BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاقستان مەديسيناسىنداعى ەڭ ۇزدىك ۇيىمدار بەلگىلى بولدى

فوتو: sharij.net

دەنساۋلىق ساقتاۋ مينيسترلىگىنىڭ دەنساۋلىق ساقتاۋدى دامىتۋ رەسپۋبليكالىق ورتالىعى 2017 جىلعى مەديسينا ۇيىمدارىنىڭ رەيتينگىسىن شىعاردى، دەپ حابارلايدى baq.kz اقپارات اگەنتتىگى ورتالىقتىڭ ٴباسپاسوز قىزمەتىنە سىلتەمە جاساپ.

دسدرو ىشكى جانە سىرتقى اۋديت ناتيجەلەرى، سونداي-اق 2017 جىل بويىنشا پاسيەنتتەردىڭ پىكىرلەرى نەگىزىندە تمككك شەڭبەرىندە مەديسينالىق كومەك كورسەتەتىن رەسپۋبليكالىق، وبلىستىق جانە قالالىق دەڭگەيلەردەگى مەديسينالىق ۇيىمداردى رەيتينگتىك باعالاۋ قورىتىندىسىن شىعاردى.

مەديسينالىق ۇيىمدار مەن عىلىمي ورتالىقتاردىڭ جىل سايىنعى رەيتينگى 2016-2019 جىلدارعا ارنالعان «دەنساۋلىق» مەملەكەتتىك باعدارلاماسىندا قاراستىرىلعان جانە دەنساۋلىق ساقتاۋ سالاسىنداعى قازاقستاندىق ۇيىمدار قىزمەتىنىڭ اشىقتىعىن جانە باسەكەگە قابىلەتتىلىگىن ارتتىرۋعا باعىتتالعان.

رەيتينگتى ەسەپتەۋ ٴۇشىن ينديكاتورلار رەتىندە كورسەتىلەتىن مەديسينالىق قىزمەتتەردىڭ ساپاسى سالاسىنداعى 50 جۋىق ەڭ ماڭىزدى كورسەتكىشتەر ىرىكتەلىپ الىندى.

2017 جىلعى قورىتىندىسى بويىنشا رەيتينگتى دسدرو پاسيەنتكە باعىتتالعان كورسەتكىشتەرگە اناعۇرلىم سەزىمتال بولعان ادىستەمەنى قايتا قاراعاننان كەيىن وسى جىلى ماۋسىم ايىندا ەسەپتەگەن.

ادىستەمەنىڭ جاڭا رەداكسياسىندا ۇيىمنىڭ بەيىنىنە بايلانىستى ٴبىرقاتار جاڭا ينديكاتورلار ەنگىزىلگەن: مەديسينالىق اقپاراتتىق جۇيەنى قولدانۋ، دارىگەردىڭ 1 مولشەرلەمەلىك ورتاشا ايلىق اقىسىنىڭ ٴوڭىر ەكونوميكاسىنداعى ورتاشا ايلىق جالاقىعا اراقاتىناسى، بايقاۋ كەڭەسىنىڭ بولۋى، مەديسينا پەرسونالىنىڭ ەڭبەك جاعدايلارىنا قاناعاتتانۋشىلىق دەڭگەيى، حالىقارالىق جانە ۇلتتىق اككرەديتتەۋدىڭ بولۋى (عزي، عو ٴۇشىن)، egov پلاتفورماسى ارقىلى دارىگەردىڭ قابىلداۋىنا ەلەكتروندى تۇردە جازىلۋ مۇمكىندىگى جانە باسقالار.

سونداي-اق، رەيتينگتىڭ بالدىق جۇيەسى ەكى باعىت: كلينيكالىق قىزمەت جانە مەنەدجمەنت دەڭگەيى بويىنشا 1-دەن 5-كە دەيىن جۇلدىزدار بەرۋگە اۋىستىرىلدى.

مەنەدجمەنت كورسەتكىشتەرى بويىنشا سارالانعان 17 عىلىمي-زەرتتەۋ ينستيتۋتتارىنىڭ، ۇلتتىق ورتالىقتاردىڭ (بۇدا ٴارى – عزي/ۇو) ٴ3-ۋى، مەديسينالىق-سانيتاريالىق العاشقى كومەك كورسەتەتىن 168 مەديسينالىق ۇيىمنىڭ ٴ5-ۋى ەڭ جوعارى 5 جۇلدىز الدى. ەرەسەكتەرگە ارنالعان 170 قالالىق ستاسيونار، ەرەسەكتەرگە ارنالعان 32 وبلىستىق ستاسيونار، بالالارعا ارنالعان 13 وبلىستىق ستاسيونار جانە بالالارعا ارنالعان 15 قالالىق ستاسيونار، سونداي-اق 25 قالالىق جانە 17 وبلىستىق ماڭىزى بار پەرزەنتحانالار مەن پەريناتالدى ورتالىقتار اراسىندا بىردە-بىر ۇيىم ەڭ جوعارعى رەيتينگ العان جوق.

كلينيكالىق كورسەتكىشتەر بويىنشا جۇرگىزىلگەن باعالاۋ ناتيجەلەرى بويىنشا ەڭ جوعارعى كورسەتكىشتەرى بار ساناتقا – 5 جۇلدىز – 97 قالالىق ەرەسەكتەر ستاسيونارى، 9 وبلىستىق ەرەسەكتەر ستاسيونارى، 3 - وبلىستىق بالالار ستاسيونارى، 2 – عزي/ۇو كىردى. مساك ۇيىمدارىنىڭ ىشىندە 8 مەديسينالىق ۇيىم ەڭ ۇلكەن ناتيجەگە قول جەتكىزدى.

قالالىق ماڭىزى بار 25 پەرزەنتحانالار مەن پەريناتالدى ورتالىقتاردىڭ ىشىندە كلينيكالىق كورسەتكىشتەر بويىنشا 6 ۇيىمعا 5 جۇلدىز بەرىلدى: «جامبىل وبلىسى اكىمدىگى دەنساۋلىق ساقتاۋ باسقارماسىنىڭ قالالىق پەريناتالدىق ورتالىعى» شجق مكك، ماڭعىستاۋ وبلىسى دەنساۋلىق ساقتاۋ باسقارماسىنىڭ «جاڭاوزەن قالالىق پەرزەنتحاناسى» شجق مكك، الماتى قالاسى دەنساۋلىق ساقتاۋ باسقارماسىنىڭ «قالالىق پەريناتالدىق ورتالىعى» شجق مكك، «ايماقتىق اكۋشەرلىك-گينەكولوگيالىق ورتالىق» جشس، قوستاناي وبلىسى دەنساۋلىق ساقتاۋ باسقارماسىنىڭ «ارقالىق پەرزەنتحاناسى» كمك، قر دسم «اكۋشەريا، گينەكولوگيا جانە پەريناتولوگيا عىلىمي ورتالىعى» شجق رمك.

سونداي-اق، كلينيكالىق قىزمەتى بويىنشا 5 جۇلدىزعا 17 وبلىستىق پەريناتالدى ورتالىقتىڭ 6-ۋى قول جەتكىزدى: اقمولا وبلىسى دەنساۋلىق ساقتاۋ باسقارماسى جانىنداعى «پەريناتالدىق ورتالىق» شجق مكك، باتىس قازاقستان وبلىسىنىڭ اكىمدىگى دەنساۋلىق ساقتاۋ باسقارماسىنىڭ «وبلىستىق پەريناتالدىق ورتالىعى» شجق مكك، اقتوبە وبلىسى دەنساۋلىق ساقتاۋ باسقارماسىنىڭ «وبلىستىق پەريناتالدىق ورتالىعى» شجق مكك، قوستاناي وبلىسى دەنساۋلىق ساقتاۋ باسقارماسىنىڭ «قوستاناي پەريناتالدىق ورتالىعى» كمك، اتىراۋ وبلىسى دەنساۋلىق ساقتاۋ باسقارماسىنىڭ «اتىراۋ وبلىستىق پەريناتالدىق ورتالىعى» شجق كمك، قىزىلوردا وبلىسى دەنساۋلىق ساقتاۋ باسقارماسىنىڭ «وبلىستىق پەريناتالدىق ورتالىعى» مكقك.

قازىرگى ۋاقىتتا الەۋمەتتىك مەديسينالىق ساقتاندىرۋ قورى «حالىقتىق باقىلاۋ» موبيلدىك قوسىمشاسىن ىسكە قوستى، وندا ٴاربىر پاسيەنتتىڭ تمككك شەڭبەرىندە كورسەتكەن قىزمەتى ٴۇشىن مەديسينالىق ۇيىمعا ٴوز باعاسىن قويۋعا مۇمكىندىگى بار. وسىلايشا، وبەكتيۆتى كورسەتكىشتەر نەگىزىندە جاسالاتىن دسدرو-نىڭ جىل سايىنعى رەيتينگىنە قوسىمشا "حالىقتىق باقىلاۋ" موبيلدىك قوسىمشاسى جىل بويى پاسيەنتتەرمەن كەرى بايلانىس جاساۋدىڭ جىلدام ٴادىسى بولىپ تابىلادى.

دسدرو-نىڭ مەديسينالىق ۇيىمدار رەيتينگى – بۇل مەديسينالىق ۇيىمداردى قىزمەت كورسەتۋ ساپاسىن ۇزدىكسىز جوعارىلاتۋعا ىنتالاندىرۋ. تۇتىنۋشىلاردى اقپاراتتاندىرۋ ارقىلى سونداي-اق، ول پاسيەنتتەردىڭ سانالى تۇردە دارىگەردى نەمەسە مەديسينالىق ۇيىمدى تاڭداۋىنا مۇمكىندىك بەرەدى.

ەكونوميكالىق ىنتىماقتاستىق جانە دامۋ ۇيىمىنىڭ (ەىدۇ) قر دەنساۋلىق ساقتاۋ جۇيەسى تۋرالى 2018 جىلعى ەسەبىندە حالىقارالىق ساراپشىلار قىزمەت دسدرو جۇرگىزەتىن مەديسينالىق ۇيىمداردى رەيتينگتىك باعالاۋدى تۇتىنۋشىلاردى حاباردار ەتۋ جانە مەديسينالىق ۇيىمدار قىزمەتىنىڭ ايقىندىعىن ارتتىرۋ قۇرالى رەتىندە جوعارى باعالادى جانە قولدادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي