BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

"مەن ونى نوكاۋتقا تۇسىرگىم كەلەدى". فيرۋزا ٴشارىپوۆا ufc چەمپيونىن جەكپە-جەككە شاقىردى

استانا، baq.kz. كاسىبي بوكستان الەم چەمپيونى قازاقستاندىق فيرۋزا شاريپوۆا ەكى ديۆيزيوندا ufc چەمپيونى برازيليالىق اماندا نۋنەستى جەكپە-جەككە شاقىردى. بۇل تۋرالى vesti.kz جازدى.

"كىشى روي دجونس ufc پرەزيدەنتى دانا ۋايتتىڭ جاقىن دوسى. قازىرگى تاڭدا ٴبىز روي دجونستىڭ كومانداسىمەن سەرىكتەسپىز جانە مەن ەكى سالماق دارەجەسىندە ufc چەمپيونى اماندا نۋنەسپەن جەكپە-جەك ۇيىمداستىرۋدى سۇرايمىن. مەن ونى نوكاۋتقا تۇسىرگىم كەلەدى. اماندانى كريستيانا جۋستينونى جەڭۋىمەن قۇتتىقتايمىن. ول بوكستىڭ تاماشا تەحنيكاسىن كورسەتىپ، تازا نوكاۋتپەن ۋاقىتىنان بۇرىن جەڭدى. مەن بۇل جەكپە-جەكتى اسىعا كۇتتىم، سەبەبى جەڭىمپازبەن كەزدەسكىم كەلەدى. ٴقازىر ٴوز كوماندامنان بۇل جەكپە-جەكتى 2019 جىلى ۇيىمداستىرۋىن سۇرايتىن بولامىن. نۋنەستىڭ يكەمىن ەسكەرەر بولساق، ول قىزىقتى ٴوتۋى ٴتيىس. ول جەكپە-جەك مەنىڭ ەۆا ۆالستروممەن كەزدەسۋىمنەن كەيىن ٴوتۋى مۇمكىن دەپ ويلايمىن"، - دەدى فيرۋزا ٴشارىپوۆا.

ايتا كەتەيىك، اماندا نۋنەس (17-4) وتانداسى كريستيانا جۋستينونى (20-2) جەڭىپ، ufc تاريحىندا ەكى سالماق دارەجەسى بويىنشا العاشقى چەمپيون اتاندى.

فيرۋزا ٴشارىپوۆا كەلەسى جەكپە-جەگىن 2019 جىلى كوكتەمدە wbc تۇجىرىمى بويىنشا الەم چەمپيونى فينليانديالىق ەۆا ۆالستروممەن وتكىزۋى ٴتيىس. ول بىرلەسكەن كەزدەسۋ بولادى جانە ونىڭ جەڭىمپازى ەكىنشى جارتىلاي سالماقتا الەم ۇزدىگى اتانادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي