BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

دارىگەر: ٴبىز جۇمىسقا ناۋقاستى ٴولتىرۋ ٴۇشىن بارمايمىز

فوتو: Нұржас Жақсыбай

1 قىركۇيەك كۇنى №2 كوپبەيىندى قالالىق اۋرۋحانادا تاعى ٴبىر انا ٴولىمى تىركەلدى. بۇل – جىل باسىنان بەرى استانادا قايتىس بولعان بەسىنشى انا. استانا قالاسىنىڭ قوعامدىق دەنساۋلىق ساقتاۋ باسقارماسى باستىعىنىڭ ورىنباسارى ٴاليا رۇستەموۆا قالالىق اكىمدىكتە وتكەن بريفينگتە بولعان جاعدايدىڭ انىق-قانىعى مەن انا ٴولىمىنىڭ بولجامدى سەبەبىن ايتتى.

ٴاليا رۇستەموۆانىڭ ايتۋىنشا، انا قاعاناق سۋىمەن ەمبوليا بولۋىنا (قان تامىرىنىڭ بىلەتىپ قالۋى) بايلانىستى كوز جۇمعان.

«1 قىركۇيەك كۇنى ساعات 22:00 كەزىندە كۇنى №2 كوپبەيىندى قالالىق اۋرۋحانادا انا ٴولىمى تىركەلدى. الدىن الا قويىلعان دياگنوز – قاعاناق سۋىمەن ەمبوليا. 2 قىركۇيەك كۇنى بۇل دياگنوز راستالدى، دەگەنمەن بۇل ازىرگە بولجامدى دياگنوز عانا. ناقتى دياگنوز ٴبىر اپتا ىشىندە گيستولوگيالىق زەرتتەۋدەن كەيىن بەلگىلى بولادى»، - دەيدى رۇستەموۆا.

ونىڭ ايتۋىنشا، دۇنيە ٴجۇزى بويىنشا ەمبوليا – بوسانعان ايەلدەردىڭ كۇتپەگەن ٴولىمىنىڭ باستى سەبەپتەرىنىڭ ٴبىرى.

«بوسانعان ايەلدىڭ جۇرەگى توقتاعان كەزدە قۇرساقتاعى نارەستەنى امان الىپ قالۋ ٴۇشىن بىردەن كەسار تىلىگى جاسالدى. ٴسابيدىڭ ٴومىرىن قۇتقارىپ ۇلگەردىك. ٴسابيدىڭ جاعدايى قالىپتى اۋىر جاعدايدا، دەگەنمەن ول قۇتقارىلدى جانە ٴومىر سۇرەتىن بولادى»، - دەيدى ول.

ول ٴار دارىگەر ناۋقاستىڭ ٴومىرى ٴۇشىن كۇرەسەتىنىن، قولدان كەلگەننىڭ ٴبارىن جاسايتىنىن، دارىگەرلەردىڭ ەڭبەگىن وسىنداي ساناۋلى قايعىلى جاعدايلارمەن ولشەۋگە بولمايتىنىن ايتتى.

«دارىگەرلەر جۇمىسقا ناۋقاستى ٴولتىرۋ ٴۇشىن بارمايدى»، - دەدى ول.

استانا قالاسىنىڭ دەنساۋلىق ساقتاۋ باسقارماسىنىڭ شتاتتان تىس اكۋشەر-گينەكولوگى يۆان كوركان بۇل جاعدايعا اۋرۋحانا دارىگەرلەرىن كىنالاۋ دۇرىس ەمەس ەكەندىگىن ايتتى.

«بۇل جاعدايعا دارىگەرلەردى كىنالاۋ – دۇرىس ەمەس. قازىرگى ۋاقىتتا بوسانۋ جاسىنداعى دەنساۋلىق جاعدايى جاقسى، بالا تۋۋعا قابىلەتتى ايەلدەر 15 پايىز عانا. قالعان ايەلدەردىڭ دەنساۋلىق جاعدايى جاقسى ەمەس جانە ول جۇكتىلىك كەزىندە كەرى اسەر ەتۋى مۇمكىن»، - دەيدى ول.

سونداي-اق، اكۋشەر-گينەكولوگ اتالعان دياگنوزعا 10-15 مىڭ جۇكتى ايەلدىڭ ٴبىرى عانا توپ بولاتىنىن جانە ونىڭ الدىن الا بولجاپ ٴبىلۋ مۇمكىن ەمەس ەكەنىن ايتتى.

«وسى دياگنوزعا تاپ بولعان ايەلدەردىڭ 90 پايىزى كوز جۇمادى. بۇل – الەمدىك ستاتيستيكا. ەشبىر دارىگەر الدىنا كەلگەن ناۋقاستىڭ كوز جۇمعانىن قالامايدى، سوندىقتان مۇنداي جاعدايدار دارىگەرلەر ٴۇشىن دە اسا قايعىلى جاعداي»، - دەيدى يۆان كوركان.

ەسكە سالا كەتسەك، بيىل ماۋسىم ايىنان باستاپ اتالعان جاعدايدى قوسپاعاندا استانادا ٴتورت انا ٴولىمى تىركەلدى. ماۋسىم ايىنىڭ اياعىندا استانانىڭ سول جاعالاۋىنداعى پەريناتالدى ورتالىقتا ەكى انا بوسانۋ ۇستىندە كوز جۇمدى. قايتىس بولعان انالاردىڭ سابيلەرىنىڭ ٴومىرىن امان ساقتاپ قالدى.

2 شىلدە كۇنى استاناداعى №1 پەريناتالدى ورتالىقتا تاعى ٴبىر انا كوز جۇمسا، 16 شىلدە كۇنى №2 پەريناتالدى ورتالىقتا تاعى ٴبىر انا بوسانۋ بارىسىندا كوز جۇمدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي