BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

دەنساۋلىق ساقتاۋ ۆيسە-مينيسترى: دارى-دارمەك باعاسىن رەتتەۋ – ۋاقىت تالابى

بۇگىن استانادا دارى-دارمەك جانە مەديسينالىق ماقساتتاعى بۇيىمداردىڭ باعاسىن رەتتەۋ بويىنشا زاڭناماعا وزگەرىس ەنگىزۋ ماسەلەسى بويىنشا دەنساۋلىق ساقتاۋ ۆيسە-مينيسترى الەكسەي سويدىڭ توراعالىعىمەن دوڭگەلەك ۇستەل ٴوتتى. دوڭگەلەك ۇستەل بارىسىندا تەگىن مەديسينالىق كومەكتىڭ كەپىلدى كولەمىندە ساتىلاتىن جانە جالپى مەديسينالىق مەكەمەلەردە، ٴدارىحاناداردا تىكەلەي ناۋقاستار ساتىپ الاتىن دارى-دارمەكتىڭ باعالارىن رەتتەۋ ماسەلەسى تالقىلاندى، دەپ حابارلايدى baq.kz ٴتىلشىسى.

ەلباسىنىڭ جولداۋىندا ايتقان دارى-دارمەك باعاسىن رەتتەۋدى زاڭداستىرۋ تۋرالى تاپسىرماسىنا بايلانىستى مەديسينالىق مەكەمەلەر، ديستريبيۋتەرلىك كومپانيا جانە دارىلىك زاتتاردى وندىتەرىن زاۋىت وكىلدەرى ٴوز ۇسىنىستارىن ايتتى.

«دارى-دارمەك باعاسىن رەتتەۋ – ۋاقىت تالابى. دارى-دارمەكتەر باعاسىن رەتتەۋ مۇمكىندىگى دارى-دارمەكتەر سياقتى الەۋمەتتىك ماڭىزى بار تاۋارلاردى الىپ-ساتۋمەن اينالىسۋدى بولدىرماۋعا سەبەپ بولادى»، - دەيدى الەكسەي سوي.

سونداي-اق، دوڭگەلەك ۇستەل بارىسىندا دارى-دارمەكتەردىڭ باعاسى ٴار ايماقتا ٴارتۇرلى ەكەنى ايتىلدى.

«ديستريبيۋتەرلىك باعالاردى قالىپتاستىرۋ ناتيجەسىندە وسىنداي ٴارتۇرلى باعالار پايدا بولادى. وسى ماسەلەنى رەتتەۋ، دارى-دارمەكتەر بارلىق وڭىردە ٴبىر باعادا ساتىلۋى ماقساتىندا دەنساۋلىق ساقتاۋ مينيسترلىگى دارى-دارمەكتەردى جەكەلەي جانە بولشەكتەپ ساۋدالاۋ بارىسىندا باعانى قاداعالاۋ ٴۇشىن بۇيرىقتىڭ جوباسىن ۇسىندى. وزدەرىڭىز كورىپ وتىرعانداي، بۇل ماسەلەگە قاتىستى كوپتەگەن سۇراقتار تۋىنداپ جاتىر»، - دەيدى «cك-فارماسيا» جشس باسقارما ٴتوراعاسىنىڭ مىندەتىن اتقارۋشى بەرىك ٴشارىپ.

ەگەر بۇل زاڭ جوباسى قابىلدانسا، وتاندىق قانا ەمەس، شەتەلدەن جەتكىزىلەتىن دارى-دارمەكتەردىڭ باعاسى دا رەتتەلەدى. دارى-دارمەكتەردىڭ باعاسى ونىڭ شىعارىلاتىن مەملەكەتىنە بايلانىستى بولمايدى. ياعني، ٴوز ەلىمىزدە وندىرىلگەن دارى-دارمەكتىڭ دە، شەتەلدە وندىرىلەتىن دارى-دارمەكتىڭ دە باعاسى بارلىق وڭىردە بىردەي بولماق.

«بىزدە ۇلتتىق دارى-دارمەكتى قاداعالاۋ ورتالىعى بار. ونىڭ سايتىندا بارلىق دارى-دارمەكتەردىڭ باعالارى اشىق تۇردە جازىلادى. ٴدارى ساتىپ الۋشى باعادا ايىرماشىلىق بار ەكەنىن بايقاسا، شاعىمدانۋىنا بولادى. ونداي جاعدايدا ٴدارىحاناعا ايىپپۇل سالىنادى نەمەسە باسقا دا شارالار قولدانىلادى»، - دەيدى ول.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي