BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

استانادا «اۋىل شارۋاشىلىعىن سيفرلاندىرۋ» فورۋمى ٴوتىپ جاتىر

س.سەيفۋللين اتىنداعى قازاق اگروتەحنيكالىق ۋنيۆەرسيتەتىندە گەرمانيانىڭ ازىق-تۇلىك جانە اۋىلشارۋاشىلىق مينيسترلىگىنىڭ، قازاقستان رەسپۋبليكاسىنىڭ گەرمانياداعى ەلشىلىگىنىڭ، قازاقستان رەسپۋبليكاسىنداعى گەرمانيا ەلشىلىگىنىڭ جانە «گەرمانيا-قازاقستان اگرارلىق-ساياسي ديالوگى» جوباسىنىڭ قولداۋىمەن گەرمان-قازاق «اۋىل شارۋاشىلىعىن سيفرلاندىرۋ» اتتى بىرلەسكەن فورۋمى ٴوتتى، دەپ حابارلايدى baq.kz اقپارات اگەنتتىگى.

شاراعا قر پارلامەنتى سەناتىنىڭ اگرارلىق ماسەلەلەر، تابيعاتتى پايدالانۋ جانە اۋىلدىق اۋماقتاردى دامىتۋ كوميتەتىنىڭ ٴتوراعاسى ج.م.نۇرعاليەۆ، قر اۋىل شارۋاشىلىق ۆيسە-مينيسترى ا.ق.ەۆنيەۆ، س.سەيفۋللين اتىنداعى قازاتۋ رەكتورى ا.ق.كۇرىشبايەۆ، ada جوباسىنىڭ جەتەكشىسى ر.ديتحارد، قازاقستاننىڭ گەرمانياداعى ەلشىسى ب.ت.نۋسۋپوۆ، گەرمانيانىڭ قازاقستانداعى ەلشىسىنىڭ ٴبىرىنشى ورىنباسارى د.ۆاينبەرگ، سونداي-اق وتاندىق جانە شەتەلدىك اۋىل شارۋاشىلىعى سالاسىنىڭ عالىمدارى مەن ماماندارى قاتىستى.

«فورۋمنىڭ ماقساتى - ەكى ەلدىڭ عالىمدارى مەن كومپانيالارىنىڭ اراسىنداعى اتالمىش ماسەلەلەر بويىنشا قارىم-قاتىناستى دامىتۋ جانە وسى باعىتتاعى سوڭعى جاڭالىقتار تۋرالى حاباردار ەتۋ» - دەيدى ۇيىمداستىرۋشىلار.

ۋنيۆەرسيتەت رەكتورى اقىلبەك كۇرىشبايەۆ ٴوز سوزىندە وقۋ ونىندا اوك سيفرلاندىرۋ ٴۇشىن عىلىمي كادرلار جانە تەحنيكالىق پوتەنسيالمەن قاتار، سيفرلاندىرۋ جۇيەسىن تاجىريبەلىك تۇرعىدان ىسكە اسىرۋعا بولاتىنىن جەتكىزدى.

«قازىرگى تاڭدا الەمنىڭ جەتەكشى عىلىمي ورتالىقتارىمەن تىعىز قارىم-قاتىناس ورناتىپ، سيفرلاندىرۋ سالاسىنداعى وزىق ٴبىلىم مەن عالىمداردىڭ وزىق ۇلگىسىن ىزدەستىرۋ جۇمىستارى جۇرگىزىلۋدە. سونىمەن قاتار تۇتىنۋشىلارعا ۇسىنىلاتىن اناليتيكالىق ماتەريالداردىڭ دالدىگىن ارتتىرۋ، وقيعالار مەن ونىمدىلىكتى بولجاۋ ٴۇشىن عارىشتىق مونيتورينگتىڭ ٴادىسناماسىن جەتىلدىرۋ قاجەت. وسى تۇرعىدا دامىعان ەلدەردىڭ، ٴبىرىنشى كەزەكتە نەمىس ارىپتەستەرىمىزدىڭ تاجىريبەسى وتە ماڭىزدى»، - دەيدى اقىلبەك كۇرىشبايەۆ.

وزەكتى ماسەلەگە ارنالعان اتالمىش فورۋم قازاقستاندا العاش رەت ۇيىمداستىرىلىپ وتىر. ونىڭ جۇمىسىنا 100-دەن استام سالالىق عالىمدار مەن ماماندار قاتىستى. گەرمانيا مەن قازاقستاننىڭ 10 جەتەكشى عالىمى، فەرمەرلەرى مەن ساراپشىلارى بايانداما جاسادى. وندا اۋىلشارۋاشىلىق سالاسىن سيفرلاندىرۋدىڭ، ەگىنشىلىككە دالمە-دال تەحنولوگيالاردى ەنگىزۋدىڭ پراكتيكالىق تاجىريبەسىمەن، «اقىلدى فەرما» (smart farming) مەن جاساندى ينتەللەكتى قۇرۋ، ٴىرى كولەمدەگى بازا دەرەكتەرىن جۇيەلەۋ ادىستەرىمەن پىكىر الماستى.

شارا بارىسىندا ارنايى كورمە ۇيىمداستىرىلدى. كورمەدە «قازاقستان رەسپۋبليكاسىنىڭ اگروونەركاسىپتىك كەشەنىنىڭ ينفراقۇرىلىمدىق سيفرلاندىرۋ» باعدارلاماسى، اۋىل شارۋاشىلىق بيزنەسىن اۆتوماتتاندىرۋ تەحنولوگياسى جانە اۋىلشارۋاشىلىق كاسىپورىندارىن سيفرلاندىرۋ ٴۇشىن باعدارلامالىق قامتاماسىز ەتۋ، وندا smart vet lis (ۆەتەرينارلىق لابوراتوريالىق جۇيە)، smaxtec (اقىلدى ٴسۇت فەرماسى)، agrooptim اقپاراتتىق-اناليتيكالىق جۇيەسى، كونسەنتراتورى بار قۇيىندى جەل قوندىرعىسى جانە ت.ب. جوبالار كورسەتىلگەن.

فورۋم قاتىسۋشىلارى شەتەلدىك ارىپتەستەرمەن بىرلەسىپ اشىلعان تەحنولوگيالىق پلاتفورمالار جانە ورتالىقتارىمەن، اتاپ ايتقاندا، قازاق-گەرمان ەگىنشىلىك ورتالىعى، اوك سيفرلاندىرۋ بويىنشا قازاق-قىتاي ورتالىعى، قازاق-قىتاي اۋىل شارۋاشىلىعىن مەحانيكالاندىرۋ ورتالىعى، ينجەنەرلىك كادرلاردى دايارلاۋ جانە قايتا دايارلاۋ قازاق-بەلارۋس ورتالىعىمەن تانىستى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي