BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

اتىراۋدا ەمحاناعا تىركەلۋ باستالدى

ناۋقان 15 قىركۇيەكتەن 15 قاراشاعا دەيىن جالعاسادى. بۇل تۋرالى بۇگىن وكق وتكەن ٴباسپاسوز جيىنىندا اتىراۋ وبلىستىق دەنساۋلىق ساقتاۋ باسقارماسى مەن «ٴامسق» كەاق اتىراۋ وبلىسى بويىنشا فيليالىنىڭ باسشىلارى باياندادى، دەپ حابارلايدى baq.kz اقپارات اگەنتتىگى.

2018 جىلدىڭ 15 قىركۇيەگىندە «الەۋمەتتىك مەديسينالىق ساقتاندىرۋ قورى» كوممەرسيالىق ەمەس اكسيونەرلىك قوعامى اتىراۋ وبلىسى بويىنشا فيليالى جىل سايىنعى حالىقتى ەمحانالارعا تىركەۋ ناۋقانىن باستادى.

"وبلىس بويىنشا 624 مىڭ ادام ەمحانالاردا تىركەۋدە تۇر. وتكەن جىلعى تىركەۋ ناتيجەسىندە 1725 ادام ىشكى تىركەۋگە تۇرسا، باسقا وڭىرلەردەن كەلگەن 579 ادام ەمحانالارعا تىركەلدى. قازىرگى تاڭدا حالىققا ىڭعايلى جاعداي جاسالعان. ٴار ازامات ٴوز ەركى بويىنشا ەمحانا تاڭداۋ قۇقىعىنا يە. اتالعان تىركەۋ ناۋقانىندا ەمحانادا تىركەلمەگەن تۇرعىندار تىركەۋگە تۇرىپ، جۇمىس ورنى،تۇرعىلىقتى جەرى نەمەسە وقۋ ورنىن اۋىستىرعان ازاماتتار ەمحانانى اۋىستىرا الادى. تۇرعىلىقتى مەكەن-جايىنا جاقىن ورنالاسقان ەمحاناعا تىركەلۋ تۇرعىندار ٴۇشىن دە، دارىگەرلەر ٴۇشىن دە قولايلى بولادى. تۇرعىنداردان ناۋقانعا بەلسەندى قاتىسۋلارىن سۇرايمىز"،- دەيدى فيليال ديرەكتورى بايتوللا عازيزوۆ.

سونىمەن قاتار، قازىرگى تاڭدا وبلىستا قوسىمشا ۋچاستكەلىك ەمحانالار سانى ارتقان. وبلىستىق دەنساۋلىق ساقتاۋ باسقارماسىنىڭ باسشىسى مانشۇك ايمۋرزيەۆانىڭ ايتۋىنشا، جاڭا ۋچاستكەلەردىڭ اشىلۋى وتە ٴتيىمدى.

"زاڭ بويىنشا ٴبىر تاجىريبەلى دارىگەر ەسەبىندە تۇراتىن حالىق سانى 1700-دەن اسپاۋى كەرەك. وتكەن جىلى وبلىس بويىنشا ٴبىر تاجىريبەلى دارىگەرگە 2560 ادامنان كەلسە، بۇگىنگە دەيىن جاڭا بولىمشەلەر اشىلىپ، تىركەلگەن ادام سانىن 2200-گە تۇسىردىك. قازىرگى تاڭدا جىل سوڭىنا دەيىن تاعى 35 دارىگەرلىك بولىمشەنى اشۋدى جوسپارلاپ وتىرمىز. ناتيجەسىندە 1 دارىگەرگە 1850 ادامنان تىركەلەتىن بولادى"،- دەيدى باسقارما باسشىسى.

ەمحاناعا تىركەۋدىڭ ٴۇش ٴتۇرلى جولى بار:
- تاڭداپ العان ەمحاناعا تىكەلەي بارۋ،
- ەلەكتروندى ۇكىمەت پورتالى ارقىلى ونلاين رەجيمىندە،
- حالىققا قىزمەت كورسەتۋ ورتالىقتارىنداعى connection point ٴبولىمى ارقىلى.

ەمحانالارعا تىركەلۋ ٴۇشىن تۇرعىندار جەكە ٴتول قۇجاتى مەن ەمحانانىڭ باس دارىگەرى اتىنا ٴوتىنىشىن تاپسىرادى. ال، ٴوزى تاڭداعان ەمحاناعا اۋىسقىسى كەلەتىندەر ٴۇشىن جەكە كۋالىك جەتكىلىكتى. باسقا قالالاردان نەمەسە مەملەكەتتەن كەلگەندەر ٴۇشىن بۇرىنعى تىركەۋ ورنىنان انىقتاما تالاپ ەتىلەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي