BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

مەنينگيت جۇقتىرعان بالالاردىڭ اتا-انالارى مەن تۋىستارى تەكسەرىلدى – سارقىت بەيسەنوۆا

قوعامدىق دەنساۋلىق ساقتاۋ دەپارتامەنتى ديرەكتورىنىڭ ورىنباسارى سارقىت بەيسەنوۆا مەنينگيت جۇقتىرعان بالالاردىڭ اتا-انالارى مەن تۋىستارى تەكسەرىلگەنىن، ولاردان ٴقاۋىپتى اۋرۋدىڭ بەلگىلەرى انىقتالماعانىن ايتتى، دەپ حابارلايدى baq.kz ٴتىلشىسى.

«مەنينگوكوكك ينفەكسياسىن جۇقتىرعان ٴبىرىنشى بالا تۋىستارىمەن الماتىدا قوناقتا بولعان. استاناعا كەلگەننەن كەيىن ٴبىزدىڭ ستاسيونارعا جاتقىزىلدى. مەنينگيت جۇقتىرعان ەكىنشى بالا 26 مامىردان 31 مامىرعا دەيىن ارشالى اۋدانىندا قوناقتا بولعان»، - دەدى ول.

وسى ورايدا دەپارتامەنت وكىلى تىركەلگەن جاعدايلار نەزىگىندە بالالارمەن قاتىناستا بولعان ازاماتتاردىڭ تولىق تەكسەرىستەن وتكەنىن ٴمالىم ەتتى.

«ەكى جاعدايدا دا ەپيدەميالىق احۋال ٴىس-شارالارىن جۇرگىزدىك. قاتىناستا بولعان ادامداردىڭ بارلىعىن تەكسەرىپ شىقتىق. ناقتىراق ايتسام، ٴبىرىنشى جاعدايدا 14 ادام تەكسەرىلدى. زەرتتەۋ بارىسىندا ولاردان باكتەريا تابىلعان جوق. ەكىنشى جاعدايدا بالانىڭ اتا-اناسى تەكسەرىلدى. ارىپتەستەرىمىز ارشالى اۋدانىندا ٴتورت ادامدى قارادى. قازىرگى تاڭدا زەرتتەۋ قورىتىندىسىن كۇتىپ جاتىرمىز»، - دەدى سارقىت بەيسەنوۆا.

ونىڭ ايتۋىنشا، قازىرگى تاڭدا استاناداعى ەپيدەميولوگيالىق جاعداي تۇراقتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي