BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

مەنينگيتتەن ەمدەلمەگەندەردىڭ 50 % قايتىس بولادى – ددسۇ

مەنينگوكوكك ينفەكسياسىن جۇقتىرعاندار دەر كەزىندە ەم قابىلداماسا، دارىگەرگە جۇگىنبەي وزدىگىنەن ەمدەلسە، وندا مۇنداي جاعدايلاردىڭ 50 پروسەنتى ولىمگە اكەپ سوعادى. بۇل تۋرالى بۇگىن ورتالىق كوممۋنيكاسيالار قىزمەتىندە وتكەن بريفينگ بارىسىندا دۇنيەجۇزىلىك دەنساۋلىق ساقتاۋ ۇيىمىنىڭ وكىلى تاتيانا كولپاكوۆا ايتتى، دەپ حابارلايدى ۆaq.kz ٴتىلشىسى.

«قازىرگى جاعداي قانشالىقتى اۋىر ەكەنىن ٴتۇسىنۋىمىز كەرەك. سەبەبى ەمدەلمەگەن جاعدايدىڭ 50 پروسەنتى ولىمگە اكەپ سوعادى. ياعني، بۇل – وتە ٴقاۋىپتى اۋرۋ. دۇنيەجۇزىلىك دەنساۋلىق ساقتاۋ ۇيىمى مەديسينالىق كومەك كورسەتكەن جاعدايدا دا 5-15 پروسەنتى ولىممەن اياقتالادى دەگەندى ايتىپ وتىر. ادام كوز الدىمىزدا بىرنەشە ساعاتتىڭ ىشىندە قايتىس بولىپ كەتۋى مۇمكىن. قازاقستاندا كومەك كورسەتۋگە قاجەتتى جابدىقتار مەن ماماندار، لاباروتوريالىق كابينەتتەر جەتكىلىكتى. سول سەبەپتى مامانداردىڭ كومەگىنەن باس تارتپاۋ كەرەك»، - دەدى تاتيانا كولپاكوۆا.

ايتا كەتەيىك، قازاقستاندا مەنينگوكوكك ينفەكسياسىن جۇقتىرعانداردىڭ ىشىندە 58 ادامدا راستالدى. سونىمەن قاتار، ەلىمىزدە اۋىرعانداردا ينفەكسيانىڭ 3 ٴتۇرى كەزدەستى. بۇگىن قازاقستان بويىنشا مەنينگوكوكك ينفەكسياسىن جۇقتىرعان ادامدارمەن بايلانىسقا تۇسكەن 4136 ادام انىقتالدى. قوعامدىق دەنساۋلىق ساقتاۋ كوميتەتى ٴتوراعاسىنىڭ ايتۋىنشا، رامازان ايىندا اۋىزاشاردان كەيىن تۇرعىندار تاراۋيح نامازىنا جىعىلۋ ٴۇشىن مەشىتكە بارادى دا، مەنينگوكوكك ينفەكسياسىن جۇقتىرادى. سەبەبى مەشىتتە ادامدار بىر-بىرىنە وتە جاقىن وتىرادى جانە عيماراتتىڭ ىشىندە اۋا تار.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي