BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

برايل شريفتىمەن جازىلعان العاشقى اقپاراتتىق پاراقشا اقتوبەلىك زاعيپتارعا تاراتىلدى  

فوتو: интернеттен

اقتوبەدە زاعيپ جانداردىڭ ماسەلەسىن تىڭداپ جاتقان جان جوق. «شەنەۋنىكتەر پاندۋستان ٴارى اسا الماي ٴجۇر» دەيدى اقتوبە وبلىستىق زاعيپتار قوعامىنىڭ ٴتوراعاسى ەلتاي قىلىشبايەۆ. اقتوبەلىك كوزى كورمەيتىن جاندار العاش رەت برايل شريفتىمەن جازىلعان اقپاراتتىق پاراقشالاردى قولدارىنا الدى، دەپ حابارلايدى baq.kz ايماقتاعى ٴتىلشىسى.

اقتوبەدەگى زاعيپ جانداردىڭ قولىنا برايل شريفتىمەن جازىلعان العاشقى اقپارات پاراقشاسى جۋىردا عانا ٴتيىدى. اقپاراتتىق بۋكلەت شىمكەنتتە جاسالعان. كوزى كورمەيتىندەر ٴۇشىن مۇنى قر مەملەكەتتىك قىزمەت ىستەرى جانە سىبايلاس جەمقورلىققا قارسى ٴىس-قيمىل اگەنتتىگىنىڭ وبلىستىق دەپارتامەنتىنىڭ قىزمەتكەرلەرى تاپسىرىسپەن الدىرتقان.

«اقپاراتتىق پاراقشادا مەملەكەتتىك قىزمەت تۇرلەرى، ولاردى الۋ شارتتارى، مۇمكىندىگى شەكتەۋلى ازاماتتاردىڭ مۇددەلەرى مەن قۇقىقتارى برايل قارىپتەرىمەن جازىلعان. دەپارتامەنت مۇمكىندىگى شەكتەۋلى جاندار ٴۇشىن ارنايى تاپسىرىسپەن الدىرتتى. الدا اۋداندارعا دا بارامىز»، - دەدى وبلىستىق مەملەكەتتىك قىزمەت ىستەرى جانە سىبايلاس جەمقورلىققا قارسى ٴىس-قيمىل دەپارتامەنتىنىڭ باس مامانى يسلام الپىسبايەۆ.

مۇنداي اقپاراتتىق بۋكلەتتەر زاعيپتار جۇگىنەتىن ٴار مەكەمەدە بولۋى شارت. الايدا، برايل شريفتىمەن قاعازداردى شىعاراتىن كومپانيالار تەك شىمكەنت، ورال، وسكەمەن، استانا، الماتى قالالارىندا جۇمىس جاسايدى. اقتوبەدە ارنايى تيپوگرافيا جوق. زاعيپتار شەنەۋنىكتەردىڭ ارباعا تاڭىلعانداردىڭ ماسەلەسىنەن ٴارى اسا الماي جاتقاندارىنا ناليدى.

"ٴبىز سەكىلدى سوقىرلارعا قىزمەت الۋ ىڭعايلى بولسا دەيمىز. كوپ قاباتتى تۇرعىن ۇيلەردە تايانىش دەگەن بولادى. سوعان سۇيەنىپ ٴجۇرىپ كەلە جاتساڭ شەگەلەرى شىعىپ تۇرادى. سوعان قولىمىزدى جىرامىز. ٴبىزدىڭ شەنەۋنىكتەر كوبىنەسە پاندۋستى اڭگىمەلەپ كەتەدى. سوعان تىرەلەدى دە باسقاسىن ۇمىتىپ كەتەدى. ال، مەملەكەتتىك قىزمەت كورسەتۋدى ايتاتىن بولساق، حالىققا قىزمەت كورسەتۋ ورتالىعىنا بارساق، كىرەبەرىستە وتىراتىن قىز بالا قولىڭا تالوندى ۇستاتادى دا «جوعارىداعى ەكراندى قاراپ وتىر» دەيدى. كەزەگىڭدى كۇتىپ. مەنىڭ كوزىم كورمەسە قالاي وعان قاراپ وتىرامىن. «قاسىڭىزداعى ادامىڭىز قايدا نەمەسە باستىققا بار» دەيدى. ٴوزىم ارەڭ جۇرگەندە باستىعىن قايدان تابامىن"،-دەدى وبلىستىق زاعيپتار قوعامىنىڭ ٴتوراعاسى ەلتاي قىلىشبايەۆ.

«ماسەلە كوپ. قاسىمىزدا جەكە كومەكشىلەرىمىز بولعاندىقتان ماسەلە دەپ تە قاراۋعا ۇيالامىز. دەگەنمەن، ساۋ ادامدارمەن بىرگە كەزەكتە كوپ تۇرامىز. كەيدە مەملەكەتتىك قىزمەت وكىلدەرىنەن تالاپقا ساي قىزمەت الا الماي جاتاسىڭ. قانداي دا ٴبىر قىزمەتتى الۋ ٴۇشىن ۇلكەن ەڭبەك پەن قاجىردىڭ قاجەتتىلىگى بولادى. زاعيپتارعا كورسەتىلەتىن قىزمەتتى ٴالى دە دامىتۋ كەرەك. جاعداي جاسالۋ كەرەك دەپ ويلايمىن»، - دەيدى «قازاق سوقىرلار قوعامى» قوعامدىق بىرلەستىگى كورپوراتيۆتىك قورىنىڭ پرەزيدەنتى گۇلشارا جالعاسوۆا.

وڭىردە جانارىنان ايىرىلعان 800-دەن استام 1، 2 توپ مۇگەدەكتەرى بار. حالىققا قىزمەت كورسەتۋ ورتالىعىنىڭ وكىلى اسەل مۇستافينانىڭ سوزىنشە، زاعيپتار ٴوتىنىش بىلدىرسە، ماماندار ۇيلەرىنە بارىپ، قىزمەت كورسەتەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي