BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

مەنينگيت تۋرالى جالعان اقپارات تاراتقاندارمەن باس پروكۋراتۋرا اينالىسادى – ٴبىرتانوۆ

فوتو: ашық дереккөзден

قر دەنساۋلىق ساقتاۋ ٴمينيسترى ەلجان ٴبىرتانوۆ مەنينگوكوكك جۇقپاسىنا قاتىستى الەۋمەتتىك جەلىدە تارالىپ جاتقان حابارلامالاردى باس پروكۋراتۋرا تەكسەرەتىنىن ايتتى، دەپ حابارلايدى baq.kz ٴتىلشىسى.

«لوببيلەندىرۋگە قاتىستى ايتار بولساق، باس پروكۋراتۋرا تەرگەۋدى باستاپ كەتتى. وسى جاعدايعا قاتىستى، سونىڭ ىشىندە اقپاراتتىق حابارلامالاردى تاراتۋ تۋرالى زاڭ بۇزۋشىلىقتار بولسا ولاردى جاۋاپكەرشىلىككە تارتۋ كەرەك دەپ سانايمىن. حالىق اراسىندا دۇرلىگۋگە جول بەرمەۋىمىز قاجەت»، - دەدى ٴبىرتانوۆ.

دەنساۋلىق ساقتاۋ ٴمينيسترى قازاقستاندىقتاردان تەك رەسمي اقپارات كوزدەرىنە سەنۋدى سۇرادى.

«ەل ازاماتتارىن دۇرلىكپەۋگە شاقىرامىن. رەسمي اقپارات كوزدەرىنە سەنىڭىزدەر. قاجەتتى جۇمىستار جۇرگىزىلىپ جاتىر. دەنساۋلىق ساقتاۋ مينيسترلىگى اقپاراتتار تاراتادى. دۇرلىگۋدىڭ قاجەتى جوق»، - دەدى ول ورتالىق كوممۋنيكاسيالار قىزمەتىندە وتكەن بريفينگتە.

ەسكە سالا كەتسەك، قازاقستاننىڭ باس سانيتارلىق دارىگەرى جانداربەك بەكشين وسىعان دەيىن دەنساۋلىق ساقتاۋ مينيسترلىگىنىڭ اتىنان whatsapp جەلىسىندە تارالعان جالعان حابارلاماعا قاتىستى ۆيدەومالىمدەمە جاساعان بولاتىن.

«قر دەنساۋلىق ساقتاۋ مينيسترلىگى ازاماتتاردى الەۋمەتتىك جەلىلەردەگى كۇماندى مالىمەتتەرگە سەنبەۋگە شاقىرادى. whatsapp پايدالانۋشىلارىنىڭ اراسىندا ٴبىر ايەلدىڭ ۇرەيلى داۋىسپەن مەكتەپكە دەيىنگى مەكەمەلەرگە باراتىن بالالارعا مەنينگيتكە قارسى انتيبيوتيكپەن ەمدەۋگە شاقىرعان. ٴبىراق ول ٴوز ەسىمىن، سونداي-اق قانداي ۇيىمنىڭ اتىنان مالىمدەمە جاساعانىن ايتپايدى. دەنساۋلىق ساقتاۋ مينيسترلىگى بۇل اقپاراتتى راستامايدى جانە سىزدەردى الەۋمەتتىك جەلىلەردەگى شىندىققا جاناسپايتىن مالىمەتتەرگە سەنبەۋگە، تەك دەنساۋلىق ساقتاۋ مينيسترىگىنىڭ رەسمي اقپاراتىن پايدالانۋعا شاقىرادى» - دەدى جانداربەك بەكشين.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي