BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

دەنساۋلىق ساقتاۋ مينيسترلىگى دارى-دارمەكتەردىڭ بولشەك باعاسىن رەتتەي باستايدى

فوتو: Kapital.kz

2019 جىلدان باستاپ دارى-دارمەك باعاسىن باقىلاۋ قوعامدىق مونيتورينگ جانە ۇكىمەتتىك ەمەس ۇيىمدار ارقىلى جۇزەگە اسىرىلاتىن بولادى، دەپ حابارلايدى baq.kz ٴتىلشىسى.

بۇل تۋرالى دەنساۋلىق ساقتاۋ ۆيسە-مينيسترى الەكسەي سوي ايتتى.

«ٴبىز بۇگىن سىزدەرگە دارى-دارمەكتەردىڭ باعاسىن رەتتەۋ نوبايىن كورسەتتىك. بۇرىن ٴبىز باعانى تەك كەپىلدى كولەمدە عانا، ياعني مەملەكەتتىك ساتىپ الۋلار ارقىلى عانا رەتتەيتىن بولساق، بولشەك ساۋدادا بىزدە مۇنداي قۇزىرەت بولماعان. مەملەكەت باسشىسى بىزگە بولشەك ساۋدا جەلىسىندە ساتىلاتىن دارى-دارمەكتەردىڭ باعاسىن رەتتەۋدى تاپسىرعان، ال ٴبىز رەتتەۋ ۇلگىسىن ۇسىنىپ وتىرمىز»، - دەيدى ول.

سونداي-اق، ول دارى-دارمەكتەر باعاسى قوعامدىق مونيتورينگ جانە ۇكىمەتتىك ەمەس ۇيىمدار ارقىلى باقىلاناتىنىن ايتتى.

«مۇنداي جاعدايدا ٴار ازامات ساتىپ العان ٴدارىنىڭ شەكتى باعاسى قانداي ەكەنىن بىلەدى، ياعني بۇل تۋرالى اقپارات سايتتا اشىق تۇردە جاريالانادى. ەگەر دارى-دارمەك باعاسىنا شاعىمدانعان جاعدايدا ول جەردە تەكسەرۋ جۇمىستارى جۇرگىزىلىپ، اكىمشىلىك جازا قولدانىلادى. قازىرگى ۋاقىتتا زاڭ جوباسى ماجىلىستە. 2019 جىلدىڭ 1 قاڭتارىندا اتالعان ٴنورماتيۆتى قۇجات كۇشىنە ەنەدى»، - دەيدى ول.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي