BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

الماتىدا باۋىردىڭ سوزىلمالى اۋرۋلارىن دياگنوستيكالاۋ ماقساتىندا زەرتتەۋ وتكىزىلدى

بۇگىن الماتىدا دۇنيەجۇزىلىك گەپاتيتپەن كۇرەس كۇنىنىڭ قارساڭىندا باۋىردىڭ الكوگولدى ەمەس مايلانۋى اۋرۋىن (باەما)، مەتابوليزمدىك سيندرومدى (كومىرسۋتەك-ماي الماسۋىنىڭ بۇزىلۋىن) دياگنوستيكالاۋ جانە اۋرۋدىڭ دامۋ ٴقاۋپىنىڭ فاكتورلارىن انىقتاۋ ماقساتىندا الماتى قالاسى تۇرعىندارىنىڭ اراسىندا وتكىزىلگەن زەرتتەۋدىڭ ناتيجەلەرى جاريالانعان ٴباسپاسوز شاراسى ٴوتتى، دەپ حابارلايدى baq.kz اقپارات اگەنتتىگى.

قر دسم زەرتتەۋ سانوفي قازاقستان كومپانياسىنىڭ دەمەۋىمەن، قر دسم كارديولوگيا جانە ىشكى اۋرۋلار عزي جانە باۋىردى زەرتتەۋ بويىنشا قازاق قاۋىمداستىعىنىڭ (بزقق) باستاماسىمەن جاسالدى.

زەرتتەۋ ەكى كەزەڭنەن تۇردى. العاشقى كەزەڭدە قاتىسۋشىلارعا باەما جانە مەتابوليزمدىك سيندروم ٴقاۋپىنىڭ فاكتورلارىن انىقتاۋ ماقساتىندا ساۋالناماعا قاتىسۋ ۇسىنىلدى. ودان كەيىن، ەكىنشى كەزەڭدە تاۋەكەل ايماعىنداعى پاسيەنتتەر قوسىمشا زەرتحانالىق-قۇرال-سايماندىق تەكسەرۋگە جىبەرىلدى.

«زەرتتەۋگە 450-گە جۋىق ادام قاتىستى. ناتيجەلەرگە سايكەس تەكسەرۋدەن وتكەن ادامداردىڭ 25،3%-دا ارتىق سالماق، سەمىرۋ، كۇرەتامىرلى قىسىمنىڭ كوتەرىلۋى جانە ت.ب. وسى سەكىلدى 2 نەمەسە ودان كوپ ٴقاۋىپ فاكتورى انىقتالدى. ولاردىڭ ىشىندە كوبىنەسە ەر ادامداردا كەزدەسەتىن (55%-دا) ارتىق سالماق نەمەسە سەمىرۋ (43%-عا دەيىن) اناعۇرلىم ماڭىزدىراق بولدى. وعان قوسا، زەرتحانالىق زەرتتەۋلەر بارىسىندا ماي الماسۋدىڭ بۇزىلۋى (ديسليپيدەميا 84%-عا دەيىن)، باۋىر جاسۋشالارىندا ماي قىرتىستارىنىڭ پايدا بولۋى (81%-دا ستەاتوز) جانە باۋىر تىندەرىنىڭ قالىڭداپ قاتايۋى (64%-دا فيبروز) ٴجيى كەزدەستى»، - دەيدى زەرتتەۋ ناتيجەلەرىن جوعارى دارەجەلى دارىگەر، م.ع.د.، پروفەسسور، قر دسم «كارديولوگيا جانە ىشكى اۋرۋلار عزي» گاستروەنتەرولوگيا جانە گەپاتولوگيا كافەدراسىنىڭ مەڭگەرۋشىسى، بزقق ٴتوراعاسى الەكساندر نەرسەسوۆ.

سونداي-اق، پروفەسسور نەرسەسوۆ تاۋەكەل توبىندا ەنجار تىنىعاتىن ادامدار (30%) كوپ بولعانىن، ال ٴقاۋىپ فاكتورلارى انىقتالماعان توپتا ورتاشا جۇكتەمەسى بار ادامدار (ٴجۇرۋ - 46%) بولعانىن اتاپ ٴوتتى. وسى ناتيجەلەر الماتى ق. حالقىنىڭ اراسىندا باۋىردىڭ سوزىلمالى اۋرۋلارىنىڭ تارالۋى بويىنشا اعىمداعى جاعدايدى باعالاۋعا مۇمكىندىك بەرىپ، سكرينينگتىڭ وڭتايلى الگوريتمىن قۇرۋعا جانە اۋرۋدى ازايتۋ بويىنشا ٴتيىمدى شارالار قولدانۋعا ىقپال ەتتى.

باەما باۋىر اۋرۋلارىنىڭ ىشىندەگى ەڭ كەڭ تارالعانى بولىپ ەسەپتەلەدى، سەبەبى ول الەم حالقىنىڭ - 20%-نان باستاپ 46%-نا دەيىن، ال قازاقستانداعى حالىقتىڭ 40%-نان ارتىعىن قامتيدى. باەما نەگىزىندە دۇرىس تاماقتانباۋ جانە دەنە قوزعالىسىنىڭ ازدىعى ناتيجەسىندە زات الماسۋدىڭ بۇزىلۋى جاتىر. وسىعان بايلانىستى سالاۋاتتى ٴومىر سالتى رەگرەسسياعا ىقپال ەتىپ، اۋرۋدىڭ باستاپقى كەزەڭدەرىندە ساۋىعىپ كەتۋگە اكەلەتىن ەمدەلۋدىڭ نەگىزى بولىپ تابىلادى.
سونداي-اق، شاراعا بەلگىلى قازاقستاندىق سپورتشى، پاۋەرليفتينگ بويىنشا الەمنىڭ، ازيا مەن ەۋروپانىڭ ەكى دۇركىن چەمپيونى، بوديبيلدينگ بويىنشا قر چەمپيونى ۆاليحان تەن دە قاتىستى. سپورت جانە تاماقتانۋ تۋرالى «درۋگوي تى!» كىتابىنىڭ اۆتورى بولا وتىرىپ، ول دۇرىس تاماقتانۋدىڭ ماڭىزدىلىعى مەن ەرەجەلەرى تۋرالى اڭگىمەلەپ، ٴوزىنىڭ سپورتتاعى جەتىستىكتەرىمەن ٴبولىستى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي