BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

نۇرسۇلتان نازاربايەۆ تمد ەلدەرى باسشىلارىنىڭ بەيرەسمي سامميتىنە قاتىستى

قازاقستان پرەزيدەنتى نۇرسۇلتان نازاربايەۆ تمد ەلدەرى باسشىلارىنىڭ بەيرەسمي سامميتىنە قاتىستى، دەپ حابارلايدى baq.kz اقپارات اگەنتتىگى اقوردانىڭ ٴباسپاسوز قىزمەتىنە سىلتەمە جاساپ.

كەزدەسۋگە ازەربايجان رەسپۋبليكاسىنىڭ پرەزيدەنتى ي.اليەۆ، ارمەنيا رەسپۋبليكاسىنىڭ پرەزيدەنتى س.سارگسيان، بەلارۋس رەسپۋبليكاسىنىڭ پرەزيدەنتى ا.لۋكاشەنكو، قىرعىز رەسپۋبليكاسىنىڭ پرەزيدەنتى س.جەەنبەكوۆ، مولدوۆا رەسپۋبليكاسىنىڭ پرەزيدەنتى ي.دودون، رەسەي فەدەراسياسىنىڭ پرەزيدەنتى ۆ.پۋتين، تاجىكستان رەسپۋبليكاسىنىڭ پرەزيدەنتى ە.راحمون جانە وزبەكستان رەسپۋبليكاسىنىڭ پرەزيدەنتى ش.ميرزييوەۆ قاتىستى.

مەملەكەتتەر باسشىلارى جيىن بارىسىندا رەسەي فەدەراسياسىنىڭ تمد-عا 2017 جىلى ٴتوراعالىق ەتۋىن قورىتىندىلادى.

نۇرسۇلتان نازاربايەۆ ۆلاديمير ٴپۋتيندى تمد-عا ٴتوراعالىعىنىڭ تابىستى اياقتالۋىمەن قۇتتىقتاپ، رەسەي فەدەراسياسىنىڭ ەۋرازيالىق كەڭىستىكتەگى ينتەگراسيانى دامىتۋ جانە دوستاستىقتىڭ حالىقارالىق بەدەلىن نىعايتۋ ٴۇشىن اتقارعان جۇمىسىنىڭ ماڭىزدىلىعىن اتاپ ٴوتتى.

مەملەكەت باسشىسى بيىلعى قاراشادا مينسك قالاسىندا وتكەن ۇجىمدىق قاۋىپسىزدىك شارت ۇيىمىنىڭ سامميتىندە وڭىرلىك جانە حالىقارالىق كۇن ٴتارتىبىنىڭ مەيلىنشە وزەكتى ماسەلەلەرى قاراستىرىلعانىن ايتتى.

– بىزدە كەلىسسوز ارقىلى شەشە الماعان ماسەلە جوق. بارىمىزگە ەگەمەندىك پەن ٴوزارا قۇرمەت قاعيداتتارىن نەگىزگە الىپ، ٴارى قاراي جۇمىس ىستەۋ قاجەت، – دەدى قازاقستان پرەزيدەنتى.

نۇرسۇلتان نازاربايەۆ ۆلاديمير پۋتينگە رەسەي فەدەراسياسى پرەزيدەنتىنىڭ الداعى سايلاۋىندا تابىس تىلەپ، رەسەيدىڭ كوپۇلتتى حالقى دۇرىس شەشىم قابىلدايتىنىنا سەنىم ٴبىلدىردى.

سوڭىندا تاراپتار ٴتۇرلى سالالارداعى مەملەكەتارالىق ىنتىماقتاستىقتى ودان ٴارى دامىتۋ ماسەلەلەرى جونىندە پىكىر الماسىپ، كەلەسى جىلى تمد-عا ٴتوراعالىق ەتۋىنە وراي تاجىكستان رەسپۋبليكاسىنا ساتتىلىك تىلەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي