BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

2025 جىلعا قاراي قازاقستاندا بالالار سانى 23 پروسەنتكە وسەدى

مىندەتتى الەۋمەتتىك مەديسينالىق ساقتاندىرۋدى ەنگىزۋ دەنساۋلىق ساقتاۋ جۇيەسىن قارجىلاندىرۋ ٴۇشىن قوسىمشا قۇرالداردى ەنگىزۋدى قاراستىرادى، ياعني، ٴوز تاراپىنان ازاماتتاردىڭ ٴال-اۋقاتىن جوعارىلاتۋ مەن قازاقستانداعى ٴومىر ساپاسىن جاقسارتۋعا سەپتىگىن تيگىزەدى، دەپ حابارلايدى baq.kz اقپارات اگەنتتىگى.

الەۋمەتتىك مەديسينالىق ساقتاندىرۋ قورىنىڭ مالىمەتى بويىنشا، جالپى قايتىس بولعان ادامداردىڭ 74 پروسەنتى سوزىلمالى اۋرۋلار سالدارىنان كوز جۇمعان. كورسەتكىشتىڭ ەڭ كوبى، ياعني 41 پروسەنتى قان اينالىمى جۇيەسىنىڭ، 22 پروسەنتى - تىنىس الۋ مۇشەلەرى، 20 پروسەنتى - ونكولوگيالىق اۋرۋلاردىڭ سالدارىنان قازا بولادى ەكەن. قالعان 17 پروسەنتكە جازاتايىم وقيعالار، جاراقاتتار مەن ۋلانۋ جانە اس قورىتۋ جۇيەسى اۋرۋلارى سەبەپكەر.

مۇنداي كورسەتكىشتەر حالىقتىڭ اۋرۋلاردىڭ الدىن الۋعا دەن قويا بەرمەيتىندىگىنىڭ دالەلى. قازاقستاننىڭ ٴاربىر ونىنشى تۇرعىنى مەديسينالىق كومەككە قىسىلتاياڭ جاعدايدا عانا جۇگىنەدى. جىل سايىنعى 2،9 ملن گوسپيتاليزاسيانىڭ 68 پروسەنتى نەمەسە 1،9 ملن ادام – شۇعىل پاسيەنتتەر.

استانا قالاسى بويىنشا «ٴامسق» كەاق فيليالىنىڭ ديرەكتورى نۇرلىبەك قابدىقاپاروۆتىڭ ايتۋىنشا، قازاقستاندا 2017 جىلى دەنساۋلىق ساقتاۋ سالاسىنا جۇمسالعان جالپى شىعىن كولەمى جالپى ىشكى ٴونىمنىڭ 3،7 پروسەنتىن قۇرادى.

"دەنساۋلىق ساقتاۋ سالاسىنا جۇمسالاتىن شىعىن جالپى ىشكى ٴونىمنىڭ 6 پروسەنتىن قۇرايتىن، دامۋ جاعىنان قازاقستان ٴتارىزدى ەلدەرگە قاراعاندا، بۇل اناعۇرلىم تومەنىرەك كورسەتكىش. قازاقستاندا 2017 جىلدىڭ قورىتىندىسى بويىنشا دەنساۋلىق ساقتاۋ سالاسىنا جۇمسالعان شىعىندار 41 پايىزدى قۇرادى. بۇل شەكتىك دەڭگەيدەن ەكى ەسە جوعارى. سونىمەن قاتار جەكە شىعىنداردىڭ 30 پروسەنتتەن استامى كەپىلدەندىرىلگەن تەگىن مەديسينالىق كومەك كولەمى شەڭبەرىندە ماعلۇمدالعان اقىلى مەديسينالىق قىزمەتتەردى ساتىپ الۋعا جۇمسالادى" - دەيدى ول.

قازاقستاندا نەگىزگى دەموگرافيالىق ترەند رەتىندە ٴومىر ٴسۇرۋ ۇزاقتىعى، تۇرعىنداردىڭ جاس-جىنىستىق قۇرامىنىڭ وزگەرۋى قاراستىرىلادى.

"ەلىمىزدە 2006 جىلدان بەرى ٴومىر ٴسۇرۋ ۇزاقتىعى 6،3 جىلعا ۇلعايدى، بۇل كورسەتكىش كەلەشەكتە وسەدى دەپ بولجانىپ وتىر. الداعى ۋاقىتتا مەديسينالىق قىزمەتتەردى بەلسەندى تۇتىنۋشىلاردىڭ سانى ارى قاراي ٴوسۋى مۇمكىن. 2025 جىلعا قاراي قازاقستاندا بالالار سانى 5،6 ميلليوننان 6،9 ميلليون ادامعا دەيىن، ياعني 23 پروسەنتكە وسەدى دەپ بولجانىپ وتىر. سونىمەن قاتار ەگدە جاستاعى ادامدار سانى 41 پروسەنتكە 1،9-دان 2،8 ميلليون ادامعا دەيىن وسەدى. وسى تۇرعىدا وتاندىق دەنساۋلىق ساقتاۋ سالاسى تۇرعىنداردىڭ قاجەتتىلىكتەرىن تولىعىمەن قامتاماسىز ەتۋى ٴتيىس" - دەيدى نۇرلىبەك قابدىقاپاروۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي