BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

سەنات ٴتوراعاسى قازاقستان-شۆەيساريا دوستىق توبىنىڭ تەڭ ٴتوراعاسىن قابىلدادى

پارلامەنت سەناتىنىڭ ٴتوراعاسى قاسىم-جومارت توقايەۆ شۆەيساريا فەدەرالدىق جينالىسىنداعى قازاقستان-شۆەيساريا دوستىق توبىنىڭ تەڭ ٴتوراعاسى فيليپپو ٴلومبارديدى قابىلدادى، دەپ حابارلايدى baq.kz اقپارات اگەنتتىگى.

قر پارلامەنتى سەناتىنىڭ ٴباسپاسوز قىزمەتىنىڭ حابارلاۋىنشا، سەنات ٴتوراعاسى قازاقستان شۆەيساريانى ەۋروپاداعى ماڭىزدى ارىپتەس رەتىندە قاراستىراتىنىن، ەلدەرىمىز اراسىندا سىندارلى ساياسي ٴۇنقاتىسۋ قالىپتاسقانىن اتاپ ٴوتتى. ونىڭ پىكىرىنشە، پرەزيدەنت ن.نازاربايەۆتىڭ شۆەيساريا باسشىسىمەن الداعى كەلىسسوزدەرىنىڭ ەكى ەل اراسىنداعى ىنتىماقتاستىقتى ورىستەتۋدە ماڭىزى زور. تاراپتار پارلامەنتارالىق ىنتىماقتاستى تەرەڭدەتۋدىڭ كەلەشەگىن تالقىلادى.

ق.توقايەۆ ف.ٴلومبارديدى سەنات سايلاۋىنىڭ ناتيجەلەرىمەن تانىستىرىپ، ونىڭ بارىسىندا پارلامەنتتىڭ جوعارعى پالاتاسىنا 16 دەپۋتات سايلانعانى ايتىلدى. سايلاۋدى بايقاۋعا حالىقارالىق جانە وتاندىق 518 بايقاۋشى، ەلىمىزدەگى جانە شەتەلدىك بۇقارالىق اقپارات قۇرالدارىنىڭ 244 وكىلى قاتىستى. جۇزدەسۋشىلەر حالىقارالىق كۇن ٴتارتىبىن، ساۋدا-ەكونوميكالىق جانە گۋمانيتارلىق ىنتىماقتاستىق ماسەلەلەرىن تالقىلادى.

سەنات ٴتوراعاسى ورتالىق ازياداعى سۋعا قاتىستى جوبالاردى قولداعانى ٴۇشىن شۆەيسارياعا ريزاشىلىعىن ٴبىلدىردى. وسىعان بايلانىستى ق.توقايەۆ ەكسپو حالىقارالىق كورمەسى اياسىندا سۋ رەسۋرستارى جونىندەگى بىرلەسىپ ۇيىمداستىرىلعان ايماقتىق كونفەرەنسيانىڭ ماڭىزدىلىعىنا توقتالدى.

«شارا ورتالىق ازياداعى سۋ رەسۋرستارى جونىندەگى ٴۇنقاتىسۋلاردى ينستيتۋتتاندىرۋ مۇمكىندىكتەرىن زەردەلەۋ ٴۇشىن ەرەكشە الاڭ بولدى»، - دەپ اتاپ ٴوتتى سەنات باسشىسى.

اڭگىمە بارىسىندا قازاقستان مەن شۆەيساريا ايماقتارىنىڭ ىنتىماقتاستىعىن دامىتۋدىڭ كەلەشەگى دە تالقىلاندى. الماتى وبلىسى مەن تيچينو كانتونى اراسىندا قول قويىلعان ٴوزارا تۇسىنىستىك تۋرالى مەموراندۋم ەكى مەملەكەت اراسىندا دوستىق قاتىناستاردى دامىتۋ ٴۇشىن وڭ ىقپال ەتەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي