BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

سۇلەيمەنوۆ ازىق-تۇلىك باعالارىنىڭ نەگە قىمباتتاعانىن ٴتۇسىندىردى

استانا، baq.kz ٴتىلشىسى. ۇكىمەت وتىرىسىندا ۇلتتىق ەكونوميكا ٴمينيسترى تيمۋر سۇلەيمەنوۆ الەۋمەتتىك ماڭىزى بار ازىق-تۇلىكتەردىڭ نەگە قىمباتتاعانىن ٴتۇسىندىردى.

ٴمينيستردىڭ ايتۋىنشا، وتكەن اپتامەن سالىستىرعاندا اتالعان ازىق-تۇلىكتەردىڭ باعاسى 0،2%-كە ٴوسىپتى. ال جىلدىڭ باسىنان باستاپ باعالاردىڭ جوعارىلاۋى 1،9%ٴ-تى قۇراعان.

«قانت، قىرىققابات، كۇرىش، تاۋىق ەتىنە باعالاردىڭ ٴوسۋى بايقالادى. ازىق-تۇلىك باعالارىنىڭ نەگىزگى ٴوسۋ سەبەپتەرى ەۋرازيالىق ەكونوميكالىق وداقتىڭ نارىعىندا ونىمدەردىڭ قىمباتتاۋى مەن تاۋارلاردىڭ وزىندىك قۇنى قۇرامىنداعى ۇستەمە شىعىستاردىڭ وسۋىمەن بايلانىستى»، - دەدى تيمۋر سۇلەيمەنوۆ.

سونداي-اق مينيستر ٴاربىر تاۋاردىڭ باعاسى نە سەبەپتى وسكەنىنە جەكە-جەكە توقتالدى.

«قازاقستاندىق قانتتىڭ ەلەۋلى بولىگى يمپورتتىق شيكى قانتتان وندىرىلەدى. ٴبىرىنشى كەزەكتە رەسەي فەدەراسياسى نارىعىنداعى جاعدايمەن بايلانىستى. وسى جىلدىڭ 9 ايىندا قىرىققابات ەكسپورتى ۇلعايىپ، 18،6 مىڭ توننانى قۇرادى. وسىعان بايلانىستى قىرىققاباتتىڭ باعاسى باسقا كوكونىستەرمەن سالىستىرعاندا ايتارلىقتاي ٴوستى. ماۋسىمدىق شىعىندارعا بايلانىستى قىرىققاباتتىڭ باعاسى الداعى ۋاقىتتا دا ٴوسۋى مۇمكىن»، - دەدى ول.

سۇلەيمەنوۆتىڭ ايتۋىنشا، كۇرىش باعاسىنىڭ قىمباتتاۋى جانار-جاعارماي ماتەريالدارى مەن كوممۋنالدىق شىعىستار باعالارىنىڭ كوتەرىلۋىمەن بايلانىستى ەكەن.

«تاۋىق ەتىنە باعانىڭ ٴوسۋى قۇس ەتىنىڭ شامامەن 50% اقش-تان يمپورتتالاتىنىمەن بايلانىستى. اقش دوللارى باعامانىڭ وسۋىنە بايلانىستى يمپورتتالاتىن تاۋىق ەتى دە قىمباتتادى»، - دەپ تۇيىندەدى ٴسوزىن مينيستر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي