BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

پرەمەر-مينيستر ۇكىمەت مۇشەلەرىنە: حالىقتىڭ تابىسى نەگە تومەن؟

استانا، baq.kz ٴتىلشىسى. ۇكىمەت وتىرىسىندا قر پرەمەر-مينيسترى باقىتجان ساعىنتايەۆ ەڭبەك جانە حالىقتى الەۋمەتتىك قورعاۋ مينيسترلىگى مەن جەرگىلىكتى اكىمدىكتەرگە قازاقستاندىقتاردىڭ ناقتى تابىسىنا ساراپتاما جاساۋدى تاپسىردى.

«ٴبارى سول «ستاتيستيكانىڭ مالىمەتى دۇرىس ەمەس» دەگەن اڭگىمەگە تىرەلەدى. بولماسا، ورتاشا جالاقى جوعارى دەيسىزدەر. حالىقتىڭ ناقتى تابىسى تومەن. وعان نە سەبەپ؟ سوعان اناليز كەرەك. بۇل ٴبىرىنشى كەزەكتە قۇزىرەتتى ورگاندار: ەڭبەك جانە حالىقتى الەۋمەتتىك قورعاۋ مينيسترلىگى مەن جەرگىلىكتى جەردەگى اكىمدىكتەردىڭ جۇمىسى»، - دەدى ۇكىمەت باسشىسى.

وسى ورايدا پرەمەر-مينيستر كەلەسى ايدا وتەتىن ۇكىمەت وتىرىسىندا اتالعان ماسەلە قايتا قارالاتىنىن جەتكىزدى.

«11 ايدىڭ قورىتىندىسى بويىنشا وتەتىن وتىرىسقا بارلىقتارىڭىز وسى سۇراققا جاۋاپ بەرۋگە دايىن بولىڭىزدار»، - دەدى باقىتجان ساعىنتايەۆ.

وسىعان دەيىن ۇكىمەت وتىرىسىندا قر پرەمەر-مينيسترى باقىتجان ساعىنتايەۆ ەنەرگەتيكا جانە ۇلتتىق ەكونوميكا مينيسترلىكتەرىنە تاريفتەرتەردى تومەندەتۋگە باعىتتالعان جۇيەلى ٴىس-شارالار جوسپارىن ازىرلەۋدى تاپسىرعانىن، ۇلتتىق ەكونوميكا ۆيسە-مينيسترىنە سوگىس جاريالاعانىن، باعانى نەگىزسىز وسىرۋگە جول بەرگەن مونوپوليستەردى جازالاۋدى تاپسىرعانىن، ۇلتتىق ەكونوميكا مينيسترىنە ارنايى تاپسىرما بەرگەنىن، كومىر مەن تاۋارلاردىڭ باعاسىن ەرەكشە باقىلاۋدا ۇستاۋدى تاپسىرعانىن، ٴارى حالىقتى تولعاندىرعان ماسەلەلەرگە نازار اۋدارۋعا شاقىرعانىن جازعانبىز.

ايتا كەتەيىك، وتكەن اپتادا اقوردادا مەملەكەت باسشىسى نۇرسۇلتان نازاربايەۆ قاۋىپسىزدىك كەڭەسىنىڭ كەزەكتى وتىرىسىن وتكىزدى. جيىندا ەلەكتر جانە جىلۋ ەنەرگيالارىنىڭ قولدانىستاعى ٴتاريفى مەن ەنەرگەتيكالىق قىزمەت نارىعىنداعى باعانىڭ بەلگىلەنۋىنە باقىلاۋ جاسايتىن مەملەكەتتىك ورگانداردىڭ جۇمىسى سىنعا الىندى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي