BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

الدىمەن ادامنىڭ جانىن ويلاپ، كەيىن عانا قالتاسىنداعى اقشاسىن ساناۋ كەرەك — دارىگەر

فوتو: Нұржас Жақсыбай

استانا قالاسى مەديسينالىق جەدەل جاردەم ستانسياسىنىڭ باس دارىگەرى مۇراتوۆ تيمۋر مۇرات ۇلى جاڭا ەنگىزىلگەن ستاندارتتارمەن تانىستىرىپ، قانداي جاعدايدا جەدەل جاردەم كولىكتەرىنىڭ سيگنال قوسا الاتىنىن ٴتۇسىندىردى. سونداي-اق، مامان كولىكتەردىڭ سارى تۇسكە بويالۋى بيۋدجەتكە ەش شىعىن اكەلمەيتىنىن، ٴبىرىنشى كەزەكتە ناۋقاسقا جىلدام جەتۋ ماسەلەسىنە نازار اۋدارۋ كەرەكتىگىن ايتىپ ٴوتتى، دەپ حابارلايدى baq.kz ٴتىلشىسى.

2018 جىلدىڭ باسىنان بەرى استانا قالاسىندا 10 كولىك سارى تۇسكە بويالدى. سونداي-اق، وسى كولىك ٴتۇرىنىڭ دىبىستىق سيگنال قوسۋىنا قاتىستى جاڭا وزگەرىستەر ەنگىزىلدى. بۇل تۋرالى تولىعىراق استانا قالاسى مەديسينالىق جەدەل جاردەم ستانسياسىنىڭ باس دارىگەرى مۇراتوۆ تيمۋر مۇرات ۇلى ايتىپ ٴوتتى.

«دىبىستىق سيگنال ماسەلەسىنە كەلەتىن بولساق، بۇل جەردە باستى ماقساتىمىز – جەدەل جاردەمگە ازاماتتاردىڭ دۇرىس كوزقاراسىن قالىپتاستىرۋ، نازارىن اۋدارتۋ. قانداي ۇلكەن كوشەلەر سالىنىپ جاتسا دا، بىزدە كولىك وتە كوپ. ال ٴبىزدىڭ بريگادالارىمىز ادامنىڭ جانىن الىپ قالۋ ماقساتىندا اسىعىپ جۇرەدى. وسىندايدا بىزگە قوعامنىڭ تۇسىنىستىكپەن قاراعانى كەرەك»، - دەيدى ول.

ٴارى قاراي دارىگەر قاي ۋاقىت ارالىعىندا جەدەل جاردەمنىڭ سيگنال قوسىپ جۇرەتىنىن جانە قانداي مەكەمەلەرگە بارعاندا سيگنال قوسۋعا تىيىم سالىنعانىنا توقتالدى.

«جاڭا ستاندارتتار بويىنشا، تاڭعى ساعات 08.00-دەن تۇنگى ساعات 23.00-گە دەيىن سيگنال قوسۋعا رۇقسات. ياعني سيگنال ناۋقاستى تاسىمالداعان كەزدە جانە وعان بارا جاتقان كەزدە قوسىلادى. باسقا ۋاقىتتا بريگادا جۇمىسىن ٴبىتىرىپ، بازاعا قايتىپ بارا جاتقان بولسا، ونداي سيگنال قوسىلمايدى. سونداي-اق، ٴۇي مەن مەديسينالىق مەكەمە اۋلاسىنا كىرگەن كەزدە سوندىرىلەدى»، - دەيدى تيمۋر مۇرات ۇلى.

دارىگەردىڭ ايتۋىنشا، بۇل وزگەرىستەر بيۋدجەتتى شىعىندامايدى. سەبەبى، كولىكتەر جاپپاي ەمەس، تەك جوندەۋ جۇمىستارى قاجەت بولعان كەزدە بويالادى. مۇنىمەن قاتار، تيمۋر مۇرات ۇلى كولىكتەردى سارى تۇسكە بوياۋعا كەتەتىن شىعىننان ناۋقاستاردىڭ دەنساۋلىعى ارتىق ەكەنىنە نازار اۋداردى.

«ٴقازىر كولىكتەردى بوياۋ قوسىمشا شىعىن اكەلەدى دەپ ويلايمىز. ٴبىراق، بۇل – قاتە. مىسالى، ٴبىزدىڭ كولىكتەرىمىز ۇنەمى قوزعالىستا بولاتىندىقتان، ٴجيى بۇزىلادى. ۋاقىتى كەلىپ توزاتىنى بار، اراسىندا جول-كولىك اپاتىنا تاپ بولاتىندار دا بار. وسىنداي سەبەپتەرگە بايلانىستى ٴبىز ولاردى ٴبارىبىر دە جوندەۋدەن وتكىزىپ، سىرتقى ٴتۇسىن جاڭارتامىز. بۇل جولى دا كولىكتەردى سارى تۇسكە بوياۋدى جوندەۋ جۇمىستارىنا بولىنگەن قارجى اياسىندا عانا جۇزەگە اسىرىپ جاتىرمىز. ٴقازىر ەل بىزگە تۇسىنىسپەۋشىلىكپەن قاراۋى مۇمكىن. ٴبىزدىڭ بۇل وزگەرىستى ەنگىزۋدەگى باستى ماقساتىمىز – ناۋقاسقا جىلدام جەتىپ، شۇعىل مەديسينالىق كومەك كورسەتۋ. بۇگىنگى جۇزەگە اسىرىپ وتىرعان شارامىز دا وسى ناۋقاستاردىڭ جاعدايىن جەڭىلدەتۋگە باعىتتالعان. الدىمەن ادامنىڭ جانىن ويلاپ، ودان كەيىن قالتاسىنداعى اقشانى ساناۋ كەرەك دەپ ويلايمىن»، - دەيدى دارىگەر.

سۋرەتتەر: نۇرجاس جاقسىباي

ۆيدەو: نۇرجاس جاقسىباي


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي