BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

تەلەكوپىر. "قازپوشتا" فۋلفيلمەنت-ورتالىقتارىن ىسكە قوستى

استانا، baq.kz. نۇرسۇلتان نازاربايەۆ تەلەكوپىر بارىسىندا استانا، الماتى جانە اقتوبە قالالارىنداعى فۋلفيلمەنت-ورتالىقتاردى ىسكە قوستى.

ولار قازاقستان اۋماعىندا ەلەكتروندىق كوممەرسيانى دامىتۋعا باعىتتالعان جوبالار قاتارىندا «سيفرلىق قازاقستان» باعدارلاماسى شەڭبەرىندە قۇرىلعان بولاتىن.

ينتەرنەت-دۇكەندەرگە تاپسىرىستى رەسىمدەۋ، سالەمدەمەلەردى ساقتاۋ، وڭدەۋ جانە ساتىپ الۋشىلارعا جەتكىزۋ بويىنشا قىزمەتتەر كەشەنىن كورسەتەتىن ورتالىقتاردىڭ جوبالىق قۋاتتىلىعى جىلىنا 8 ملن. سالەمدەمە. كۇتىلەتىن ەكونوميكالىق ناتيجەسى – جىلىنا 3،6 ملرد تەڭگە. بۇگىندە الماتى مەن استاناداعى فۋلفيلمەنت-ورتالىقتارىندا 50-دەن استام ينتەرنەت-دۇكەنگە قىزمەت كورسەتىلەدى. ولار لوگيستيكاعا، قويما جالداۋعا، پەرسونال جالداۋعا جۇمسالاتىن ٴوز شىعىندارىن جانە باسقا دا شىعىنداردى ازايتتى، سونداي-اق فۋلفيلمەنت-ورتالىقتارىنا تاۋارلاردى ورنالاستىرۋ ارقىلى جەتكىزۋ مەرزىمدەرىن قىسقارتتى.

سونىمەن قاتار 2017 جىلى قازپوشتا پوشتا جونەلتىلىمدەرىن سۇرىپتاۋعا ارنالعان اۆتوماتتاندىرىلعان جەلىنى ىسكە قوستى، ونىڭ قۋاتتىلىعى تاۋلىگىنە 120 مىڭ سالەمدەمەگە دەيىن جەتەدى. 2018 جىلى ەلەكتروندىق كوممەرسيا ورتالىقتارىندا شامامەن 2 000 شاعىن جانە ورتا بيزنەس وكىلى وقىدى. ەلەكتروندىق كوممەرسيا نارىعىندا 42 مىڭ جۇمىس ورنى قۇرىلدى. وسىلايشا، ەلىمىزدە ەلەكتروندىق ساۋدانى دامىتۋعا ارنالعان ينفراقۇرىلىم تولىقتاي قالىپتاستى.

سونداي-اق ەلباسىنا اۋىلدىق ەلدى مەكەن تۇرعىندارى ٴۇشىن ازىرلەنگەن «امبەباپ اگەنت» تانىستىرىلدى. بۇل كابينادان قازپوشتا كليەنتتەرى پوشتا بايلانىسى، دەنساۋلىق ساقتاۋ، جۇمىسپەن قامتۋ سالاسىندا جانە حقكو-دا ونلاين رەجيمدە قىزمەتتەر الا الادى.

كورمەدە كورسەتىلگەن دروندار شالعايداعى ەلدى مەكەندەرگە مەرزىمدى باسپا باسىلىمدارىن جەتكىزۋگە ارنالعان. روبوت-پوشتاشى – سالماعى 20 كيلوگرامعا دەيىنگى جۇكتەردى جەتكىزەتىن ٴموبيلدى روبوت، ول «سوڭعى ميليا» ماسەلەسىن شەشەدى.

pepper روبوت-كونسۋلتانت روبوپوليس اۋماعىنداعى روبوپوست وفيسىندە كونسۋلتانت رەتىندە پايدالانىلادى. بيومەتريا جۇيەسىنىڭ ارقاسىندا pepper كەلۋشىلەردى سايكەستەندىرە الادى جانە ولارعا قازپوشتا قىزمەتتەرى مەن سەرۆيستەرى بويىنشا كەڭەس بەرەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي