BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاقستاندا جاساندى جۇرەكپەن ٴومىر سۇرگەن ناۋقاسقا دونور جۇرەگى سالىندى

ەلىمىزدە بارلىعى ٴۇش ادام جاساندى جۇرەكپەن ٴومىر سۇرەدى. ۇلتتىق عىلىمي كارديوحيرۋرگيا ورتالىعىندا سولاردىڭ ٴبىرىنىڭ جاساندى جۇرەگى دونور جۇرەگىمەن الماستىرىلدى. وسىلايشا، الەمدە العاش رەت پاسيەنتكە قوس كۇردەلى وتا قاتار جاسالىپ وتىر، دەپ حابارلايدى baq.kz ٴتىلشىسى.

carmat جۇرەگى - تولىعىمەن جاساندى جۇرەك، ول جۇرەكتى اۋىستىرا الاتىن 1000 گرامم سالماعى بار بيوپروتەز. ٴبىرىنشى carmat يمپلانتاسياسىنىڭ وپەراسياسى 2017 جىلعى 19 قازاندا استانادا جۇرەك جەتىسپەۋشىلىگى بار 60 جاستاعى ناۋقاس قۇنانباي ابىرايەۆقا جاسالدى. 8 ايدان كەيىن 2018 جىلعى 19 ماۋسىمدا پاسيەنتكە دونورلىق جۇرەك ترانسپلانتاسيالاندى. ازىرگە ول كارديوحيرۋرگيا ورتالىعىندا جاتىر.

ۇلتتىق عىلىمي كارديوحيرۋرگيا ورتالىعى باسشىسى يۋريي پيانىڭ ايتۋىنشا، قازاقستان حالىقارالىق زەرتتەۋ باعدارلاماسىنا ەنگەندىكتەن جاساندى جۇرەكتى جاساعان كومپانيا سول مەحانيكالىق ورگاندى تەگىن بەرەدى ٴارى وتاسى دا تەگىن جاسالادى. نەگىزى، carmat جۇرەگىنىڭ قۇنى 1 ملن ەۋروعا دەيىن جەتەدى. ارنايى سىناق ناتيجەسى carmat جۇرەگىنىڭ 7 جىلدان استام ۋاقىت بويى قىزمەت ەتەتىنىن كورسەتكەن.

«توعىز اي بۇرىن جاساندى جۇرەكپەن جۇرگەن قۇنانباي ابىرايەۆ دونورلىق جۇرەككە دايىن بولمادى. جاساندى جۇرەك سالعاننان كەيىن ونىڭ ورگاندارى: باۋىر، وكپە، بۇيرەك جانە تاعى باسقا ورگاندارىنىڭ فۋنكسياسى جاقساردى. ٴبىز بۇنى يمپلانتاسيادان كەيىن بىردەن بايقادىق. ٴۇش ايدان كەيىن ونىڭ وكپە ارتەرياسىنداعى قان قىسىمى دا قالپىنا كەلدى. وسىندايدا دونورلىق جۇرەكتى سالۋعا بولادى. ٴسويتىپ، ٴۇش ايدان كەيىن ٴبىز پاسيەنتكە دونورلىق جۇرەكتى ىزدەۋگە كىرىستىك. سەبەبى، دونورلىق جۇرەك جاساندى جۇرەككە قاراعاندا ٴومىر ٴسۇرۋ ساپاسىن ٴبىرشاما جاقسارتادى»، - دەدى يۋريي پيا.

ونىڭ ايتۋىنشا، جاساندى جۇرەكتى دونورلىق جۇرەكپەن الماستىرۋ وپەراسياسى 12 ساعاتقا سوزىلدى. الەم بويىنشا العاش رەت جاسالعان وتانى كورۋگە شەتەلدەن 30 جۋىق دارىگەر كەلدى. قازىرگى كەزدە پاسيەنتتىڭ جاعدايى جاقسى. ول ٴوز كۇشىمەن ٴجۇرىپ، تۇرا الادى.

«ٴبىز ادامنىڭ ٴومىرىن ۇزارتۋ ٴۇشىن قولدان كەلگەننىڭ بارلىعىن جاساۋعا دايىنبىز. سول ٴۇشىن كەز كەلگەن مۇمكىندىكتى پايدالانامىز»، - دەپ تۇيىندەدى يۋريي پيا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي