BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

3 843 وتباسى 413،3 ملن تەڭگە كولەمىندە شارتتى اقشالاي كومەك الدى

استانا. 20 قاڭتار. baq.kz – شارتتى اقشالاي كومەك ەنگىزۋ جونىندەگى «ورلەۋ» جوباسىنىڭ ارقاسىندا 4 مىڭعا تارتا وتباسى ٴوزىنىڭ الەۋمەتتىك جاعدايىن جاقسارتتى، - دەپ حابارلايدى baq.kz ٴتىلشىسى قر دەنساۋلىق ساقتاۋ جانە الەۋمەتتىك دامۋ مينيسترلىگىنىڭ ٴباسپاسوز قىزمەتىنە سىلتەمە جاساي وتىرىپ.

اقمولا، شىعىس قازاقستان جانە جامبىل وبلىستارىندا 2014 جىلعى قاڭتار ايىنان ىسكە اسىرىلا باستاعان «ورلەۋ» قاناتقاقتى جوباسىنىڭ ارقاسىندا 11 اي ىشىندە 3 843 وتباسى نەمەسە 19 909 قازاقستاندىق جالپى سوماسى 413،3 ملن تەڭگە كولەمىندە شارتتى اقشالاي كومەك (شاك) الدى. ٴبىر ادامعا شاققانداعى شاك ورتاشا كولەمى 4 488 تەڭگەنى قۇرادى.

شاك يە بولعان ادامداردىڭ ىشىندە اتاۋلى الەۋمەتتىك كومەك (ااك) الاتىندار ۇلەسى - 9،5%، مەملەكەتتىك بالالار جاردەماقىسى (مبج) تاعايىندالعاندار - 56،1%، العاش رەت حابارلاسقاندار ۇلەسى - 34،4% قۇرادى.

2014 جىلعى 1 جەلتوقسانداعى جاعداي بويىنشا قاناتقاقتى وڭىرلەردە 2013 جىلدىڭ ٴتيىستى كەزەڭىمەن سالىستىرعاندا ااك الاتىندار - 16،2%، مبج الاتىندار - 7،1% ازايدى.

جوبانى ىسكە اسىرۋعا رەسپۋبليكالىق بيۋدجەتتەن 2014 جىلى 500 ملن تەڭگە كولەمىندە ماقساتتى اعىمداعى ترانسفەرت ٴبولىندى.

مىسالى، جوباعا قاتىسقان وسكەمەن قالاسىنىڭ تۇرعىنى، كوپ بالالى بايعوندار وتباسى ٴوزىنىڭ ماتەريالدىق جاعدايىن ەلەۋلى تۇردە جاقسارتتى. بۇل وتباسىندا ٴتورت بالا – ەكى مەكتەپ وقۋشىسى جانە مەكتەپكە دەيىنگى جاستاعى ەكى بالا بار. وتاعاسى «ورلەۋ» جوباسىنا قاتىسۋ ٴۇشىن 2014 جىلعى ماۋسىم ايىندا جۇمىسپەن قامتۋ جانە الەۋمەتتىك باعدارلامالار بولىمىنە حابارلاسقان. ول كەزدە وتاعاسى جۇمىسسىز، جۇبايى ٴۇش جاسقا دەيىنگى بالانى كۇتۋ بويىنشا دەمالىستا بولعان. وتباسى مەملەكەتتىك اتاۋلى كومەك الۋشى بولىپ، جالپى تابىس مولشەرى 24 924 تەڭگەنى قۇراعان.

جوبا اياسىندا وتباسىن بەلسەندەندىرۋ جونىندە الەۋمەتتىك كەلىسىم-شارت بەكىتىلدى. ياعني، ۇسىنىلعان جۇمىسقا جانە الاتىن شاك قاراماستان، كومەك الۋشىنىڭ ەكونوميكالىق دەربەستىگىن نىعايتۋ ٴۇشىن ٴبىر جىل ىشىندە وتباسى تابىسى قايتا ەسەپتەلمەيدى.
جۇمىسپەن قامتۋ جانە الەۋمەتتىك باعدارلامالار ٴبولىمىنىڭ باعىتتاۋىمەن وتاعاسى «ملات» جشس جۇمىسشى بوپ تۇرىپ، جالاقىسى 60 مىڭ تەڭگە بوپ بەكىتىلدى. شاك مولشەرى ٴبىر ادامعا 7 268 تەڭگە، جالپى وتباسىنا 43 606 تەڭگەنى قۇرادى. قاراشا ايىندا وتاعاسىنىڭ جالاقىسى ۇلعايتىلىپ، 97 500 تەڭگەگە جەتتى.

جالپى، جوبا باستالعالى بەرى وتباسىنىڭ ايلىق تابىسى 148 811 تەڭگەنى قۇرادى، ونىڭ ىشىندە وتاعاسىنىڭ جالاقىسى – 97 500 تەڭگە، كوپبالالى انا رەتىندە جۇبايىنىڭ الەۋمەتتىك جاردەماقىسى – 7705، شاك – 43606 تەڭگە.

جوباعا قاتىسۋىنىڭ ارقاسىندا وتباسىنىڭ ماتەريالدىق جاعدايى ەلەۋلى تۇردە جاقساردى: بارلىق بالالارىنا قىسقى كيىم مەن اياق-كيىم، كىر جۋعىش ماشينا ساتىپ الىندى، ەندى پەش سالۋ جوسپارلانىپ وتىر. كوممۋنالدىق قىزمەتتەر بويىنشا قارىز 80 مىڭنان 25 مىڭ تەڭگەگە دەيىن قىسقاردى.

ەسكە سالا كەتەيىك، قاناتقاقتى جوبانى 2014-2015 جىلدارى ىسكە اسىرۋ جوسپارلانعان.

شاك ەنگىزۋدەگى باستى ماقسات – الەۋمەتتىك كومەك جۇيەسىن جاڭعىرتۋ، ماسىلدىقتىڭ الدىن الۋ ماقساتىندا الەۋمەتتىك كومەك كورسەتۋدىڭ جاڭا تۇرلەرىنە، ٴسوزسىز الەۋمەتتىك كومەكتەن «ٴوزارا مىندەتتەمەلەر» قاعيداسىنا كوشۋ بولىپ تابىلادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي