BAQ.kz - Қазақстан жаңалықтары USD 378.17 BAQ.kz - Қазақстан жаңалықтары EUR 429.11 BAQ.kz - Қазақстан жаңалықтары RUB 5.88
استانا:

تۇركىستاندا تۋريزمدەگى ۇزدىكتەر ماراپاتتالدى

استانا، baq.kz. بۇگىن تۇركىستان وبلىسىندا تۋريزم سالاسىنىڭ ۇزدىكتەرىن ماراپاتتاۋ ٴراسىمى ٴوتتى. وبلىس اكىمىنىڭ ورىنباسارى ەربول تاسجۇرەكوۆ اتالعان سالانىڭ وڭىرىمىزدە جىلدان جىلعا قارقىندى تۇردە دامىپ كەلە جاتقانىن ايتىپ، تۇركىستانداعى ٴتۋريزمدى دامىتۋعا قىزمەت ەتىپ جۇرگەن 18 جەڭىمپاز ازاماتتى ون اتالىم بويىنشا ماراپاتتادى. بۇل تۋرالى تۇركىستان وبلىسى اكىمىنىڭ ٴباسپاسوز قىزمەتى حابارلايدى.

سونىمەن، تۋريزمدەگى ۇزدىكتەردى جاريالاساق. «تۋريستىك دەستيناسيانى دامىتۋعا قوسقان ۇلەسى ٴۇشىن» اتالىمىن تۇلكىباس اۋدانىنىڭ اكىمدىگى السا، «تۋريزم سالاسىنىڭ دامۋىنا قوسقان ۇلەسى ٴۇشىن» نوميناسياسىن كەڭەسباي يسمايلوۆ، ەلەنا كەرحەر، عاني نازاربەكوۆ، روزا شۇكەنوۆالار يەلەندى. «تاريحي-مادەني ٴتۋريزمدى دامىتۋعا قوسقان ۇلەسى ٴۇشىن» ماراپاتىن «ازىرەت سۇلتان»، «وتىرار»، «ورداباسى» قورىق-مۇراجايلارىنىڭ ۇجىمى ەنشىلەسە، «ەكولوگيالىق ٴتۋريزمدى دامىتۋعا قوسقان ۇلەسى ٴۇشىن» اتالىمىن «اقسۋ-جاباعىلى»، «قاراتاۋ» قورىقتارى، «سايرام-وگەم» ۇلتتىق پاركى جانە «سىرداريا-تۇركىستان» وڭىرلىك پاركى يەلەندى. سونداي-اق، مەرەكەلىك باسقوسۋدا «ۇزدىك تۋريستىك ۇيىم» - «جاڭا تالاپ گرۋپ» جشس-نە، «ۇزدىك قوناق ٴۇي» - «حاناكا» قوناق ۇيىنە، «ۇزدىك ساناتورلى-كۋرورتتىق مەكەمە» - «اراي دە ليۋكس» شيپاجايىنا، «ۇزدىك دەمالىس ايماعى» - «الماتاۋ» دەمالىس ايماعىنا، «ۇزدىك مەيرامحانا» اتالىمى «sky» مەيرامحاناسىنا جانە «ۇزدىك گيد-ەكسكۋرسوۆود» اتاعى يسمايل وماراليەۆكە تابىستالدى.

ايتا كەتەيىك، اتالعان شارانىڭ باستى ماقساتى – ۇزدىك تۋريستىك بيزنەس وكىلدەرىن انىقتاۋ جانە كوتەرمەلەۋ، جىلدى قورىتىندىلاپ، تۋريستىك يندۋستريا مەكەمەلەرىن ىنتالاندىرۋ بولىپ تابىلادى.

بيىل تۇڭعىش رەت وتكىزىلىپ وتىرعان شارانى ەندىگى كەزەكتە جىل سايىن ۇيىمداستىرىلاتىن ٴداستۇرلى مەرەكەگە اينالدىرۋ جوسپارلانىپ وتىر. بۇل جۇمىستار، ٴوز كەزەگىندە، ىشكى جانە كىرۋ ٴتۋريزمىن دامىتۋعا سەپتىگىن تيگىزىپ، قىزمەت كورسەتۋ ساپاسىنىڭ جاقسارۋىنا، ساپالى تۋريستىك ٴونىم قالىپتاستىرۋعا وڭ اسەرىن بەرەدى، سونىمەن بىرگە، وبلىستىڭ تۋريستىك يندۋسترياسىنىڭ باسەكەگە قابىلەتتىلىگىن ارتتىرادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي