BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ۆيسە-مينيستر الماتىدا جەدەل جاردەم پاسيەنتكە نەلىكتەن ۇزاق جەتەتىنىن ايتتى ەكسكليۋزيۆ

فوتو: ашық дереккөзден

بۇگىن قر دەنساۋلىق ساقتاۋ ۆيسە-مينيسترى ٴلاززات اقتايەۆا facebook جەلىسىندە ونلاين-قابىلداۋ وتكىزىپ، ازاماتتاردىڭ سۇراقتارىنا جاۋاپ بەردى، دەپ حابارلايدى baq.kz ٴتىلشىسى.

الماتى تۇرعىنى قالاداعى جەدەل جاردەم قىزمەتى تۋرالى ماسەلە قوزعادى. ول جەدەل جاردەم پاركى مەن قىزمەتكەرلەر قۇرامىن جاڭارتۋ كەرەكتىگىن ايتتى.

«جالپى العاندا، مەگاپوليس، مىسالى، الماتى قالاسى بىرىنشىدەن حالىق سانىنىڭ كوپتىگىمەن، ەكىنشىدەن اۆتوماشينانىڭ كوپتىگى سالدارىنان ينتەنسيۆتى ترافيكپەن ەرەكشەلەنەدى. جەدەل جاردەم كولىگىنىڭ جەتۋ جىلدامدىعى وسىعان بايلانىستى. جالپى، تەك الماتىدا ەمەس، بۇكىل ەلدە جەدەل كومەك كورسەتۋ جۇمىسىن جەتىلدىرۋ ٴۇشىن وتكەن جىلى دەنساۋلىق ساقتاۋ ٴمينيسترىنىڭ «جەدەل جاردەم جۇمىسىن جاقسارتۋ تۋرالى» بۇيرىعى شىققان بولاتىن»، - دەدى ٴلاززات اقتايەۆا.

ۆيسە-مينيستردىڭ ايتۋىنشا، الماتىدا ٴبىر اۋىسىمدا 177-گە جۋىق جەدەل جاردەم قىزمەتى جۇمىسقا شىعادى. ولاردىڭ جارتىسىنان كوبى - دارىگەرلەر بريگاداسى، ال 45 پايىزى - فەلدشەرلەر بريگاداسى. كولىكتەردىڭ بارلىعى gps ناۆيگاسياسىمەن جابدىقتالعان. ياعني، ديسپەچەرلىك قىزمەت جەدەل جاردەم بريگاداسىنىڭ قاي جەردە كەلە جاتقانىن كورىپ وتىرادى.

«ەلىمىزدە جىلدام مەديسينالىق قىزمەت كورسەتۋدى جەتىلدىرۋ ٴىسى ٴارى قاراي جالعاسىپ جاتىر. جەدەل جاردەم كولىگىنىڭ پاسيەنتكە جەتۋ ۋاقىتىن قىسقارتۋ بويىنشا جۇمىس جاسالۋدا. سونداي-اق، دارىگەرلەر العاشقى كومەكتى جوعارى دەڭگەيدە كورسەتە الۋى كەرەك، ال جەدەل جاردەم كولىگىنىڭ جۇرگىزۋشىلەرى ٴقاۋىپسىز جول جۇرە ٴبىلۋى ٴتيىس»، - دەدى ٴلاززات اقتايەۆا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي