BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

الماتىلىقتاردىڭ 45%ٴ-ى سەمىزدىككە شالدىققان – دارىگەرلەر

الماتى تۇرعىندارىنىڭ 45%-دە ارتىق سالماق بار، دەپ حابارلايدى baq.kz ٴتىلشىسى «الماتى» تەلەارناسىنا سىلتەمە جاساپ.

دارىگەرلەر جۇرگىزگەن زەرتحانالىق زەرتتەۋگە سايكەس، الماتىلىقتاردىڭ 84%-دە ماي الماسۋدىڭ بۇزىلۋى، 81%-دە باۋىر جاسۋشالارىندا ماي قىرتىستارىنىڭ پايدا بولۋى بەلگىلى بولعان.

داگىرگەرلەر بۇل كورسەتكىشتەردىڭ كوڭىل كونشىتپەيتىنىن ايتادى.

«ٴقازىر قوعامدا كوپ قوزعالمايتىن ەنجار ادامدار كوبەيىپ بارادى. ٴبىزدىڭ زەرتتەۋ ناتيجەسىندە، كۇندەلىكتى جۇمىسقا باراتىن ادامداردىڭ كوبىسىنىڭ دەنساۋلىعىندا كىنارات بار بولىپ شىقتى. الماتىلىقتاردىڭ 45%ٴ-ى سەمىزدىككە دۋشار بولعان، اسىرەسە ارتىق سالماقتاعى ەر ادامداردىڭ قاتارى كوپ. تۇرعىنداردىڭ 25%-دە ارتەريالدىق گيپەرتونيا انىقتالدى. ولاردىڭ ٴبارى بۇدان حاباردار بولا تۇرا تەك 5%ٴ-ى دارىلىك پرەپاراتتاردى قولدانادى. جانە قان قىسىمىن ولشەۋ كەزىندە الماتىلىقتاردىڭ 20% جۇمىسقا جوعارى قان قىسىمىمەن كەلگەن بولىپ شىقتى»، – دەدى مەديسينا عىلىمدارىنىڭ دوكتورى، پروفەسسور الەكساندر نەسەروۆ.

سوڭعى 40 جىلدا الەم بويىنشا سەمىزدىكتەن زارداپ شەگەتىن ادامداردىڭ سانى 3 ەسەگە ارتقان. بەلگىلى قازاقستاندىق سپورتشى ۆاليحان تەن دۇرىس تاماقتانۋدىڭ ماڭىزدىلىعىن ايتىپ، ەرەجەلەرىمەن ٴبولىستى.

«باۋىر – ٴبىزدىڭ اعزامىزداعى ەڭ ەرەكشە ورگان دەسەك بولادى. سەبەبى، ول ٴوزىن-وزى ەمدەي الاتىن، قالپىنا كەلتىرە الاتىن جالعىز مۇشە. ٴبىراق ٴبىز تەك كۇنى بويى پايدالاناتىن تاماق مولشەرىن ٴوز دەڭگەيىندە، ۋاقىتىمەن قولدانا بىلسەك باۋىر جۇمىسىن جاقسارتا الامىز. تەك دۇرىس تاماقتانىپ قويماي، فيزيكالىق قوزعالىستى جاقسارتۋ اسا ماڭىزدى»، – دەدى بوديبيلدينگ بويىنشا قازاقستان چەمپيونى ۆاليحان تەن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي