BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

بۇگىن دۇنيەجۇزىلىك گەپاتيتكە قارسى كۇرەس كۇنى ەكسكليۋزيۆ

جىل سايىن 28 شىلدە كوپتەگەن ەلدەردە دۇنيەجۇزىلىك گەپاتيتكە قارسى كۇرەس كۇنى رەتىندە اتالادى. ٴدال وسى كۇنى ۆ گەپاتيتى ۆيرۋسىن اشقان امەريكالىق دارىگەر، نوبەل سىيلىعىنىڭ لاۋرەاتى بارۋح ساميۋەل بلۋمبەرگ دۇنيەگە كەلگەن. ەڭ العاش رەت بۇل كۇن حالىقارالىق گەپاتيتكە قارسى كۇرەس جونىندەگى اليانس باستاماسى بويىنشا اتالىپ ٴوتتى. ال 2011 جىلى دۇنيەجۇزىلىك دەنساۋلىق ساقتاۋ ۇيىمى بۇل داتانى قز كۇنتىزبەسىنە ەنگىزىپ، دۇنيەجۇزىلىك گەپاتيتكە قارسى كۇرەس كۇنى رەسمي مارتەبەگە يە بولدى، دەپ حابارلايدى baq.kz ٴتىلشىسى.

ٴدال وسى كۇنى ددۇ الەم ەلدەرىندەگى مەديكتەردى ۆيرۋستى گەپاتيت جايىندا حالىققا اقپارات بەرەتىن تانىمدىق اكسيالار وتكىزۋگە شاقىرادى. سەبەبى، دارىگەرلەردىڭ ايتۋىنشا، پروفيلاكتيكالىق شارالار – دياگنوستيكا جانە گەپاتيتكە قارسى ۆاكسينا جۇرگىزۋدىڭ ماڭىزى زور. گەپاتيت ۆيرۋستارى ادامزات دەنساۋلىعىنا تونەتىن قاۋىپتەردىڭ نەگىزگى فاكتورلارى بولىپ سانالادى.

ددۇ مالىمەتى بويىنشا، الەمدەگى شامامەن 2 ميلليارد ادام، ياعني، جەرشارىنىڭ ٴاربىر ٴۇشىنشى تۇرعىنى گەپاتيتكە شالدىققان. كەيبىر ەلدەردە ا گەپاتيتىمەن حالىقتىڭ باسىم بولىگى اۋىرعان بولسا، ٴاربىر ونىنشى تۇرعىن ۆ جانە س گەپاتيتتەرىنىڭ تاسىمالداۋشىلارى بولىپ تابىلادى.

«ۆيرۋستى گەپاتيت اۋرۋىنا شالدىققان ادامداردىڭ كوبىسى ەسەپكە تۇرعىلارى كەلمەيدى. بالكىم ولار ول اقپارات كوپكە تاراپ كەتەدى دەپ قورقاتىن بولۋى كەرەك. قورقاتىن ەشتەڭەسى جوق. سەبەبى، بۇل اقپارات قاتاڭ تۇردە قۇپيا ساقتالادى. ٴتىپتى، ٴبىز ۆيرۋستى گەپاتيتتىڭ جاڭا وشاعىن انىقتاعان جاعدايدا دا ول جايىندا اقپاراتتى تەك سانيتارلىق-ەپيدەميولوگيالىق ورتالىققا عانا جىبەرەمىز. سەبەبى، ولار ورىن العان ٴاربىر جاعدايدى تىركەۋگە الادى. ال بۇل ٴوز كەزەگىندە رەسپۋبليكا بويىنشا ستاتيستيكانى انىقتاۋعا مۇمكىندىك بەرەدى»، - دەدى استاناداعى گەپاتولوگيا ورتالىعىنىڭ باسشىسى كۇنسۇلۋ شامسيۆاليەۆا.

ورتالىق باسشىسى ادامدار ۆيرۋستى گەپاتيت اعزانى ابدەن زاقىمداپ، ونىڭ سالدىرانىن باۋىر سيرروزى سەكىلدى اسقىنۋلار تۋىنداعان جاعدايدا عانا دارىگەرگە قارالۋى ٴجيى كەزدەسەتىن وكىنىشتى جاعداي ەكەنىن ايتادى.

«وزدەرىندە گەپاتيت اۋرۋى بار ەكەنىن ٴبىلىپ، ۋاقىتىندا دارىگەرگە قارالماعان ادامدار بۇل ارەكەتىمەن اۋرۋدى قاتتى اسقىندىرىپ الادى. جالپى، گەپاتيت ۆيرۋسى ادام اعزاسىنا تۇسكەن ۋاقىتتان باستاپ اۋرۋدىڭ تۋىنداۋىنا دەيىن ۇزاق ۋاقىت ٴوتۋى مۇمكىن. ياعني، اتالعان ۆيرۋس ادام اعزاسىندا بولعانىمەن، ول ادام ٴوزىن جاقسى سەزىنۋى، ەشقانداي اۋرۋ بەلگىلەرى بولماۋى ابدەن ىقتيمال. وكىنىشكە قاراي، گەپاتيتتىڭ العاشقى بەلگىلەرىن انىقتاۋ دا مۇمكىن ەمەس. سەبەبى، تەك ۆيرۋستى گەپاتيتكە ٴتان سيمپتومدار جوق. ەگەر، ادامنىڭ تەمپەراتۋرا كوتەرىلىپ، جاۋىرىناستى ايماعى اۋىرسا، جوتەل بولسا، وكپە قابىنۋى، ال، تاماعى اۋىرسا، باسپا ەكەنىن انىقتاي الامىز. ال ۆيرۋستى گەپاتيتتى ماقساتتى تۇردە تەكسەرۋدەن وتكىزبەسەك، انىقتاي المايمىز. وسى ورايدا ايتا كەتۋ كەرەك، ۆيرۋستى گەپاتيتكە شالدىققانداردى ەمدەۋ جانە بۇل اۋرۋدىڭ الدىن الۋعا ارنالعان مەملەكەتتىك باعدارلامالار بار. سايكەسىنشە، ەگەر، ازاماتتار بۇل اۋرۋدى انىقتاعاننان كەيىن باستاپقى ساتىسىندا كەلىپ ەمدەلسە، ولاردىڭ ەم-دومىنا جۇمسالاتىن مەملەكەت قاراجاتى دا از بولار ەدى. اۋرۋ اسقىنعان سايىن ونىڭ شىعىنى دا ۇلعايادى»، - دەگەن ول باۋىر سيرروزى ورگان الماستىرۋدى قاجەت ەتەتىنىن، سول سياقتى، اي سايىن ستاسيوناردا جاتۋ قاجەتتىلىگى تۋىندايتىنىن ايتتى.

ينفەكسيونيست دارىگەردىڭ ايتۋىنشا، ادامداردىڭ بارلىعىندا ۆيرۋستى گەپاتيت جۇقتىرۋ ٴقاۋپى بار جانە ەشكىم ودان ساقتاندىرىلماعان. وسى ورايدا، قازاقستاندا 1998 جىلدان بەرى ۆ گەپاتيتىنە قارسى ۆاكسينالاۋ جۇرگىزىلىپ كەلەدى. سوندىقتان، 1998 جىلدان بەرى قاراي دۇنيەگە كەلگەن بالالاردا بۇل گەپاتيتكە قارسى يممۋنيتەت بار كورىنەدى.

«جالپى، ٴاربىر ادام مەديسينالىق تۇرعىدان ٴوز مارتەبەسىن ٴبىلۋى كەرەك. سوندىقتان، يممۋندىق-فەرمەنتتى تالداۋ جاساپ، اعزاسىندا ۆيرۋستى گەپاتيتتىڭ بار-جوعىن انىقتاۋى كەرەك. ٴبىزدىڭ ەلدە مەديسينالىق قىزمەتكەرلەر، جۇكتى ايەلدەر، قان دونورلارى سەكىلدى بەلگىلى ٴبىر دەكرەتتەلگەن توپتار بار. ولار مىندەتتى تۇردە اتالعان تالداۋ جاسايدى جانە ۆيرۋستى گەپاتيتكە تەكسەرۋدەن وتەدى»، - دەدى مامان.

كۇنسۇلۋ شامسيۆاليەۆانىڭ ايتۋىنشا، ەلدە ۆيرۋستى گەپاتيتكە شالدىققاندار سانىنىڭ ارتۋى ەپيدەميانىڭ تۋىنداۋىنا ەمەس، بۇل ۆيرۋستى انىقتاۋ جولدارى مەن ورىندارى ارتقانىنا بايلانىستى انىقتالىپ وتىرعان جايت.

«ٴبىزدىڭ ەلىمىزدە ۆيرۋستى گەپاتيت ەپيدەمياسى بار دەپ ايتا المايمىن. بار بولعانى، جىل سايىن زەرتحانالىق دياگنوستيكا جاقسارىپ كەلەدى. جاڭا اپپاراتتار، يممۋندىق-فەرمەنتتى، يممۋندى حەميليۋمينەسسەنتتى تالداۋلار پايدا بولۋدا. قازىرگى ۋاقىتتا ادام فاكتورىن قولدانۋدى قاجەت ەتپەيتىن، ياعني، تۇتىكشەلەردى اۆتومات ٴوز بەتىنشە ورنالاستىرىپ، تالداۋ ناتيجەسىن ۇسىناتىن اپپاراتتار دا بار. ياعني، گەپاتيتتى تەكسەرەتىن بۇرىندا تەك ۆيرۋسولوگيالىق سەس زەرتحاناسى عانا بولسا، ٴقازىر ەلىمىزدە جەكەمەنشىك ينۆيۆو، ينۆيترو، وليمپ سەكىلدى زەرتحانالار دا جەتىپ ارتىلادى. سول سياقتى، رەسپۋبليكالىق دياگنوستيكا ورتالىعى، پرەزيدەنتتىك ەمحانا زەرتحانالارى دا بار. اۋرۋعا شالدىققاندار سانى ارتتى دەي المايمىن. تەك سول دەكرەتتەلگەن كونتينگەنتتەر اياسى كەڭەيىپ، ٴبىز بۇل اۋرۋعا شالدىققانداردى كوپتەپ انىقتاي الۋدامىز. سوندىقتان، گەپاتيتكە شالدىققاندار سانى ارتتى ما، جوق پا دەگەن ماسەلەدە زەرتحانالىق دياگنوستيكانىڭ جاقسارا تۇسكەنىن باسىپ ايتۋعا بولادى»، - دەپ ٴتامامدادى گەپاتولوگ مامان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي