BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

الماتى قالاسىنىڭ باس يمامى مەنينگوكوكك ۆيرۋسىنا قاتىستى مالىمدەمە جاسادى

الماتى قالاسىنىڭ باس يمامى ەركىنبەك شوقايەۆ ورازا ۇستاعان تۇرعىنداردا مەنينگيتتىڭ بەلگىلىرە بايقالسا، شاريعات اۋىز اشۋعا رۇقسات ەتكەنىن ايتتى، دەپ حابارلايدى ۆaq.kz اقپارات اگەنتتىگى.

«بۇگىنگى تاڭدا قالامىزداعى مەنينگوكوكك ۆيرۋسىنىڭ تىركەلۋ وقيعالارى جيىلەۋىن جانە بىرنەشە ادامنىڭ وسى اۋرۋدان قازا بولعانىن ەسكەرە وتىرىپ، ەگەر بويىمىزدا مەنيگيتتىڭ بەلگىلەرى بايقالعان بولسا، ۋاقىت وزدىرماي دەرەۋ دارىگەرلەرگە قارالىپ، قاجەت بولسا ورازانى اشۋعا شاريعات رۇقسات ەتەدى. رامازان ايىندا ناقتى اۋىرعان كىسىنىڭ ورازا ۇستاۋى اۋرۋدىڭ اسقىنۋىنا، ەمنىڭ كەشىگۋىنە كەدەرگى بولعان جاعدايدا وعان ورازاسىن اشۋعا بولادى. ورازانىڭ اۋرۋ كىسىگە زياندى ەكەنى نە ٴوزىنىڭ بۇرىنعى تاجىريبەسىنەن، نە بىلىكتى دارىگەردىڭ نۇسقاۋىمەن انىقتالۋى قاجەت. ۇستاماعان كۇندەرىنىڭ قازاسىن سوڭىنان باسقا ايلاردا ساۋىققاندا وتەيدى. قاتتى ناۋقاس كىسىنىڭ: «اۋىرسام دا ۇستاي بەرەمىن»، – دەپ شەشىم جاساۋى دۇرىس ەمەس. سەبەبى، دەنساۋلىق اللا تاعالانىڭ ادام بالاسىنا بەرگەن اماناتى، وعان قيانات جاساۋعا بولمايدى. ٴبىز قالا تۇرعىندارىن ٴوز دەنساۋلىقتارىن ساقتاۋعا، اماناتقا قيانات ەتپەۋگە شاقىرامىز»، - دەپ مالىمدەدى قالانىڭ باس يمامى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي