BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

استانادا تمككك شەڭبەرىندە ٴبىرقاتار مەديسينالىق قىزمەتتەر تەگىن كورسەتىلەدى

الەۋمەتتىك مەديسينالىق ساقتاندىرۋ قورىنىڭ استانا قالاسى بويىنشا فيليالى جىل باسىنان بەرى جوعارى تەحنولوگيالىق مەديسينالىق قىزمەتتەر ٴۇشىن 13،3 ملرد تەڭگە تولەدى. تولەم كولەمى اتالعان قىزمەتتەردى كورسەتەتىن استانالىق مەديسينا قىزمەتتەرىن جەتكىزۋشىلەردىڭ جىلدىق قارجىلاندىرۋ جوسپارىنىڭ 61% قۇرايدى، دەپ حابارلايدى baq.kz اقپارات اگەنتتىگى.

ستاسيونارلىق جانە ستاسيونارالماستىرۋشى جتمق پاسيەنتتەر ٴۇشىن جەرگىلىكتى جانە رەسپۋبليكالىق دەڭگەيدەگى مەديسينالىق مەكەمەلەردە ۇسىنىلادى. بۇل قىزمەتتەر كەپىلدەندىرىلگەن تەگىن مەديسينالىق قوىزمەتتەر كولەمىنە كىرەدى. وسىلايشا، ەگەر ادام سىرقاتتانىپ قالعان جاعدايدا، قىمبات تۇراتىن تەحنولوگيالىق دياگنوستيكا مەن ەمدى قاجەت ەتەتىن بولسا، وندا ول تۇرعىلىقتى جەرىنە قاراماستان مەملەكەت ەسەبىنەن كەرەك مەديسينالىق كومەكتى الا الادى.

- كۆوتا – مەملەكەت ەسەبىنەن قىمبات پروسەدۋرالاردى، جابدىقتار مەن باسقا دا مەديسينالىق كومەكتى قولدانۋدى قاجەت ەتەتىن دياگنوستيكا مەن ەمگە كەپىل بەرەتىن قۇجات. جوعارى تەحنولوگيالىق مەديسينالىق قىزمەت شەڭبەرىندە كوپتەگەن كۇردەلى ەستۋ قابىلەتىن جاقسارتاتىن وپەراسيالار، كوحلەارلى يمپلانتاسيا، ترانسپلانتولوگيالىق وپەراسيالار، لاپاروسكوپيالىق جانە ميكروحيرۋرگيالىق وپەراسيالار، بۋىنداردى الماستىرۋ، كارديوحيرۋرگيالىق وپەراسيالار جانە تاعى دا باسقالارى جاسالادى، - دەپ ٴامسق استانا قالاسى بويىنشا فيليالى ديرەكتورىنىڭ ورىنباسارى ا.امانگەلديەۆ اتاپ ٴوتتى.

كۆوتا بويىنشا اۋرۋحاناعا جاتقىزۋ جوسپارلى تۇردە جاسالادى. جوعارى تەحنولوگيالىق مەديسينالىق قىزمەتتەردى كورسەتۋگە جولدامانى جەرگىلىكتى دەڭگەيدەگى ەمحانانىڭ نەمەسە اۋرۋحانانىڭ مامانى بەرەدى. جولداما گوسپيتاليزاسيالار بيۋروسىنىڭ پورتالىندا ناۋقاستىڭ تاڭداعان مەديسينالىق ۇيىمىن ەسەپكە الا وتىرىپ تىركەلەدى. ەگەر دە جەرگىلىكتى جەردە جتمقپەن قامتاماسىز ەتۋ مۇمكىندىگى بولماسا، وندا ناۋقاستى جوسپارلى تۇردە اۋرۋحاناعا جاتقىزۋ ماسەلەسىن رەسپۋبليكالىق دەڭگەيدەگى كوميسسيا قاراستىرادى.

- كۆوتا الۋ ٴۇشىن ناۋقاس الدىمەن تۇرعىلىقتى جەرىندەگى ۋچاسكەلىك دارىگەرگە جۇگىنۋى كەرەك. سودان كەيىن ول سالالىق مامانداردىڭ قابىلدانۋىنا بارادى. كونسۋلتاسيا مەن ساراپتامادان وتكەننەن كەيىن پاسيەنت نۇسقاۋ بويىنشا ستاسيونارلىق ەمگە جىبەرىلەدى. ناۋقاستىڭ جولداماسى پورتالعا تىركەلەدى، ناۋقاستى اۋرۋحاناعا جاتقىزۋ كۇنى قوسىمشا حابارلانادى، - دەيدى ا.امانگەلديەۆ.

ٴمامس ٴبىرىنعاي ۇلتتىق دەنساۋلىق ساقتاۋ جۇيەسىنىڭ بولىگى بولىپ تابىلادى جانە ەكى نەگىزگى قاعيدانى قامتاماسىز ەتۋگە ارنالعان: پاسيەنتكە مەديسينالىق ۇيىمدى ەركىن تاڭداۋ مۇمكىندىگىن بەرۋ جانە جوسپارلى گوسپيتاليزاسيا كەزىندە ۇسىنىلاتىن مەديسينالىق قىزمەتتەرمەن قامتاماسىز ەتۋ. ەستەرىڭىزگە سالا كەتسەك، مىندەتتى مەديسينالىق ساقتاندىرۋ جۇيەسىن ەنگىزۋ 2020 جىلعا دەيىن شەگەرىلدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي