BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاقستاندا ىشەك سىرقاتىن زەرتتەۋدىڭ جاڭا ٴادىسى ەنگىزىلدى

فوتو: ашық дереккөзден

قازاقستاندا پرەزيدەنتتىك كلينيكا العاشقى بولىپ- بەينەەنتەروسكوپيا - جاڭا يننوۆاسيالىق دياگنوستيكالىق زەرتتەۋدى ەنگىزدى، دەپ حابارلايدى baq.kz اقپارات اگەنتتىگى.

بەينەەنتەروسكوپيا دياگنوستيكالىق تاسىلدەردىڭ دامۋىندا توڭكەرىس جاسادى جانە جىڭىشكە ىشەكتىڭ سىرقاتىن دياگنوستيكالاۋدى جاقسارتتى. ول بيوپسيا جاساۋعا، جاڭا وسپەلەردى الىپ تاستاۋعا، قاناعىمدى توقتاتۋعا، سونىمەن قاتار جىڭىشكە ىشەكتىڭ تەرەڭ قاتپارلارىنىڭ شىرىشتى قاباتىنىڭ جاعدايىن بايقاۋعا مۇمكىندىك بەرەدى.

«ەنتەروسكوپيا دياگنوستيكالاۋعا، ەم الۋ جانە قارالۋ ماقساتىندا ۇسىنىلادى. دياگنوستيكا ماقساتى: ىشەك ىشىندە قاناعىمعا، جىڭىشكە ىشەكتە ىسىككە كۇدىك بولعاندا، جىڭىشكە ىشەكتى رەنتگەنولوگيالىق تەكسەرۋ بارىسىندا جىڭىشكە ىشەكتە پاتولوگيالىق وزگەرىستەردى انىقتاۋ كەزىندە، گيستولوگيالىق تەكسەرۋلەر (بيوپسيا) جاساۋ. ەمدەۋ ماقساتى: جىڭىشكە ىشەك ىشىندەگى قان اعۋىن توقتاتۋ، جاڭادان پايدا بولعان وسپەلەردى جويۋ، ىشەكتەن بوتەن دەنەلەردى الىپ شىعۋ، جىڭىشكە ىشەكتىڭ قۇرىلىمىندا باللوندىق ديلاتاسيا جۇرگىزۋ. بايقاۋ ماقساتى: جىڭىشكە ىشەكتىڭ پوليپتەرمەن جارالانۋىندا كلينيكالىق سيندروم بايقالعاندا، ىشەكتىڭ جاعدايىن باعالاۋ، اتاپ ايتقاندا، كرون اۋرۋىنا شالدىققاندا، ەنتەروپاتيادا كونسەرۆاتيۆتى ەمنىڭ تيىمدىلىگىن باقىلاۋ»، - دەيدى ماماندار.

ايتا كەتەيىك، ۇزاق جىلدار بويى اسقازان-ىشەك جولدارى اۋماعىنداعى جىڭىشكە ىشەكتى ەندوسكوپيالىق زەرتتەۋ قيىنعا سوقتى. جىڭىشكە ىشەكتىڭ قابىنۋى، اۋتويممۋندىق جانە نەوپلاستيكالىق زاقىمدانۋى، ىشەك ىشىندە قان كەتۋى حيرۋرگتارمەن گاستروەنتەرولوگتارعا كۇردەلى ماسەلە بولعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي