ۇكىمەت باسشىسى: الەۋمەتتىك ماڭىزى بار تاۋارلاردىڭ باعاسى ەرەكشە باقىلاۋدا بولسىن - ۇكىمەت|13 قاراشا 2018، 11:47
BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ۇكىمەت باسشىسى: الەۋمەتتىك ماڭىزى بار تاۋارلاردىڭ باعاسى ەرەكشە باقىلاۋدا بولسىن

فوتو: ашық дереккөзден

استانا، baq.kz ٴتىلشىسى. ۇكىمەت وتىرىسىندا قر پرەمەر-مينيسترى باقىتجان ساعىنتايەۆ مينيسترلىكتەر مەن اكىمدىكتەرگە وتىن مەن الەۋمەتتىك ماڭىزى بار تاۋارلاردىڭ باعاسىن ەرەكشە باقىلاۋعا الۋدى تاپسىردى.

«ۇلتتىق ەكونوميكا جانە ەنەرگەتيكا مينيسترلىكتەرىنە جانە ٴوڭىر اكىمدىكتەرىنە كومىردىڭ، گازدىڭ، دارى-دارمەكتىڭ جانە الەۋمەتتىك ماڭىزى بار تاۋارلاردىڭ باعاسىن ەرەكشە باقىلاۋعا الۋدى تاپسىرامىن. ٴبىرىنشى كەزەكتە، اكىمدەر باعانىڭ نەگىزسىز وسۋىنە جول بەرمەي، كومپانيالاردىڭ باعانى ٴوزارا كەلىسىپ الۋىن، اراداعى دەلدالداردىڭ زاڭسىزدىقتارىن انىقتاۋى قاجەت»، - دەدى ساعىنتايەۆ.

وسىعان دەيىن ۇكىمەت وتىرىسىندا قر پرەمەر-مينيسترى باقىتجان ساعىنتايەۆ ەنەرگەتيكا جانە ۇلتتىق ەكونوميكا مينيسترلىكتەرىنە تاريفتەرتەردى تومەندەتۋگە باعىتتالعان جۇيەلى ٴىس-شارالار جوسپارىن ازىرلەۋدى تاپسىرعانىن، ۇلتتىق ەكونوميكا ۆيسە-مينيسترىنە سوگىس جاريالاعانىن، باعانى نەگىزسىز وسىرۋگە جول بەرگەن مونوپوليستەردى جازالاۋدى تاپسىرعانىن، ۇلتتىق ەكونوميكا مينيسترىنە ارنايى تاپسىرما بەرگەنىن جازعانبىز.

ايتا كەتەيىك، وتكەن اپتادا اقوردادا مەملەكەت باسشىسى نۇرسۇلتان نازاربايەۆ قاۋىپسىزدىك كەڭەسىنىڭ كەزەكتى وتىرىسىن وتكىزدى. جيىندا ەلەكتر جانە جىلۋ ەنەرگيالارىنىڭ قولدانىستاعى ٴتاريفى مەن ەنەرگەتيكالىق قىزمەت نارىعىنداعى باعانىڭ بەلگىلەنۋىنە باقىلاۋ جاسايتىن مەملەكەتتىك ورگانداردىڭ جۇمىسى سىنعا الىندى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي