BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

استانادا 7 مىڭنان استام ادام گەپاتيت ىندەتىنە شالدىققان

2017 جىلدىڭ ستاتيستيكالىق دەرەكتەرىنە سۇيەنەتىن بولساق، استانا قالاسىندا گەپاتيت اۋرۋىنا شالدىققان 7005 ادام تىركەلدى: ونىڭ ٴ95-ى بالا (ٴارتۇرلى جاستاعى بالالار مەن جاسوسپىرىمدەر) جانە 6910-ى ەرەسەك ادام، دەپ حابارلايدى baq.kz اقپارات اگەنتتىگى.

ادام اعزاسىنداعى ەڭ ماڭىزدى قىزمەتتەردىڭ ٴبىرىن باۋىر اتقاراتىنى بەلگىلى. باۋىر ادام اعزاسىنىڭ حيميالىق زەرتحاناسى بولىپ سانالادى، ويتكەنى قاندى تازارتۋ مەن ۋلى زاتتاردان ارىلتۋعا كومەكتەسەتىن باستى ىشكى مۇشەلەردىڭ قاتارىنا جاتادى. 300 ميللياردقا جۋىق باۋىرداعى جاسۋشا قاننان اعزاعا قاجەتتى قىشقىلدار مەن قورەك بولار ونىمدەردى ٴبولىپ الىپ، سۇزگىدەن وتكىزىپ، قاجەتتى جەرىنە جەتكىزىپ وتىرادى.

گەپاتيت نەمەسە سارى اۋرۋ – گەپاتيت ۆيرۋستارى مەن ينفەكسيالاردان بولاتىن باۋىردىڭ وتكىر جانە سوزىلمالى قابىنۋ اۋرۋلارى. گەپاتيتتىڭ ا، ۆ، س، d جانە e تۇرلەرى بارى بەلگىلى. ولاردىڭ ٴارقايسىسىنىڭ ٴوز ەرەكشەلىكتەرى بار.

گەپاتيت كوبىنەسە سيمپتومسىز وتەدى نەمەسە باسقا اۋرۋلاردىڭ سيمپتومدارىنا ۇقساس كەلەتىندىكتەن، دياگنوزدى دەر كەزىندە قويۋ قيىن. سونىسىمەن گەپاتيت ٴقاۋىپتى اۋرۋ بولىپ سانالادى. اسقىنۋىنىڭ سالدارىنان باۋىر سيرروزى، باۋىر ىسىگى، فيبروز سياقتى ٴقاۋىپتى سىرقاتقا الىپ كەلەدى.

گەپاتيت ۆيرۋستارى لاستانعان تاعامدار مەن سۋ پايدالانۋ، انتيسانيتارلىق جاعدايدا ٴومىر ٴسۇرۋ، ۆيرۋس جۇققان قاندى قۇيۋ، بوسانۋ كەزىندە جۇقتىرۋ، جىنىستىق قاتىناس، اعزاعا ۋلى زاتتاردىڭ ٴتۇسۋى، جەكە گيگيەنا تالاپتارىن ساقتاماۋ سياقتى ٴتۇرلى جولدار ارقىلى بەرىلەدى. ال ۆيرۋستان قورعانۋدىڭ ەڭ باستى جولى – اۋرۋدىڭ الدىن الۋ، ياعني جەكە تازالىقتى ساقتاۋ، تازا اۋىز سۋدى تۇتىنۋ، ٴقاۋىپسىز جىنىستىق بايلانىس، ناشاقورلىق قۇرالداردى قولدانۋدان باس تارتۋ، كوسمەتيكالىق شارالاردى ارنايى مەكەمەلەردە جاساتۋ، ينەكسيا ٴۇشىن ٴبىر رەتتىك ينە مەن ٴشپريستى قولدانۋ، قان ونىمدەرىنىڭ قاۋىپسىزدىگىن قامتاماسىز ەتۋ، ۆاكسيناسيا جاساۋ.

- يممۋنداۋ شاراسى جىل سايىن 2-3 ميلليون ادامنىڭ ٴومىرىن ساقتاپ قالۋعا مۇمكىندىك بەرەدى. قازاقستاندا سوڭعى 25 جىلدا جاپپاي ەكپە جاساۋ ناتيجەسىندە ۆ گەپاتيتىمەن اۋىرعان بالالار سانى 1234،5، ەرەسەكتەر سانى 311،5 ەسە ازايعان. قازىرگى تاڭدا گەپاتيتتەن قورعانۋدىڭ ەڭ ٴتيىمدى جولى – ەكپە سالدىرۋ. بۇل رەتتە مەملەكەت كەپىلدەندىرىلگەن تەگىن مەديسينالىق كومەك پاكەتى ارقىلى ازاماتتارعا ٴقاۋىپتى اۋرۋلاردىڭ، سونىڭ ىشىندە، گەپاتيتتىڭ الدىن الۋعا زور مۇمكىندىك بەرەدى»، - دەدى «ٴامسق» كەاق استانا قالاسى بويىنشا فيليالىنىڭ ديرەكتورى ن.قابدىقاپاروۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي