفەكسياسىنىڭ تارالۋىن الدىن الۋ ماقساتىندا تۇرعىندار اراسىندا سانيتارلىق-اعارتۋشىلىق جۇمىستار قولعا الىنعان. دەنساۋلىق ساقتاۋ باسقارماسى مەن قوعامدىق دەنساۋلىقتى قورعاۋ دەپارتامەنتىنىڭ بىرلەسكەن كوميسسياى قۇرىلدى. قوس مەملەكەتتىك مەكەمەنىڭ جانىنان شۇعىل جەلىلەر ىسكە قوسىلدى. بۇگىنگى كۇنگە دەيىن 28 ادام حابارلاسىپ، كەڭەستى»، - دەيدى وبلىستىق دەنساۋلىق ساقتاۋ باسقارماسى باسشىسىنىڭ ورىنباسارى سالتانات تولەگەنوۆا.

سونىمەن قاتار، احۋال كۇردەلەنگەن جاعدايدا وبلىستاعى ەمدەۋ مەكەمەلەرىنىڭ دايىندىعى پىسىقتالدى. بۇگىندە وبلىستاعى اۋرۋحانالاردىڭ ستاسيونارلارى ساقاداي ساي. سونىمەن قاتار، كەز كەلگەن ۋاقىتتا بايلانىسقا شىعا الاتىن تەلەمەديسينا قۇرالدارى جانە سانيتارلىق اۆياسيا ٴازىر.

مامانداردىڭ مالىمەتىنشە، وبلىستىق جۇقپالى اۋرۋلارعا قارسى ەمدەۋ مەكەمەسى 170 ورىنعا شاقتالعان. كۇردەلى جاعداي بولا قالسا، مەكەمەنىڭ جۇكتەمەسىن 30% ارتتىرۋعا مۇمكىندىك بار.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي