BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

الداعى ۋاقىتتا 2 ملن جاس ماماندى جۇمىسپەن قامتۋ قاجەت – ساعىنتايەۆ

فوتو: Нұржас Жақсыбай

استانا،baq.kz ٴتىلشىسى. الداعى 7 جىلدا ەڭبەك نارىعىنا شىعاتىن 2 ملن جۋىق جاس ماماندى ساپالى جۇمىسپەن قامتاماسىز ەتۋ قاجەت. بۇل تۋرالى قر پرەمەر-مينيسترى باقىتجان ساعىنتايەۆ استانادا ٴوتىپ جاتقان «ەڭبەك نارىعىنىڭ بولاشاعى: جاڭا مۇمكىندىكتەر» فورۋمىندا ايتتى.

بۇل الەۋمەتتىك جاۋاپكەرشىلىگى مول مەملەكەت قۇرۋ ٴۇشىن قاجەت.

"قازاقستان وسى بولىپ جاتقان وزگەرىستەردى باسقارۋ ٴۇشىن كوپ جۇمىس ىستەپ جاتىر جانە الدىن الۋ نيەتىن ٴبىلدىرىپ وتىر. "100 ناقتى قادام" ۇلت جوسپارى، ەىدۇ ستاندارتتارى دا جوسپارلى تۇردە ىسكە اسىرىلادى. 2017 جىلدىڭ باسىندا قازاقستاننىڭ ٴۇشىنشى جاڭعىرۋى ستراتەگياىق مىندەتتەرى قويىلدى. ۇكىمەت 2025 جىلعا دەيىنگى ارنايى ستراتەگيالىق دامۋ جوسپارىن ازىرلەدى. بۇل قازاقستان ەكونوميكاسىن دۇنيەجۇزىلىك ەكونوميكادا جوعارى قارقىنمەن دامۋ مىندەتتەرىن قويىپ وتىر. شيكىزاتتىق ەمەس ەكسپورتتى 41 ملرد دوللارعا دەيىن ۇلعايتۋ مىندەتى تۇر"، - دەپ ايتتى ۇكىمەت باسشىسى.

پرەمەر-مينيستر الداعى 7 جىلدا 2 ملن جۋىق كوللەدجبەن ۋنيۆەرسيتەت تۇلەكتەرى ەڭبەك نارىعىنا قوسىلاتىنىن،سول سەبەپتى ولادى ساپالى جۇمىس ورىندارىمەن قامتاماسىز ەتۋ قاجەت ەكەنىن ايتتى.

"سوندىقتان 2025 جىلعا دەيىن 1 ملن جۇمىس ورنىن قۇرۋ مىندەتىن قويىپ وتىرمىز. ٴقازىردىڭ وزىندە بازالىق سالالاردا عانا ەمەس، اۆتوماتتاندىرۋ، سيفرلاندىرۋ سالاسىندا دا جاڭا جۇمىس ورىندارى اشىلىپ وتىر. "4.0 يندۋستريالاندىرۋ" باعىتىندا ۇكىمەت كادرلارعا دەگەن قاجەتتىلىكتى انىقتاۋ ٴۇشىن ەڭبەك رەسۋرستارىن ۇلتتىق بولجاۋ باعدارلاماسىن ازىرلەدى. بۇل كادرلاردى دايارلاۋ مەن ولاردىڭ بىلىكتىلىگىن ارتتىرۋ ماقساتىندا جاسالىپ وتىر"، - دەدى ول.

ۇكىمەت باسشىسى 2020 جىلعا دەيىن 550 كاسىپتىك ستاندارتتاردى بەكىتۋ كوزدەلىپ وتىرعانىن ايتتى.

"جۇمىسپەن قامتۋ ٴۇشىن وسى تەحنولوگيالىق جاڭعىرۋ ناتيجەسىندە بوساپ جاتقان كادرلاردى باسقا جۇمىس ورىندارانى اۋىستىرۋ جۇمىستارىن جۇرگىزۋدەمىز. 2018 جىلدىڭ 1 قاڭتارىنان باستاپ ەلەكتروندى ەڭبەك بيرجا قۇرىلدى. بۇل – ەلدەگى العاشقى سيفرلىق الاڭ. وندا 48 جەكە جۇمىسپەن قامتۋ اگەنتتىكتەرى، باق، ونلاين الاڭدار قامتىلدى. جۇمىس ورىندارىن قامتاماسىز ەتۋ ٴۇشىن ۇكىمەت كاسىپكەرلىكتى دامىتۋ باعدارلاماسىن ازىرلەۋدە. 2019 جىلى 190 ملرد تەڭگە ٴبولىندى. بۇل جۇمىسپەن قامتۋ ٴۇشىن 1 ملن ادامعا كومەكتەسۋگە مۇمكىندىك بەردى"، - دەدى ول.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي