BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاقستان رەسەيدىڭ فارماكولوگيا نارىعىندا كوش باستادى

وسىعان دەيىن بۇل سالادا ماسكەۋدىڭ نەگىزگى سەرىكتەسى مينسك بولاتىن. ٴبىراق بەلارۋس فارماسەۆتەرى وڭايلىقپەن بەرىلمەيمىز دەپ وتىر، دەپ حابارلايدى baq.kz اقپارات اگەنتتىگى 24 حابار ارناسىنا سىلتەمە جاساپ.

ولار دارى-دارمەك تاسىمالىن قايتادان جانداندىرۋ ٴۇشىن بار كۇشىن سالىپ جاتىر.

5 جىلدان استام ۋاقىت بويى رەسەيدە ساتىلاتىن مەديسينالىق پرەپاراتتاردىڭ باسىم كوپشىلىگى بەلارۋسسيادان تاسىمالداناتىن. ەندى نەگىزگى تاسىمالداۋشى اۋىستى. العاشقى ورىنداعى مينسكتى استانا الماستىردى. رەسەيلىك مامانداردىڭ ايتۋىنشا، نارىقتى جاۋلاۋ جولىندا قازاقستان تاڭداعان باعىت دۇرىس كورىنەدى. ياعني قازاقستاندىق فارماسەۆتتەر دارى-دارمەكتىڭ سانىنا ەمەس، ساپاسىنا باسا نازار اۋدارادى.

«بۇل تاڭداناتىن جاعداي ەمەس. فارماكولوگيادا باستىسى ساپا. سەبەبى بۇل جەردە ادامنىڭ دەنساۋلىعى باسا نازاردا بولادى. قازاقستاننىڭ اتالعان سالا بويىنشا 20 جىلدىق تاجىريبەسى بار. سوندىقتان ٴدال ٴقازىر ەكى ەل اراسىنداعى باسەكەلەستىك جاعدايىندا سىزدەردىڭ ەلدەرىڭىز مىقتى دەۋگە تولىق نەگىز بار»، -دەدى فارماكولوگيالىق كومپانيانىڭ مەنەدجەرى داريا مالوۆيچكو.

سوڭعى جىلدارى ٴىرى كومپانيالار دارى-دارمەكتىڭ جاڭا تۇرلەرىن جاساپ شىعارۋعا ەرەكشە كوڭىل ٴبولىپ جاتىر. اسىرەسە دەنەگە جاپسىرۋ جانە ينگالياسيالىق، ياعني دەم الۋ ارقىلى اسەر ەتەتىن پرەپاراتتارعا سۇرانىس جوعارى. مىنە استانا وسى باعىتتى قولعا الىپ، دامىتۋ ارقىلى ىلگەرى قادام جاسادى. رەسەيلىك ساراپشىلار وسىنداي پىكىردە. سونداي-اق ەۋرازيالىق ەكونوميكالىق وداق نارىعىندا دا قازاقستاندىق كومپانيالاردىڭ ۇلەسى ارتىپ كەلەدى.

«بىزدەگى مالىمەتتەرگە سۇيەنسەك، سوڭعى جارتى جىلدا رەسەيگە تاسىمال بويىنشا بەلارۋسسيانىڭ ۇلەسى 70 پايىزعا جەتتى. بىلتىر بۇل كورسەتكىش 92 پايىز بولعان. ال قازاقستانعا كەلسەك، بۇل ەلدىڭ ۇلەسى 7-دەن 29 پايىزعا جەتتى. ەكى مەملەكەتتىڭ دە كورسەتكىشتەرى جاقسارىپ كەلەدى. ازىرگە بۇل كەزەڭدە قازاقستاندا باسەكەلەس جوق»، - دەدى بيزنەس-ساراپشى يزولدا سەلينيچەنكو.

رەسەيگە قازاقستان مەن بەلارۋسسيادان تاسىمالداناتىن دارى-دارمەكتىڭ سانى كوبەيگەنىمەن ەكى ەل اراسىندا تىكەلەي باسەكەلەستىك جوق. سەبەبى تاراپتار قۇرامى مەن قولدانىلۋ ماقساتى بولەك پرەپاراتتار ساۋداسىمەن اينالىسادى. سونداي-اق تاعى ٴبىر تاراپ – جەرگىلىكتى كومپانيالار دا ٴوز ونىمدەرىن وتكىزۋگە تىرىسىپ جاتىر. الايدا بۇل ۇشتىكتىڭ اراسىندا ازىرگە استانانىڭ ايى وڭىنان تۋىپ تۇر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي