BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

نارەستەلەر ٴولىمى سوڭعى 6 ايدا 2،4% تومەندەگەن

2018 جىلدىڭ 6 ايىندا نارەستەلەر ٴولىم-جىتىمىنىڭ كورسەتكىشى 8،2%-دى قۇرادى. بۇل جايىندا الماتى قالاسى پەدياتريا جانە بالالار حيرۋرگياسى عىلىمي ورتالىعىنىڭ ديرەكتورى ريزا بورانبايەۆا الماتىدا وتكەن بريفينگ بارىسىندا ايتتى، دەپ حابارلايدى baq.kz اقپارات اگەنتتىگىنىڭ ٴتىلشىسى.

ونىڭ ايتۋىنشا، قازاقستان تۇرعىندارىنىڭ الەۋمەتتىك ەكونوميكالىق ٴومىرىن جاقسارتۋعا باعىتتالعان قازاقستان ۇكىمەتىنىڭ باستامالارى ارقاسىندا سوڭعى ون جىلدا نارەستەلەر ٴولىمىنىڭ كورسەتكىشى تومەندەپ وتىر.

جيىن بارىسىندا انا مەن بالا دەنساۋلىعىن قورعاۋ بويىنشا 2016-2020 جىلدارعا ارنالعان قر دەنساۋلىق ساقتاۋ سالاسىن دامىتۋدىڭ «دەنساۋلىق» مەملەكەتتىك باعدارلاماسى ىسكە اسىرىلىپ جاتقاندىعى ايتىلدى.

«2018 جىلدىڭ 6 ايىندا نارەستەلەر ٴولىم-جىتىمىنىڭ كورسەتكىشى 2،4%-عا تومەندەپ 8،2%-دى قۇراعان، ال 2017 جىلدىڭ 6 ايىندا بۇل كورسەتكىش 8،4‰ بولعان»، -دەيدى ورتالىق ديرەكتورى.

كورسەتكىشتەرى رەسپۋبليكالىق ماننەن جوعارى دەڭگەيدە قالىپ وتىرعان وڭىرلەر قاتارىندا مىنا ايماقتار بار: قوستاناي وبلىسى-13،0%، سولتۇستىك-قازاقستان – 12،3%، اقتوبە وبلىسى – 10،0%، اتىراۋ وبلىسى – 9،8%، ماڭعىستاۋ وبلىسى - 9،6%، الماتى وبلىسى – 9،4%، شىعىس-قازاقستان - 9،4% جانە وڭتۇستىك-قازاقستان وبلىسى – 8،7%.

«بالالار ٴولىم-جىتىمىنىڭ جاس ەرەكشەلىكتەرىنە توقتالساق، 1 جاسقا دەيىن ولگەندەر 84،0%، 1-دەن 2 جاسقا دەيىنگىلەر 7،3%، 2-دەن 5 جاسقا دەيىنگى ٴولىم-جىتىم 8،7% قۇراپ وتىر»، - دەيدى ول.

نارەستەلەر ٴولىم-جىتىمىنىڭ جاس ەرەكشەلىكتەرى بويىنشا جاسالعان تالداۋدا ەرتە نەوناتالدىق ٴولىم-جىتىمنىڭ كورسەتكىشى 32،6% قۇراعان، كەش نەوناتالدىق ٴولىم-جىتىم 23،5%-دى جانە پوستنەوناتالدىق ٴولىم-جىتىم 43،9%-دى قۇراعان.

«نارەستەلەر ٴولىم-جىتىمىنىڭ سەبەپتەرى جايىندا ايتساق، ولگەن بالالاردىڭ 53،4% پەريناتالدىق كەزەڭدە تۋىنداعاندار، 20،8% تۋا بىتكەن دامۋ اقاۋىنان، 5،4% ينفەكسيالىق-پارازيتارلىق اۋرۋلاردان، 4،8% تىنىس الۋ ورگاندارىنىڭ اۋرۋلارىنان جانە 4،2% جازاتايىم وقيعالاردان كوز جۇمعان»، -دەيدى ورتالىق ديرەكتورى.

سونىمەن قاتار ول، بوسانۋدان العان جاراقاتتان نارەستەلەر ٴولىم-جىتىمىنىڭ 1،4 ەسەگە ٴوسۋى الاڭداتىپ وتىرعاندىعىن جەتكىزدى.

«بوسانۋدان العان جاراقات سالدارىنان نارەستەلەر ٴولىم-جىتىمى كەلەسى وڭىرلەردە تىركەلدى: وڭتۇستىك-قازاقستان وبلىسىندا 2 بالا، استانا قالاسىندا 1 بالا، قاراعاندى وبلىسىندا 1 بالا جانە الماتى وبلىسىندا 1 بالا. نەوناتالدىق كەزەڭدە نارەستەلەردەن ايىرىلىپ قالۋدىڭ سەبەپتەرىنە جۇرگىزىلگەن تالداۋ وسىنداي بوسانۋدان العان جاراقات، ديسترەسس-سيندروم، اسفيكسيا جانە جاتىرىشىلىك پنەۆمونيا ٴتارىزدى باسقارۋعا كەلەتىن نارەستەلەر ٴولىم-جىتىمىنىڭ الدىن الۋعا بولاتىنىن كورسەتتى جانە ول جۇكتىلىكتى، بوسانۋدى قاراۋ تاسىلدەرىنە، نارەستەلەرگە دەر كەزىندە ادەكۆاتتى، دۇرىس رەانيماسيا جاساپ جانە قارقىندى ەم جۇرگىزۋگە بايلانىستى»، -دەدى ر.بورانبايەۆا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي