BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

الماتى وبلىسىندا جۇرەككە وتا جاساۋدىڭ جاڭا ٴادىسى ۇيرەتىلدى

بۇگىن وبلىستىق كارديولوگيالىق ورتالىقتىڭ بازاسىندا العاش رەت الماتى وبلىسىندا شەبەرلىك سىنىبى ٴوتتى. رەنتگەنوحيرۋرگيا دارىگەرلەرى جۇرەكشەلەر اراسىنداعى قالقان جەتىسپەۋشىلىگىن ەندوۆاسكۋليارلى جابۋ وتاسىن جاسادى، دەپ حابارلايدى baq.kz اقپارات اگەنتتىگى mediko ٴباسپاسوز قىزمەتىنە سىلتەمە جاساپ.

وبلىستىڭ كارديولوگيالىق ورتالىقتىڭ قابىرعاسىندا بۇگىن وتكىزىلگەن شەبەرلىك سىنىبىنىڭ ماقساتى – ەمدەلۋشىلەر ٴۇشىن زاماناۋي تەحنولوگيالاردى قامتاماسىز ەتۋ. دارىگەرلەر ۇيرەنگەن شەبەرلىكتەرىنىڭ ارقاسىندا ەندى كۇن سايىن وبلىستىق كارديولوگيالىق ورتالىقتىڭ ەمدەلۋشىلەرىنە وسىنداي وتالار جاساي الاتىن بولادى.

جۇرەككە جاسالاتىن بۇل وتا كەۋدە قۋىسىن ەش كەسپەي جۇرگىزىلەتىنىن ايتا كەتۋ كەرەك. جۇرەكشە اراسىنداعى قالقان جەتىسپەۋشىلىگىن ەندوۆاسكۋليارلى جابۋ ٴادىسى قازىرگى اشىق وتا جاساعان كەزدەگى جۇرەك جەتىسپەۋشىلىگىن تىگۋ ٴادىسىنىڭ بالاماسى بولىپ تابىلادى جانە جۇرەك جۇمىسىن جىلدام قالپىنا كەلتىرۋگە سەپتىگىن تيگىزەدى. ەمدەلۋشىلەر تەز ساۋىعادى.

دەنى ساۋ ەرەسەك ادامدا وڭ جانە سول جاق جۇرەكشەنىڭ اراسىندا تەسىك بولمايدى. ٴبىراق ول ۋاقىتىلى ٴوسىپ كەتپەي، سالدارىنان جۇرەك جەتىسپەۋشىلىگى تۋىندايتىن جاعدايلار بولادى – سولدان وڭعا قاراي تۇيىقتالىپ، بۇل وڭ جاق جۇرەكشەگە جانە جۇرەك قارىنشاسىنا تىم ارتىق سالماقتىڭ تۇسۋىنە اكەلەدى. مۇنداي جۇرەك كەسەلى ٴار ٴتۇرلى جاستاعى ادامداردا كەزدەسەدى جانە ول تۋا بىتەدى. جۇرەك جەتىسپەۋشىلىگى ٴسابي كەزىندە بايقالىپ، كوبىنە جيىرما جاستان اسقان ادامداردا انىقتالادى. مۇنداي ەمدەلۋشىلەردە جۇرەك كەمىستىگى وكپە گيپەرتەنزياسىن، جۇرەك جەتىسپەۋشىلىگىن جانە اريتميا اۋرۋلارىن تۋدىرادى.

وككليۋدەر پايدا بولعانعا دەيىن جۇرەكشە اراسىنداعى قالقاننىڭ جەتىسپەۋشىلىگى بار ەمدەلۋشىلەرگە وتا جاساندى قان اينالىمى جۇيەسىن پايدالانۋمەن، اشىق جۇرەككە جاسالاتىن. مۇنداي ەمدەلۋشىلەر ۇزاق ۋاقىتتان سوڭ عانا ٴبىرجولا ايىعىپ، كوبىنە وتادان كەيىنگى اسقىنۋلاردان زارداپ شەگەتىن. وككليۋدەر يمپلانتاسياسى – بۇل زاماناۋي ەمدەۋ ٴادىسى، ول ينۆازيالىعىنىڭ تومەندىگىمەن، ادام دەنساۋلىعىنىڭ جىلدام قالپىنا كەلۋىمەن، اسقىناۋلاردىڭ از بولۋىمەن ەرەكشەلەنەدى. سونىمەن قاتار اتالعان ەمدەۋ ٴادىسى جۇكتىلىكتىڭ ٴتىپتى سوڭعى اپتالارىندا دا قولدانىلا الادى.

جۇرەك جەتىسپەۋشىلىگىن جويۋ ٴۇشىن زاماناۋي ماتەريالدان – نيتينولدان، نيكەل مەن تيتان قورىتپاسىنان جاسالاتىن وككليۋدەر اتتى قۇرىلعى پايدالانىلادى. قۇرىلعى ارنايى ەنگىزۋ جۇيەسى ارقىلى جۇرەككە كىرگىزىلىپ، ٴوزىنىڭ ٴپىشىمىنىڭ ارقاسىندا جۇرەك جەتىسپەۋشىلىگىنىڭ تۇسىنا ورنىعادى. ەم-شارانى باقىلاۋ جانە وككليۋدەردى دۇرىس ورناتۋ ٴۇشىن دارىگەرلەر انگيوگراف جانە وڭەش ارقىلى ۋدز پايدالانادى.

وككليۋدەرلەردى ورناتۋ بويىنشا ٴوزىنىڭ كوپجىلدىق تاجىريبەسىمەن بۇگىن ارنايى شاقىرىلعان رەنتگەنوحيرۋرگ ا.وڭلاسىنوۆ ٴبولىستى. وتانى جاساۋ ٴۇشىن دارىگەرلەر ادامنىڭ ٴبىر سانىن ٴسال كەسىپ، قان تامىرى ارقىلى كاتەتەر ەنگىزدى، ول وككليۋدەردى قاجەتتى اعزاعا جەتكىزدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي